ମୁମ୍ବାଇ: ରାଜକୁମାର ହିରାନୀଙ୍କ ୩ ଇଡିୟଟ୍ସ ହିନ୍ଦୀ ସିନେମାରେ ସବୁଠୁ ସ୍ମରଣୀୟ ଫିଲ୍ମ ମଧ୍ୟରୁ ଅନ୍ୟତମ। ଫିଲ୍ମଟି ସେହି ସମୟରେ ବକ୍ସ ଅଫିସରେ ସମସ୍ତ ରେକର୍ଡ ଭାଙ୍ଗିଥିଲା। ଭାରତ ଚଳଚ୍ଚିତ୍ର ଇତିହାସରେ ସବୁଠୁ ଲୋକ ପ୍ରିୟ ଫିଲ୍ମ ମଧ୍ୟରୁ ଏହା ଗୋଟିଏ। ୩ ଇଡିୟଟ୍ସ ୨୦୦୯ରେ ରିଲିଜ୍ ହୋଇଥିଲା। ଏବେ ୧୪ ବର୍ଷ ପରେ ପୁଣିଥରେ ଫିଲ୍ମର ଅଭିନେତା ଏକାଠି ହୋଇଛନ୍ତି। ତିନି ଅଭିନେତାଙ୍କୁ ଏକାଠି ଦେଖିବା ପରେ ପୁଣି ଥରେ ୩ ଇଡିୟଟ୍ସର ଅନେକ ଦୃଶ୍ୟ ଲୋକଙ୍କ ମନରେ ସତେଜ ହୋଇ ଯାଉଛି। କମେଣ୍ଟ ସେକ୍ସନରେ ୟୁଜର୍ସ ଏହା ଲେଖିବା ଆରମ୍ଭ କରି ଦେଇଛନ୍ତି ଯେ, ହିରାନୀଙ୍କୁ ଏହାର ପରବର୍ତ୍ତୀ ପାର୍ଟ କରିବା ଉଚିତ୍।
୧୪ ବର୍ଷ ପରେ ଏକାଠି ହେଲେ ତିନି ଅଭିନେତା
wp:html/wp:html
ଭିଡିଓ ଦେଖି ଯଦି ଆପଣ ଭାବୁଥିବେ ଯେ, ୩ ଇଡିୟଟ୍ସର ସିକ୍ଵେଲ ଆସିବାକୁ ଯାଉଛି। ମାତ୍ର ଏମିତି କିଛି ନାହିଁ। ସୂଚନା ଅନୁଯାୟୀ, ସରମନ ଯୋଶୀ ନିଜର ଗୁଜରାଟୀ ଫିଲ୍ମ Congratulationsର ରିଲିଜ୍ ପୂର୍ବରୁ ଏହି ଭିଡିଓ ସେୟାର କରିଥିଲେ।ଏହି ଫିଲ୍ମ ପୂର୍ବରୁ ତିନି ଅଭିନେତା ଏକତ୍ର ନଜର ଆସିଛନ୍ତି। ଏହା ଜରିଆର ସରମନ ନିଜ ଫିଲ୍ମ ବିଷୟରେ ପ୍ରଶଂସକଙ୍କୁ ସୂଚନା ଦେବାକୁ ଚେଷ୍ଟା କରିଛନ୍ତି।
ପ୍ରଶଂସକ କହିଛନ୍ତି, ତିନି ଜଣଙ୍କୁ ଦୀର୍ଘ ସମୟ ପରେ ଏକାଠି ଦେଖି ବହୁତ ଖୁସି ଲାଗୁଛି। ତେଣୁ ୩ ଇଡିୟଟ୍ସର ଆଉ ଏକ ପାର୍ଟ କରାଯିବା ଉଚିତ୍। ଆମେ ୩ ଇଡିୟଟ୍ସର ସିକ୍ଵେଲକୁ ଅପେକ୍ଷା କରୁଛୁ। ଜଣେ ପ୍ରଶଂସକ ଲେଖିଛନ୍ତି ଭାରତୀୟ ସିନେମାର ମହାନ ଚରିତ୍ର ରାଞ୍ଚୋ, ରାଜୁ, ଫରହାନ। ୩ ଇଡିୟଟ୍ସରେ ଆମିରଙ୍କ ଚରିତ୍ରର ନାମ ରାଞ୍ଚୋ, ମାଧବନଙ୍କ ନାମ ଫରହାନ ଏବଂ ଶରମନ ଯୋଶୀଙ୍କ ନାମ ରାଜୁ ଥିଲା।
