ଆନନ୍ଦପୁର, ୧୯/୦୩: ଆନନ୍ଦପୁର ଷ୍ଟେଟ୍ ବ୍ଯାଙ୍କ୍‌ ନିକଟ ଏକ ମୋବାଇଲ ଦୋକାନ ଲୁଟ୍‌ ଘଟଣାରେ ଲୁଟେରାଙ୍କୁ ଧରିଛି ଆନନ୍ଦପୁର ପୋଲିସ୍‌। ଗତ ୧୭ ତାରିଖ ରାତିରେ ସଟର ତାଡି ଲୁଟେରା କରିଥିଲେ ଏହି ଲୁଟେଲା। ଲୁଟେରା ଦ୍ବୟ ନାବାଳକ ହୋଇଥିବାବେଳେ ସେମାନଙ୍କ ଠାରୁ ୨୮ ଟି ମୋବାଇଲ ସହ ଅନ୍ୟାନ୍ୟ ସାମଗ୍ରୀ ଜବତ ହୋଇଛି।

ଜଣଙ୍କ ଘର ଆନନ୍ଦପୁରରେ ହେଇଥିବା ବେଳେ ଅନ୍ୟଜଣେ ଫକୀରପୁର ଗ୍ରାମର ହୋଇଥିବା ସୂଚନା ମିଳିଛି। ଦୋକାନ ଭାଙ୍ଗିବାକୁ ଏକ ଶାବଳ ଧରି ଯାଉଥିବା ସମୟରେ ଉଭୟଙ୍କ ଚିତ୍ର ସିସିଟିଭି ରେ କଏଦ ହୋଇଥିଲା। ସିସିଟିଭିରୁ ଉଭୟଙ୍କୁ ଚିହ୍ନଟ  କରି ପୋଲିସ୍ ରବିବାର ଶାଳରଡା ନିକଟରୁ ସେମାନଙ୍କୁ ଗିରଫ କରିଛି। ପରେ ସେମାନଙ୍କ ସୂଚନା ଆଧାରରେ ୫୩ନଂ ରାଜ୍ଯ ରାଜପଥରର ବ୍ରାହ୍ମଣୀ ଦେବୀ ସ୍କୁଲ ନିକଟ ଏକ କଲଭର୍ଟ ଭିତରେ ଲୁଚାଇ ରଖିଥିବା ଲୁଟ୍ ସାମଗ୍ରୀକୁ ଜବତ କରିଥିଲା ପୋଲିସ୍‌।