ମଲ୍‌ ଓ ସିନେମା ହଲର ଟଏଲେଟରେ ତଳ ପଟୁ କାହିଁକି ଥାଏ ଫାଙ୍କା ? ଜାଣନ୍ତୁ କାରଣ କଣ ?

15/06/2023 at 11:25 AM

ନୂଆଦିଲ୍ଲୀ ୧୫।୦୬ : ଆପଣ ନିଶ୍ଚୟ ସିନେମା ହଲ୍, ସପିଂ ମଲ୍, ହସ୍ପିଟାଲ୍ କିମ୍ବା କୌଣସି ସାର୍ବଜନୀନ ଶୌଚାଳୟ ଦେଖିଥିବେ । ନିଶ୍ଚୟ ନଜର କରିଥିବେ ଏହାର କବାଟକୁ । ଦେଖିଥିବେ ଯେ ଏହାର କବାଟ ତଳୁ ଛୋଟ ରହିଥିବ । କିନ୍ତୁ ଏପରି କାହିଁକି ।

ସାଧାରଣତଃ ଘର କିମ୍ବା ହୋଟେଲ ରୁମରେ ଥିବା ଶୌଚାଳୟ କିମ୍ବା ୱାଶରୁମର କବାଟ ଉପରୁ ତଳ ପର୍ଯ୍ୟନ୍ତ ପୂରା କଭର ହୋଇଥାଏ। କିନ୍ତୁ ସପିଂ ମଲ୍, ସିନେମା ହଲ୍, ଡାକ୍ତରଖାନା ପରି ସର୍ବସାଧାରଣ ଶୌଚାଳୟରେ କବାଟ ସମ୍ପୂର୍ଣ୍ଣ ଚଟାଣ ପର୍ଯ୍ୟନ୍ତ ହୋଇ ନଥାଏ । ତଳ ଅଂଶ ଚଟାଣ ଆଡକୁ ଛୋଟ ଥାଏ ।

ସର୍ବସାଧାରଣ ଶୌଚାଳୟର ତଳ ଭାଗରେ ଏକ ଫାଙ୍କ ରଖିବା ଏହାକୁ ସଫା କରିବା ପାଇଁ ସୁବିଧା ହୋଇଥାଏ। ଶୌଚାଳୟରେ ପ୍ରବେଶ ନକରି ତଳୁ ପାଣି କିମ୍ବା ମଇଳା ସଫା କରାଯାଇପାରିବ।ଶୌଚାଳୟରୁ ବାହାରୁଥିବା ଦୁର୍ଗନ୍ଧ ମଧ୍ୟ ଶୀଘ୍ର ଚାଲିଯାଏ କାରଣ ତଳଟି ବନ୍ଦ ହୋଇନଥାଏ।

ଯଦି ଶୌଚାଳୟ ଭିତରେ ଥିବା ବ୍ୟକ୍ତିଙ୍କର ହଠାତ୍ କିଛି ଶାରୀରିକ ସମସ୍ୟା ଦେଖାଦିଏ କିମ୍ବା କୌଣସି କାରଣରୁ ସେ ପଡିଯାନ୍ତି, ତେବେ ଏହା ତଳ ଭାଗରୁ ଦୃଶ୍ୟମାନ ହେବ। ଯଦି କବାଟ ସମ୍ପୂର୍ଣ୍ଣ ବନ୍ଦ ହୋଇଯାଏ ତେବେ ଭିତର କଣ ଘଟୁଛି ଜାଣିବା ଅସମ୍ଭବ ଅଟେ।