ମୁନିଗୁଡ଼ା ୨୪/୦୭: ରାୟଗଡ଼ା ଜିଲ୍ଲା ଗୁଣୁପୁର ଥାନା ସାନଆଚବ ଗାଁରେ ହୋଇଥିବା ସୁନା ଚୋରି ଘଟଣାର ଗୁଣୁପୁର ପୋଲିସ ପର୍ଦାଫାସ କରିଛି। ଏଥିରେ ସମ୍ପୃକ୍ତ ଜଣେ ଅଭିଯୁକ୍ତ ଶହଦେବ ବାଉରିକୁ ପୋଲିସ ଗିରଫ କରିଥିବା ବେଳେ ଅନ୍ୟ ଦୁଇ ଅଭିଯୁକ୍ତ ଫେରାର ଅଛନ୍ତି। ଫେରାର ଅଭିଯୁକ୍ତଙ୍କ ପରିଚୟ ଶ୍ୟାମ ବାଉରି ଓ ନାରାୟଣ ବାଉରି। ଅଭିଯୁକ୍ତମାନେ ଗୋଟିଏ ପରିବାରର ବାପା ଓ ଦୁଇ ପୁଅ। ଜୁଲାଇ ୨୧ ତାରିଖ ବୁଧବାର ରାତିରେ ଦୁର୍ବୃତ୍ତମାନେ କୃଷ୍ଣଚନ୍ଦ୍ର ସାହୁ ନାମକ ବ୍ୟକ୍ତିଙ୍କ ଘରୁ ୪୦୦ ଗ୍ରାମ୍ ସୁନା ଚୋରି କରିଥିଲେ। ଏନେଇ କୃଷ୍ଣଚନ୍ଦ୍ର ସାହୁ ଜୁଲାଇ ୨୨ରେ ଗୁଣୁପୁର ଥାନାରେ ଏତଲା ଦେଇଥିଲେ।
ପୋଲିସ ଗୁରୁତର ସହ ଏହାକୁ ନେଇ ସାଇଣ୍ଟିଫିକ୍ ଟିମ୍ ଓ ସନ୍ଧାନି କୁକୁର ମାଧ୍ୟମରେ ପୋଲିସ ତଦନ୍ତ କରିଥିଲା। ପରେ ଶହଦେବ ବାଉରୀକୁ ପୋଲିସ ଥାନାକୁ ଆଣି ପଚରାଉଚୁରା ପରେ ସେ ଚୋରି କରିବା କଥା ସ୍ୱୀକାର କରିଥିଲା। ପରେ ଶହଦେବ ଥାନାର ଶୌଚାଳୟରେ ଥିବା ଫିନାଇଲ୍ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ଅଭିଯୁକ୍ତ ସହଦେବକୁ ପୋଲିସ ଡାକ୍ତରଖାନାରେ ଚିକିତ୍ସା କରି ଗିରଫ କରିଛି। ୪୦୦ ଗ୍ରାମ ସୁନା ଅଳଙ୍କାର ଓ ପାଞ୍ଚ ହଜାର ଟଙ୍କା ଜବତ କରି ପୋଲିସ କୃଷ୍ଣଚନ୍ଦ୍ର ସାହୁଙ୍କୁ ଫେରାଇଛି। ଏନେଇ ଅତିରିକ୍ତ ପୋଲିସ ଆରକ୍ଷି ଲଳିତ କୁମାର ପଟ୍ଟନାୟକ ଅଧିକ୍ଷକ ସାମ୍ୱାଦିକ ସମ୍ମିଳୀରେ ସୂଚନା ଦେଇଛନ୍ତି।
