ଫୁଲବାଣୀ: କନ୍ଧମାଳ ଜିଲ୍ଲା ଟିକାବାଲି ଥାନାର ଜଣେ କର୍ତ୍ତବ୍ୟରତ  କନଷ୍ଟେବଲ ସୋମବାର ସକାଳେ ନିଜ ବାସଭବନରେ  ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି l ମୃତ କନେଷ୍ଟବଳଜଣକ ହେଉଛନ୍ତି  ଶ୍ରୀନିବାସ  ଘଟାଲା l ଶ୍ରୀନିବାସ କାହିଁକି ଓ କଣ ପାଇଁ ଆତ୍ମହତ୍ୟା କଲେ  ତାହା ଏଯାଏଁ ଜଣାପଡ଼ିନି। ଶ୍ରୀନିବାସଙ୍କ ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି l ଝିଅ ଯୁକ୍ତ ଦୁଇ କଲେଜରେ ପଢୁଥିବାବେଳେ ପୁଅ ଦଶମ ରେ ପାଠ ପଢୁଛି।

ଖବର ପାଇ ଘଟଣାସ୍ଥଳରେ ଜି ଉଦୟଗିରି ଏସ୍ ଡିପିଓ ଏବଂ ବାଲିଗୁଡା ଏସଡିପିଓ ପହଞ୍ଚି ତଦନ୍ତ ଜାରି ରଖିଛନ୍ତି। ପାରିବାରିକ ଅଶାନ୍ତି ଯୋଗୁଁ ଶ୍ରୀନିବାସ ଆତ୍ମହତ୍ୟା କରିଥିବା କୁହାଯାଉଛି l ସେହିପରି ଗତ କିଛିମାସ ତଳେ ଜି ଉଦୟଗିରି ଥାନାର ମହିଳା ସବଇନ୍ସପେକେଟର ଜଣେ ଆତ୍ମହତ୍ୟା କରିଥିଲେ।