ନୂଆଦିଲ୍ଲୀ: ଅର୍ଥ ଏବଂ ଏହା ସହ ଜଡ଼ିତ କ୍ଷେତ୍ରରେ ମହିଳାଙ୍କ ଯୋଗଦାନ ହାର ଭାରତରେ ଲାଗାତାର ହ୍ରାସ ପାଇବାରେ ଲାଗିଛି । ଶ୍ରମବଳରେ ପ୍ରତି ୮ ଜଣରେ ହାରାହାରି ଜଣେ ମହିଳା ସାମିଲ ଅଛନ୍ତି । ସିଏଫଏ ଇଷ୍ଟିଚ୍ୟୁଟ୍ ଦ୍ୱାରା ୧୩୪ କମ୍ପାନି ରିପୋର୍ଟ ଅଧ୍ୟୟନରେ ଏହି ସୂଚନା ସାମନାକୁ ଆସିଛି ।
ସଂସ୍ଥା ନିଜର ବ୍ୟବସାୟ ଉତ୍ତରଦାୟିତ୍ୱ ଏବଂ ସ୍ଥରିତା ରିପୋର୍ଟ (ବିଆରଏସଆର) ୨୦୨୧ରେ ସେବି ଦ୍ୱାରା ବାଧ୍ୟତାମୂଳକ କରାଯାଇଥିବା ସ୍ଥିରତାର ଖୁଲାସା ମଧ୍ୟ ସାମିଲ ରହିଛି । ଏଥିରେ ଭାରତୀୟ କମ୍ପାନିଙ୍କ ଶ୍ରମଶକ୍ତି, ବେତନ, ଚାକିରି ଛାଡିବା ହାର ଏବଂ ମହିଳା-ପୁରୁଷ ସଂଖ୍ୟା ପରି ଅନ୍ୟ ବିଷୟ ଉପରେ ସୂଚନା ଉପଲବ୍ଧ କରାଇବା ପାଇଁ କୁହାଯାଇଥିଲା । ଆର୍ଥିକ ବର୍ଷ ୨୨୦୧-୨୨ ପାଇଁ ଏହା ସ୍ୱଇଚ୍ଛା ଏବଂ ୨୦୨୨-୨୩ରୁ ଶୀର୍ଷ ୧୦୦୦ କମ୍ପାନି ପାଇଁ ବାଧ୍ୟତାମୂଳକ ଅଟେ ।
ଅଧ୍ୟୟନରୁ ଜଣାପଡ଼ିଛି ଯେ ଅନ୍ୟ କ୍ଷେତ୍ର ତୁଳନାରେ ସୂଚନା ପ୍ରଯୁକ୍ତି ଏବଂ ଆର୍ଥିକ ସେବା ପରି ବଡ଼ ଶ୍ରମଶକ୍ତି ଏବଂ ଅନ୍ୟ କ୍ଷେତ୍ରରେ ମହିଳାଙ୍କ କ୍ୟାରିୟର ପ୍ରଗତି କମ ରହିଛି । ଆର୍ଥିକ ସେବା ସହ ଜଡିତ କମ୍ପାନିଗୁଡିକ କ୍ଷେତ୍ରରେ ମହିଳା କର୍ମଚାରୀ ୨୧.୭ ପ୍ରତିଶତ ଏବଂ ୧୫.୯ ପ୍ରତିଶତ ପ୍ରମୁଖ ପରିଚାଳନା କର୍ମଚାରୀଙ୍କ ପ୍ରତିନିଧିତ୍ୱ କରିଥିଲେ ।
