ଭୁବନେଶ୍ଵର: ଡିସେମ୍ବର ହେଲାଣି ହେଲେ ଶୀତ ଗାଏବ । ଚଳିତ ବର୍ଷ ଏଲ ନିନୋ ପ୍ରଭାବ ଯୋଗୁଁ ଶୀତ କମ୍ ହେଉଥିବା ପାଣିପାଗ କେନ୍ଦ୍ର କହୁଥିବା ବେଳେ ବିଶେଷଜ୍ଞ କହିଛନ୍ତି ବଙ୍ଗୋପସାଗର ପଟୁ ଆସୁଥିବା ଇଷ୍ଟର୍ଣ୍ଣ ୱେଭ ରାଜ୍ୟରେ ଶୀତ ନ ହେବାର ପ୍ରମୁଖ କାରଣ ।
ରାଜ୍ୟରୁ ଶୀତ ଗାଏବ । ଡିସେମ୍ବର ମାସ ଆରମ୍ଭ ହେଲେଣି । କିନ୍ତୁ ଅନୁଭବ ହେଉନି ଶୀତ । ଚଳିତ ବର୍ଷ ଲୋକେ ଶୀତ ବିଶେଷ ଅନୁଭବ କରିବେନାହିଁ। ଏନେଇ ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ । ଡିସେମ୍ବରରୁ ଫେବୁଆରୀ ଭିତରେ କମ ହେବ ଶୀତ। ରାତି ତାପ ମାତ୍ର ସ୍ୱାଭାବିକ ଠାରୁ ଅଧିକ ରହିବ । ତେବେ ଏଥରକ ଉତର, ଉତ୍ତର ପଶ୍ଚିମ , କେନ୍ଦ୍ରୀୟ, ପୂର୍ବଓ ଉତ୍ତର ପୂର୍ବ ଭାରତ ରେ ଶୀତ ଲହରୀ ଅବଧି କମ ରାହୁଥିଭାରୁ ଶୀତ କମ ଅନୁଭ ହେବ । ତେବେ ଚଳିତ ବର୍ଷ ଏଲ ନିନୋ ପ୍ରଭାବ ରହିଥିବାରୁ ଏହାର ପ୍ରଭାବ ଶୀତ ଉପରେ ମଧ୍ୟ ରହୁଛି । ଶୀତ ଦିନରେ ବର୍ଷା ହେବ ଏବଂ ଶୀତ କମ ଅନୁଭବ ହେବ ବୋଲି ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି।
{"id":877757,"sizeSlug":"full","linkDestination":"none"}ସେପଟେ ପାଣିପାଗ ବିଶେଷଜ୍ଞ କହିଛନ୍ତି ବଙ୍ଗୋପସାଗର ପଟୁ ଆସୁଥିବା ପଶ୍ଚିମବାୟୁର ପ୍ରଭାବରେ ଅନିୟମିତତା ପାଇଁ ରାଜ୍ୟରେ ଶୀତ ଅନୁଭବ ହେଉନି। ଏଥିସହ ବଙ୍ଗୋପସାଗର ପଟୁ ଗୋଟେ ପରେ ଗୋଟେ ଇଷ୍ଟର୍ଣ୍ଣ ୱେଭ ବା ପୂର୍ବ ତରଙ୍ଗ ଆସୁଥିବା ବେଳେ ଶୀତର ମାତ୍ରା ମଧ୍ୟ ଅନୁଭୁତ ହେଉ ନ ଥିବା କହିଛନ୍ତି ପାଣିପାଗ ବିଶେଷଜ୍ଞ । ୨୦୨୧ ପରଠାରୁ ରାଜ୍ୟରେ ଭଲ ଶୀତ ହୋଇନାହିଁ । ଗତ ୫ ବର୍ଷର ପାଣିପାଗ ସିଷ୍ଟମ୍ ଅନୁସାରେ ଚଳିତ ବର୍ଷ ସିଷ୍ଟମ୍ ରେ ଅନେକ ପରିବର୍ତନ ଦେଖାଯାଉଛି । ଏପରିକି ଦିଲ୍ଲୀରେ ପ୍ରଦୂଷଣ ମଧ୍ୟ ଅନ୍ୟତମ କାରଣ ବୋଲି ପାଣିପାଗ ବିଶେଷଜ୍ଞ ମତ ରଖିଛନ୍ତି ।
ସାରା ବିଶ୍ବରେ ଏବେ ଗ୍ଲୋବାଲ ୱାର୍ମିଂ ଚିନ୍ତାର କାରଣ ପାଲଟିଥିବା ବେଳେ ଏହାର ପ୍ରଭାବ ସିଧାସଳଖ ଋତୁ ଚକ୍ର ଉପରେ ପଡୁଛି । ତେବେ ଏଥିପାଇଁ ମନୁଷ୍ୟ ସମାଜ ଦାୟୀ ବୋଲି ପରିବେଶବିତଙ୍କ ମତ ମଧ୍ୟ ରହୁଛି ।