AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନବଦାସ ହତ୍ୟା ଘଟଣାରେ ଡିଜିଙ୍କ ପ୍ରେସମିଟ୍, କହିଲେ ତଦନ୍ତକୁ ଆହୁରି ଲାଗିବ ସମୟ
  • ||
  • ଭୁବନେଶ୍ୱର୨: CFSLର ସହାୟତାରେ ASI ଗୋପାଳ ଦାସଙ୍କ ହେବ ଭଏସ ଟେଷ୍ଟ
  • ||
  • ଖଲ୍ଲିକୋଟ: ବସ୍‌ କର୍ମଚାରୀ ଭୁଲିଗଲେ ମାନବିକତା, ଅଧାରାସ୍ତାରେ ଛାଡି ଚାଲିଗଲେ ମୃତଦେହ
  • ||
  • ଦାରିଙ୍ଗବାଡି: ବାଇକ୍‌-କାର୍‌ ମୁହାଁମୁହିଁ ଧକ୍କା: ୨ ମୃତ, ଜଣେ ଆହତ
  • ||
  • ପାଟଣା: ପୋଖରୀ ଭିତରକୁ ପଶିଲା ତେଲ ଟ୍ୟାଙ୍କର, ଭାରସାମ୍ୟ ହରାଇ ଓଲଟିପଡିଲା
  • ||

କୁଲଦୀପ ସେଙ୍ଗର ବିରୋଧରେ କେସ୍ ଲଢୁଥିବା ଓକିଲଙ୍କ ନିଧନ, ୧୬ ମାସ ଧରି ଚାଲିଥିଲା ଚିକିତ୍ସା

30/11/2020 at 5:24 PM

ଉନ୍ନାଓ ୩୦।୧୧: ଉନ୍ନାଓ ଦୁଷ୍କର୍ମ ମାମଲାରେ ପୂର୍ବତନ ବିଧାୟକ କୁଲଦୀପ ସିଂହ ସେଙ୍ଗରଙ୍କ ବିରୋଧରେ କେସ୍‌ ଲଢୁଥିବା ଓକିଲ ମହେନ୍ଦ୍ର ସିଂହ ମାଖୀଙ୍କ ସୋମବାର ପରଲୋକ ଘଟିଛି। ୧୬ ମାସ ଧରି ତାଙ୍କର ଚିକିତ୍ସା ଜାରି ରହିଥିଲା। ସେ ରାୟବରେଲି ସଡକ ଦୁର୍ଘଟଣାରେ ଗୁରୁତର ଭାବେ ଆହତ ହୋଇଥିଲେ। ସୋମବାର ସେ ଶେଷ ନିଃଶ୍ଵାସ ତ୍ୟାଗ କରିଛନ୍ତି।

ଉଲ୍ଲେଖଯୋଗ୍ୟ, ଉନ୍ନାଓ ଦୁଷ୍କର୍ମ କେସ୍‌ରେ ମହେନ୍ଦ୍ର ସିଂହ ମାଖୀ ପୀଡିତାଙ୍କ ପକ୍ଷରୁ ମାମଲା ଲଢୁଥିଲେ। ଲକ୍ଷ୍ନୌ ଯିବା ସମୟରେ ଏକ ଦୁର୍ଘଟଣାରେ ସେ ଗୁରୁତର ଆହତ ହୋଇଥିଲେ। ତେବେଠୁ ତାଙ୍କର ଏମ୍ସରେ ଚିକିତ୍ସା ଚାଲିଥିଲା। ୨୦୧୯ ଜୁଲାଇରେ ଉନ୍ନାଓ କେସ୍‌ ପରେ ଯେବେ ପୀଡିତା ନିଜ ପରିବାର ଓ ଓକିଲଙ୍କ ସହ ରାୟବରେଲୀ ଯାଉଥିଲେ, ସେହି ସମୟରେ ଏକ ଟ୍ରକ ତାଙ୍କ କାରକୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ପୀଡିତାଙ୍କ ଖୁଡି ଓ ମାଉସିଙ୍କ ଦୁର୍ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଓକିଲ ଓ ପୀଡିତା ଗୁରୁତର ଆହତ ହୋଇଥିଲେ। ସେହି ଦିନଠୁ ଏମ୍ସରେ ଓକିଲଙ୍କ  ଚିକିତ୍ସା ଜାରି ରହିଥିଲା ଏବଂ ସେ କୋମାରେ ଥିଲେ।

ଉନ୍ନାଓ ଦୁଷ୍କର୍ମ କେସ୍‌ରେ ପୀଡିତାଙ୍କ ପିତାଙ୍କ ହାଜତରେ ମୃତ୍ୟୁ ଘଟିଥିଲା। ଏହି ମାମଲାରେ ଜେଲ୍‌ରେ ସଜା କାଟୁଥିବା ପୂର୍ବତନ ବିଧାୟକ କୁଲଦୀପ ସିଂହ ସେଙ୍ଗର ଦୀର୍ଘ ଦିନ ଧରି ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଥିଲେ। ନିକଟରେ ତାଙ୍କ ପକ୍ଷରୁ ଅଦାଲତରେ ସିବିଆଇ ନିଷ୍ପତ୍ତି ବିରୋଧରେ ଆବେଦନ କରାଯାଇଛି। ଏହି ମାମଲାରେ କୁଲଦୀପ ସିଂହ ସେଙ୍ଗର ସମେତ ମୋଟ୍ ୭ ଦୋଷୀଙ୍କୁ ୧୦ ବର୍ଷ ଲେଖାଏଁ ଜେଲ୍ ଦଣ୍ଡ ମିଳିଛି।

   Related Posts