scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଜାନୁଆରୀ ୯ରୁ କଳିଙ୍ଗ ସୁପର କପ୍‌ ଫୁଟବଲ; ଓଡ଼ିଶାର ୨ଟି ଭେନ୍ୟୁରେ ମ୍ୟାଚ୍

30/11/2023 at 2:57 PM

ଭୁବନେଶ୍ୱର,୩୦/୧୧: ନୂଆବର୍ଷରୁ କଳିଙ୍ଗ କପ ଫୁଟବଲ୍ । ଜାନୁଆରୀ ୯ ତାରିଖରୁ ରାଜ୍ୟର ଦୁଇଟି ଭେନ୍ୟୁରେ ଆରମ୍ଭ ହେବାକୁ ଯାଉଛି କଳିଙ୍ଗ ସୁପର କପ୍‌ । ସର୍ବଭାରତୀୟ ଫୁଟବଲ ସଂଘ ବା ଏଆଇଏଫ୍‌ଏଫ୍‌  ସଭାପତି କଲ୍ୟାଣ ଚୌବେ ଏନେଇ ଘୋଷଣା କରିଛନ୍ତି ।

ଶ୍ରୀ ଚୌବେ କହିଛନ୍ତି, ‘ପ୍ରତି ବର୍ଷ ଆୟୋଜିତ ହେଉଥିବା ସୁପର କପ୍‌କୁ  ଏବେ ବିଶାଳ ଭାବେ ଆୟୋଜନ କରାଯିବ । ଟୁର୍ଣ୍ଣାମେଣ୍ଟର ନୂଆ ନାମକରଣ ହୋଇ ‘କଳିଙ୍ଗ ସୁପର କପ୍‌’ ରଖାଯାଇଛି । ଓଡ଼ିଶାରେ ଏହା  ଜାନୁଆରୀ ୯ତାରିଖରୁ ଖେଳାଯିବ । ଏହା  ଭାରତୀୟ ଘରୋଇ ଫୁଟବଲକୁ ଅଧିକ  ସମୃଦ୍ଧ କରିବାରେ ସହାୟକ ହେବ ।’

ଇଣ୍ଡିଆନ ସୁପର ଲିଗ୍‌ ଏବଂ ଆଇଲିଗ୍‌ରୁ ଦଳ ଗୁଡ଼ିକ ଟୁର୍ଣ୍ଣାମେଣ୍ଟରେ  ଭାଗ ନେବେ । ଟୁର୍ଣ୍ଣାମେଣ୍ଟରେ ୪ଟି  ଗ୍ରୁପ୍‌ ରହିବ । ପ୍ରତି ଗ୍ରୁପ୍‌ରେ ୪ଟି  ଦଳ ରହିବେ ଏବଂ ପରସ୍ପରକୁ  ଥରୁଟିଏ ଭେଟିବେ । ଗ୍ରୁପ୍‌ ଟପ୍ପର ଦଳ ସେମି ଫାଇନାଲକୁ ଉନ୍ନୀତ ହେବ ।  ଚାମ୍ପିଅନ ଦଳ ଏଏଫ୍‌ସି ୨୦୨୩-୨୪ର  ଏସିଏଲ୍‌-୨ର ପ୍ରାରମ୍ଭିକ ପର୍ଯ୍ୟାୟ  ଖେଳିବାକୁ ଯୋଗ୍ୟତା ହାସଲ କରିବ । 

ସୂଚନାଯୋଗ୍ୟ, ୨୦୨୨ ସେପ୍ଟେମ୍ବର  ୨୧ ତାରିଖରେ କଲ୍ୟାଣ ଚୌବେ ନୂଆ  ସଭାପତି ଭାବେ ନିର୍ବାଚିତ ହେବା  ପରେ ୧୭ ବର୍ଷରୁ କମ୍‌ ଫିଫା ମହିଳା  ବିଶ୍ୱକପ୍‌ ଆୟୋଜନ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ସାକ୍ଷାତ  କରିଥିଲେ । ଏହି ସାକ୍ଷାତ ସମୟରେ  ଓଡ଼ିଶାରେ ମହିଳା ଫୁଟବଲର ବିକାଶ  ଏବଂ ସର୍ବଭାରତୀୟ କଳିଙ୍ଗ କପ୍‌  ଫୁଟବଲର ପୁନଃ ଆରମ୍ଭ ହେବା  ବିଷୟରେ ଆଲୋଚନା ହୋଇଥିଲା ।  ଏହି ଆଲୋଚନାର ସାରାଂଶ ଏବଂ  ଫଟୋ ମୁଖ୍ୟମନ୍ତ୍ରୀ ନିଜ ଟ୍ୱିଟର  ପୃଷ୍ଠାରେ ସେୟାର କରିଥିଲେ ।  

କଳିଙ୍ଗ କପ୍‌ ଫୁଟବଲ ଏକ ନୂଆ  ଏବଂ ବିସ୍ତୃତ ରୂପରେ ଆୟୋଜିତ  ହେବାକୁ ଯାଉଛି । ଯାହା ରାଜ୍ୟ ପାଇଁ  ଗୌରବର ବିଷୟ । ୧୯୬୨ ମସିହାରେ  କ୍ରୀଡ଼ାପ୍ରେମୀ ପୂର୍ବତନ ମୁଖ୍ୟମନ୍ତ୍ରୀ ବିଜୁ  ପଟ୍ଟନାୟକ କଳିଙ୍ଗ କପ୍‌ ଫୁଟବଲ  ଆରମ୍ଭ କରିଥିଲେ । ଇତି ମଧ୍ୟରେ ଛଅ  ଦଶନ୍ଧି ବିତିଗଲାଣି । ୨୦୧୬ ମସିହାରୁ  ଏହି ଟୁର୍ଣ୍ଣାମେଣ୍ଟ ବନ୍ଦ ରହିଥିଲା ।

   Related Posts