ନୂଆଦିଲ୍ଲୀ: ଆଇସିସି ୱାର୍ଲଡ ଟେଷ୍ଟା ଚାମ୍ପିୟନଶିପ ଫାଇନାଲ ପାଇଁ ଲଢେଇ ଆରମ୍ଭ ହୋଇଯାଇଛି । ଲଣ୍ଡନର ଓଭାଲ ମୈଦାନରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଛି ବିଗ୍ ଫାଇଟ୍ । ଟାଇଟଲ ମୁକାବିଲାରେ ଟସ୍ ଜିତି ଅଷ୍ଟ୍ରେଲିଆକୁ ପ୍ରଥମେ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା ଭାରତ । ତେବେ ବୁଧବାର ଉଭୟ ଟିମର ଖେଳାଳି କଳା ପଟି ପିନ୍ଧି ଖେଳୁଛନ୍ତି । ଓଡ଼ିଶାରେ ଘଟିଥିବା ଭୟଙ୍କର ଟ୍ରେନ ଦୁର୍ଘଟଣାର ପୀଡିତଙ୍କ ପ୍ରତି ସମବେଦନା ବ୍ୟକ୍ତି କରିବା ପାଇଁ କଳା ବ୍ୟାଚ୍ ପିନ୍ଧିଛନ୍ତି ।

ବିସିସିଆଇ ମଧ୍ୟ ଟ୍ୱିଟ୍ କରି ଏହି ସୂଚନା ଦେଇଛି । ବିସିସିଆଇ କହିଛି, ‘ଡବ୍ଲୁଟିସି ଫାଇନାଲର ପ୍ରଥମ ଦିନ ଖେଳା ଆରମ୍ଭ ପୂର୍ବରୁ ଓଡ଼ିଶା ଟ୍ରେନ ଟ୍ରାଜେଡିର ପୀଡିତଙ୍କ ସ୍ମୃତିରେ ଭାରତୀୟ କ୍ରିକେଟ ଟିମ୍ ନୀରବ ପ୍ରାର୍ଥନା କରିଛି । ଦୁର୍ଘଟଣାରେ ମୃତକଙ୍କ ପରି ଶୋକ ବ୍ୟକ୍ତ କରିବା ସହ ଯେଉଁ ପରିବାର ଏବଂ ସମ୍ପର୍କୀୟ ନିଜ ଲୋକଙ୍କୁ ହରାଇଛନ୍ତି ସେମାନଙ୍କ ପ୍ରତି ଗଭୀର ସମବେଦନା ଜଣାଉଛି । ଏହି ଦୁଃଖର ସମୟରେ ପୀଡିତଙ୍କ ସହ ଠିଆ ହେବା, ଟିମ୍ ଇଣ୍ଡିଆ ଆର୍ମବ୍ୟାଣ୍ଡ ପିନ୍ଧିବ’।

The Indian Cricket Team will observe a moment of silence in memory of the victims of the Odisha train tragedy ahead of the start of play on Day 1 of the ICC World Test Championship final at The Oval.

The team mourns the deaths and offers its deepest condolences to the families… pic.twitter.com/mS04eWz2Ym

— BCCI (@BCCI) June 7, 2023

ଭାରତୀୟ ଦଳ-:ରୋହିତ ଶର୍ମା (ଅଧିନାୟକ), ଶୁଭମନ ଗିଲ, ଚେତେଶ୍ଵର ପୂଜାରା, ବିରାଟ କୋହଲି, ଆଜିଙ୍କ୍ୟ ରାହାଣେ, କେ.ଏସ୍‌. ଭରତ, ରବୀନ୍ଦ୍ର ଜାଡେଜା, ଶାର୍ଦ୍ଦୁଲ ଠାକୁର, ମହମ୍ମଦ ସାମି, ମହମ୍ମଦ ସିରାଜ, ଉମେଶ ଯାଦବ।

ଅଷ୍ଟ୍ରେଲିଆ ଦଳ-: ଡେଭିଡ୍‌ ଓ୍ୱାର୍ଣ୍ଣର, ଉସମାନ ଖ୍ୱାଜା, ମାରନସ ଲାବୁସେନ, ଷ୍ଟିଭ୍‌ ସ୍ମିଥ୍‌, ଟ୍ରାଭିସ୍‌ ହେଡ୍‌, କ୍ୟାମେରୁନ୍‌ ଗ୍ରୀନ୍‌, ଆଲେକ୍ସ କ୍ୟାରି, ପ୍ୟାଟ୍‌ କମିନ୍ସ, ମିଚେଲ୍‌ ଷ୍ଟାର୍କ, ନାଥନ ଲାୟନ, ଷ୍ଟକ ବୋଲାଣ୍ଡ ।

Also Read: WTC Final : ଟସ୍‌ ଜିତି ଟିମ୍‌ ଇଣ୍ଡିଆର ବୋଲିଂ ନିଷ୍ପତ୍ତି, ବ୍ୟାଟିଂ କରିବ କଙ୍ଗାରୁ ଟିମ୍‌