oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫାଷ୍ଟଫୁଡ୍ ଦୋକାନରୁ ମାଲିକଙ୍କ ମୃତଦେହ ଉଦ୍ଧାର, ତଦନ୍ତ ଆରମ୍ଭ କଲା ପୋଲିସ୍‌
  • ||
  • ରାୟଗଡ଼ା : ଗୁମ୍ମା ଘାଟିରେ ଦୁର୍ଘଟଣା : ସ୍ୱାମୀ ମୃତ, ସ୍ତ୍ରୀ ଏବଂ ପୁଅ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୯ କୋଭିଡ୍ ପଜିଟିଭ୍
  • ||
  • ମେକ୍ସିକୋ ଧୁଆଁଧାର ଫାୟାରିଂ: ୭ ପୋଲିସ କର୍ମଚାରୀ, ମେୟରଙ୍କ ସମେତ ୧୮ ଜଣଙ୍କ ମୃତ୍ୟୁ
  • ||
  • ଜଲପାଇଗୁଡ଼ିରେ ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ବନ୍ୟାରେ ଭାସି ୭ ମୃତ
  • ||

ଏହି ୫ ରାଜ୍ୟରେ ଆଗାମୀ ୩/୪ ଦିନରେ ଭୀଷଣ ବର୍ଷା ସମ୍ଭାବନା, ଜଳ ଶକ୍ତି ମନ୍ତ୍ରଣାଳୟ ଦେଲା ଚେତାବନୀ

21/08/2020 at 8:01 PM

ନୂଆଦିଲ୍ଲୀ ୨୧।୦୮: ଦେଶର ଅନେକ ରାଜ୍ୟରେ ପ୍ରବଳ ବର୍ଷା କାରଣରୁ ବନ୍ୟା ସ୍ଥିତି ଉପୁଜିଛି ଏବଂ ଲକ୍ଷାଧିକ ଲୋକ ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି। ଏହା ମଧ୍ୟରେ ଜଳଶକ୍ତି ମନ୍ତ୍ରଣାଳୟ ଶୁକ୍ରବାର ଦେଶର ପାଞ୍ଚଟି ରାଜ୍ୟରେ ଭୟଙ୍କର ବର୍ଷା ହେବାର ଚେତାବନୀ ଜାରି କରିଛି। ମନ୍ତ୍ରଣାଳୟ କହିଛି ଆଗାମୀ ୩ ରୁ ୪ ଦିନରେ ଓଡିଶା, ଛତିଶଗଡ, ତେଲେଙ୍ଗାନା, ମଧ୍ୟ ପ୍ରଦେଶ ଓ ରାଜସ୍ଥାନରେ ଭୀଷଣ ବର୍ଷା ହେବାର ଆଶଙ୍କା ରହିଛି। ଏହ ସବୁ ରାଜ୍ୟରେ ସତର୍କ ରହିବାକୁ ମନ୍ତ୍ରଣାଳୟ ପରାମର୍ଶ ଦେଇଛି।

ଜଳ ଶକ୍ତି ମନ୍ତ୍ରଣାଳୟ କହିଛି ଭୀଷଣ ବର୍ଷା କାରଣରୁ ଗୋଦାବରୀ, କୃଷ୍ଣା ଓ ନର୍ମଦା ସହିତ ଏହାର ଶାଖା ନଦୀର  ଜଳସ୍ତର ବଢିପାରେ। ଗୋଦାବରୀ ନଦୀର ଜଳସ୍ତର ଗୁରୁବାର ହୋଇଥିବା ବର୍ଷା କାରଣରୁ ବିପଦ ସଙ୍କେତ ନିକଟରେ ପ୍ରବାହିତ ହେଉଛି। ସୂତ୍ର ଅନୁଯାୟୀ ନଦୀର ଜଳସ୍ତର ବୃଦ୍ଧି ହେବାରୁ ଆନ୍ଧ୍ର ପ୍ରଦେଶର ଦୋବଲେଶ୍ଵରମ ସ୍ଥିତ ସାର ଆର୍ଥର କଟନ ବ୍ୟାରେଜ୍‌ରେ ଜଳ ପ୍ରବାହ ବଢିପାରେ। ଅନ୍ୟପଟେ କୃଷ୍ଣା ନଦୀ ମଧ୍ୟ ଫୁଲି ଉଠିଛି। ଶ୍ରୀଶୈଲମ ଜଳାଶୟ ମଧ୍ୟ ଭରି ଯାଇଛି। ଜଳାଶୟର ୭ଟି ଗେଟ୍‌ ଖୋଲି ଦିଆଯାଇଛି ଏବଂ ଦୁଇ ପାର୍ଶ୍ଵରେ ଦୁଇଟି ଷ୍ଟେସନରେ ବିଜୁଳି ଉତ୍ପାଦନ ପରେ ୩.୮୪ ଲକ୍ଷ କ୍ୟୁସେକ୍ ଜଳ ନିଷ୍କାସନ କରାଯାଉଛି।

ଅନ୍ୟପଟେ ଆଇଏମଡି ମୁମ୍ବାଇର ନିର୍ଦ୍ଦେଶକ ଜେନେରାଲ କେଏସ ହୋସାଲିକର କହିଛନ୍ତି ମହାରାଷ୍ଟ୍ରର ଅନେକ ଜିଲ୍ଲାରେ ଆଗାମୀ ୨୪ ଘଣ୍ଟାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ମୁମ୍ବାଇ, ପାଲଘର, ଥାନେ ଓ ରତ୍ନଗିରିରେ ଶୁକ୍ରବାର ଓ ଶନିବାର ପ୍ରବଳ ବର୍ଷା ହୋଇପାରେ। ଭୀଷଣ ବର୍ଷା ସହିତ ପବନ ମଧ୍ୟ ବହିପାରେ। ସେହି ପରି ଓଡିଶାର ବୈତରଣୀ, ମହାନଦୀ ଓ ବ୍ରାହ୍ମଣୀ ନଦୀର ଜଳସ୍ତର  ବଢିବାରେ ଲାଗିଛି। ସେହିପରି ମହାନଦୀରେ ବନ୍ୟା ପାଣି ବାଙ୍କିର ତଳିଆ ଅଂଚଳକୁ ଜଳମଗ୍ନ କରିଦେଇଛି।

   Related Posts