suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ଭିଜିଲାନ୍ସ ଜାଲରେ ବରିଷ୍ଠ କିରାଣୀ, ଲାଞ୍ଚ ନେବାବେଳେ ମାଡ଼ି ବସିଲେ ଅଧିକାରୀ
  • ||
  • ନିଶ୍ଚିନ୍ତକୋଇଲି: ଜୁଏଲାରୀ ଦୋକାନରୁ ଚୋରି, ତାଲା ଭାଙ୍ଗି ଲୁଟିନେଲେ ୧୯ ଲକ୍ଷରୁ ଅଧିକ ସୁନା ଗହଣା
  • ||
  • ପୁରୀ: ଶ୍ରୀମନ୍ଦିରରେ ଶ୍ରୀଜିଉଙ୍କ ନୀତି ବିଳମ୍ବ, ଦର୍ଶନ ନପାଇ ଭକ୍ତ ଅସନ୍ତୋଷ
  • ||

ପୁଣି ଟଳିଲା ନିର୍ଭୟା ଦୋଷୀଙ୍କ ଫାଶୀ ତାରିଖ: ନିର୍ଭୟା ଦୋଷୀଙ୍କ ଓକିଲଙ୍କୁ ଜଜ୍‌ କହିଲେ, ‘ନିଆଁ ସହ ଖେଳ ନାହିଁ’

2/03/2020 at 9:23 PM

ନୂଆଦିଲ୍ଲୀ୨/୩: ନିର୍ଭୟା ଦୋଷୀଙ୍କୁ କାଲି ଫାଶୀ ଦିଆଯିବ ନାହିଁ । ଦିଲ୍ଲୀର ପଟିଆଲା ହାଉସ୍‌ କୋର୍ଟ ଆଜି ଫାଶୀ ଉପରେ ରୋକ୍ ଲଗାଇଛନ୍ତି। କୋର୍ଟଙ୍କ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ୪ ଜଣ ଦୋଷୀଙ୍କୁ ଫାଶୀ ଦିଆଯାଇ ପାରିବ ନାହିଁ।ଦୋଷୀ ପୱନ ଗୁପ୍ତାର କ୍ଷମା ଯାଚିକା ଏବେ ରାଷ୍ଟ୍ରପତିଙ୍କ ନିକଟରେ ଅଟକି ରହିଛି ।ତେଣୁ ସେମାନଙ୍କ କାଲି ଫାଶୀ ଦିଆଯାଇ ପାରିବ ନାହିଁ ।

ପୁଣି ଘୁଞ୍ଚିଲା ତାରିଖ । ପୁଣି କାନ୍ଦିଲେ ନିର୍ଭୟାଙ୍କ ମା’ । ନିର୍ଭୟା ମାମଲାରେ ୪ ଦୋଷୀଙ୍କୁ କାଲି ଫାଶୀ ଦିଆଯାଇପାରିବ ନାହିଁ । ମାର୍ଚ୍ଚ ୩ରେ ୪ ଦୋଷୀଙ୍କୁ ଫାଶୀ ଦେବାପାଇଁ ଜାରି ହୋଇଥିବା ଡେଥ୍ ୱାରେଣ୍ଟ ଉପରେ ଦିଲ୍ଲୀର ପଟିଆଲା ହାଉସ୍ କୋର୍ଟ ପୁଣି ରୋକ୍‌ ଲଗାଇଛନ୍ତି ।

ଏହାସହିତ ତୃତୀୟ ଥର ପାଇଁ ଟଳିଯାଇଛି ଫାଶୀ ତାରିଖ । ଜାନୁଆରୀ ୨୨ ଓ ଫେବ୍ରୁଆରୀ ୧ରେ ନିର୍ଭୟା ଦୋଷୀଙ୍କୁ ଫାଶୀ ଦିଆଯିବାର ତାରିଖ ଧାର୍ଯ୍ୟ ହୋଇ ଶେଷ ମୂହୁର୍ତ୍ତରେ ସ୍ଥଗିତ ରହିଥିଲା । ମାର୍ଚ୍ଚ ୩ରେ ମଧ୍ୟ ସେମାନଙ୍କୁ ଫାଶୀ ଦିଆଯାଇପାରିବ ନାହିଁ । ତେବେ ଏହି ରାୟ ଆସିବା ପରେ ନିର୍ଭୟାଙ୍କ ମା’ ଆଶାଦେବୀ କହିଛନ୍ତି ଯେ ଆମର ବ୍ୟବସ୍ଥା ସଂପୂର୍ଣ୍ଣ ଭାବେ ଅପରାଧୀଙ୍କୁ ସମର୍ଥନ କରେ ।ସେ ସରକାର ଏବଂ କୋର୍ଟଙ୍କୁ ପ୍ରଶ୍ନ କରିଛନ୍ତି ଦୋଷୀ ମାନେ କେବେ ଦଣ୍ଡ ପାଇବେ ।

ଆଜି ପଟିଆଲା ହାଉସ୍ କୋର୍ଟରେ ଶୁଣାଣି ବେଳେ ଜଜ୍‌ ଧର୍ମେନ୍ଦ୍ର ରାଣାଦୋଷୀ ପୱନ  ଗୁପ୍ତାର ଓକିଲ ଏପି ସିଂହଙ୍କୁ କହିଥିଲେ ଯେ ନିଆଁ ସହିତ ଖେଳନାହିଁ । ଦୋଷୀ ପୱନ ଗୁପ୍ତା ତାର ସବୁ ଆଇନଗତ ବିକଳ୍ପ ବ୍ୟବହାର କରିବା ପାଇଁ ଦିଆଯାଇଥିବା ୭ ଦିନ ସମୟ ହାତଛଡ଼ା କରିଦେଇଛି ।

ଜଜ୍‌ ଦୋଷୀ ପୱନ ଗୁପ୍ତା ଓ ଅକ୍ଷୟ ସିଂ ପକ୍ଷରୁ ସ୍ଥଗିତାଦେଶ ପାଇଁ ଦାୟର କରାଯାଇଥିବା ଆବେଦନ କୋର୍ଟ ଖାରଜ କରିଦେଇଛନ୍ତି । ତେବେ ଓକିଲ ଏପି ସିଂହଙ୍କ ପକ୍ଷରୁ କୋର୍ଟରେ କୁହାଯାଇଥିଲା ଯେ କ୍ଷମା ଯାଚିକା ରାଷ୍ଟ୍ରପତିଙ୍କ ନିକଟରେ ଥିବାରୁ ଫାଶୀ ତାରିଖ ଘୁଞ୍ଚାଇ ଦିଆଯାଉ । କାଲି ଫାଶୀ ଦିଆଯିବା ପାଇଁ ଆଜି ପବନ ଜହ୍ଲାଦ ତିହାର ଜେଲରେ ପୂର୍ବପ୍ରସ୍ତୁତି ସ୍ବରୂପ ଡମିକୁ ଫାଶୀ ଦେଇଥିଲେ। ତେବେ ଏହା ପୂର୍ବରୁ ପୁଣି ଫାଶୀ ସ୍ଥଗିତ ହୋଇଛି।  

   Related Posts