ବାସୁଦେବପୁର ୦୫/୦୯: ଗତକାଲି ବାସୁଦେବପୁର ବ୍ଲକ ସୁଗୋ ଗାଁରେ ଏକ  ଷଣ୍ଢକୁ କିଛି ଯୁବକ ମୁହଁ ଓ ପଛ ପାଖରେ ଅତି ବର୍ବରତାର ସହିତ ନିଆଁ ଲଗାଇବାର ଚିତ୍ର ସାମ୍ନାକୁ ଆସିଥିଲା। ଏହି ଚିତ୍ର ଭାଇରାଲ୍‌ ହୋଇଥିଲା। ଏହି ଘଟଣାକୁ ନେଇ ନିଆଁ ଲଗାଇଥିବା ୨ ଯୁବକଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।

ହେଲେ ଆଜି ବାସୁଦେବପୁର ପଶୁ ଚିକିତ୍ସାଧିକାରୀଙ୍କ ନିର୍ଦ୍ଦେଶରେ ଏକ ଡାକ୍ତରୀ ଦଳ ଏହି କ୍ଷତାକ୍ତ ଷଣ୍ଢର ଚିକିତ୍ସା ପାଇଁ ପହଞ୍ଚିଛନ୍ତି। ଅତିରିକ୍ତ ପଶୁ ଚିକିତ୍ସାଧିକାରୀ ରାମେଶ୍ବର ପଣ୍ତାଙ୍କ ସହିତ ଏକ ୫ ଜଣିଆ ଟିମ୍‌ ଏହି ଷଣ୍ଢକୁ ଚିକିତ୍ସା ପାଇଁ କାବୁ କରିବାକୁ ଚେଷ୍ଟା କରି ବିଫଳ ହୋଇଛନ୍ତି। ଷଣ୍ଢଟି ଭୟଭୀତ ହୋଇ ଦୌଡି ପଳାଇଥିଲା ଜଣା ପଡିଛି।