oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କରୋନା ଓ ମହଙ୍ଗା ଯୁଗରେ ନିଆରା ବାହାଘର, ବାହା ହେବା ପାଇଁ ପୁଅ ଘରେ ପହଞ୍ଚିଲା କନ୍ୟା

18/07/2021 at 4:41 PM

ସିୱାନ ୧୮/୦୭ : ସାଧାରଣତଃ ବିବାହରେ ପୁଅ ପକ୍ଷ ବରଯାତ୍ରୀ ନେଇ ଝିଅ ଘରକୁ ଆସିଥାନ୍ତି। କିନ୍ତୁ ବିହାରର ସିୱାନରେ ଓଲଟା ଘଟଣା ଘଟିଛି। ଏଠାରେ ଜଣେ କନ୍ୟା ବିବାହ ପାଇଁ ନିଜ ବର ଘରେ ଅର୍ଥାତ ନିଜ ଶାଶୂଘରେ ପହଞ୍ଚିଥିଲେ। ସିୱାନରେ ଏହି ନିଆରା ବିବାହ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। କରୋନା ମହାମାରୀକୁ ଦୃଷ୍ଟିରେ ରଖି ଏବଂ କନ୍ୟା ପକ୍ଷ ଉପରେ ଯେମିତି ବୋଝ ନ ପଡେ ସେଥିପାଇଁ ପୁଅର ପକ୍ଷ ନିଜ ସହମତିରେ କନ୍ୟା ପକ୍ଷକୁ ନିଜ ଘରକୁ ଆମନ୍ତ୍ରିତ କରି ବିବାହ ସମ୍ପନ୍ନ କରିଥିଲେ।

କରୋନା କାଳରେ ଏହି ବିବାହ ସଂପୂର୍ଣ୍ଣ ସରଳତାର ସହିତ ସମ୍ପନ୍ନ ହୋଇଥିଲା। ମାମଲା ସିୱାନ ଜିଲ୍ଲାର ନୌତନ ବ୍ଲକର। ନୌତନ ବ୍ଲକର ଗମ୍ଭୀରପୁର ଗ୍ରାମରେ ଏହି ନିଆରା ବାହାଘର ଦେଖିବାକୁ ମିଳିଥିଲା। ବାହାଘରକୁ ନେଇ ଗମ୍ଭୀରପୁର ତଥା ଅନେକ ଗାଁରେ ଚର୍ଚ୍ଚା ହୋଇଛି। ମିର୍ଜାପୁର ଥାନା ଅନ୍ତର୍ଗତ ସିୱାନ ଗାଁର ଅମୃତ ମାଂଝୀ ଜୁଲାଇ ୧୫ ତାରିଖରେ ହୀରମକରିଆର ଗାଁର କିଷାନ ମାଂଝୀଙ୍କ ଝିଅ ରମିତାଙ୍କ ସହ ବିବାହ କରିଛନ୍ତି।

ବାସ୍ତବରେ, ପୁଅ ପକ୍ଷ ଚାହୁଁଥିଲେ ଯେ କରୋନା ନିର୍ଦ୍ଦେଶାବଳୀ ଉଲ୍ଲଂଘନ କରାନଯାଉ ଏବଂ ଝିଅ ଘର ଉପରେ କୌଣସି ବୋଝ ନ ପଡୁ। ଏଭଳି ପରିସ୍ଥିତିରେ ସେ ସ୍ଥିର କଲେ ଯେ କନ୍ୟା ପକ୍ଷ ତାଙ୍କ ଘରକୁ ଯାଇ ସେଠାରେ ବିବାହ କରିବା ଉଚିତ୍। ସେୟା ହିଁ ହେଲା। କନ୍ୟା ପକ୍ଷର କିଛି ଲୋକ ପୁଅ ଘରକୁ ଯାଇ ସେଠାରେ ଏକ ସାଧାରଣ ଭାବେ ବିବାହ କରିଥିଲେ। କରୋନା ଏବଂ ମହଙ୍ଗା ଯୁଗରେ ଅମୃତ ମାଂଝୀ ଏବଂ ରମିତା କୁମାରୀଙ୍କ ବାପା ଭାଇ ସମେତ ଗାଁର କିଛି ଲୋକ ଉପସ୍ଥିତ ଥିଲେ। ହିନ୍ଦୁ ରୀତିନୀତି ଅନୁଯାୟୀ ବରଣମାଳା, ସିନ୍ଦୁର ଦାନ ଆଦି ହୋଇଥିଲା। ଏହାପରେ ଲୋକଙ୍କ ମଧ୍ୟରେ ମିଷ୍ଟାନ୍ନ ବଣ୍ଟନ ହୋଇଥିଲା।

   Related Posts