ସମ୍ବଲପୁର ୧୩/୦୨: ଗଞ୍ଜେଇ କାର୍‌ରେ ବୋମା !  ସମ୍ବଲପୁରରେ ଗଞ୍ଜେଇ ଜବତ କାର୍‌ରେ ବୋମା ଥିବା ସନ୍ଦେହ କରାଯାଉଛି । ଖିଣ୍ଡା ଛକ ନିକଟରେ ପୋଲିସ ଏକ ଗଞ୍ଜେଇ ଚୋରା ଚାଲାଣ କାର୍‌କୁ ଅଟକାଇ ଥିଲା । ଏଥିରେ ଗଞ୍ଜେଇ ସହିତ ବୋମା ଥିବା ନେଇ ସନ୍ଦେହ କରି ପୋଲିସ୍ ବମ୍ ସ୍କ୍ବାର୍ଡକୁ ଖବର ଦେଇଛି । କାର୍‌ଟି ସନ୍ଦିଗ୍ଧ ଅବସ୍ଥାରେ ଧରାପଡ଼ିଥିବା ବେଳେ ବମ୍ ସ୍କ୍ବାର୍ଡର ସର୍ଚ୍ଚ ଅପରେସନ ପରେ ପ୍ରକୃତ ସତ ଜଣାପଡ଼ିବ ।

ସୂଚନା ଅନୁଯାୟୀ, ସୋମବାର ସକାଳେ ସମ୍ବଲପୁର ଖିଣ୍ଡା ଛକରେ ଏକ ସନ୍ଦିଗ୍ଧ କଳା ରଙ୍ଗ କାରକୁ ସନ୍ଦେହରେ ପୋଲିସ ଅଟକାଇ ଥିଲା । ପୋଲିସ କାର ଭିତରେ ଯାଞ୍ଚ ବେଳେ ବିପୁଳ ପରିମାଣ ଗଞ୍ଜେଇ ଜବତ ହୋଇଥିବା ସୂଚନା ମିଳିଛି। ଏଥି ସହିତ କାର୍ ଭିତରେ ବୋମା ଥିବା ସନ୍ଦେହ କରାଯାଉଛି। ଘଟଣା ସ୍ଥଳରେ ବମ ସ୍କ୍ବାର୍ଡ ଓ ସନ୍ଧାନି କୁକୁର କାରଟିକୁ ଯାଞ୍ଚ କରୁଛନ୍ତି। ସେପଟେ ଗଞ୍ଜେଇ ବୋଝେଇ କାର୍ କେଉଁଠୁ ଆସିଲା ଏବଂ କୁଆଡେ ଯାଉଥିଲା, ପୋଲିସ ସନ୍ଦେହ କରୁଛି ।