scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦିନିକିଆ ବିଶ୍ବକପରେ ଗୋଟିଏ ଓଭରରେ ଏହି ବ୍ୟାଟ୍ସମ୍ୟାନ୍ ଲଗାଇଥିଲେ ୬ଟି ଛକା : ଆତ୍ମସମର୍ପଣ କରିଥିଲା ନେଦରଲାଣ୍ଡସ୍, ଦେଖନ୍ତୁ ଭିଡିଓ…

23/02/2021 at 7:08 PM

ନୂଆଦିଲ୍ଲୀ ୨୩/୦୨ : ଆଇସିସି ବିଶ୍ବକପଗୁଡିକରେ ଏଭଳି କିଛି ମୂହୁର୍ତ୍ତ ରହିଛି ଯାହାକି ଚିର ଦିନ ପାଇଁ ସ୍ମରଣୀୟ ହୋଇ ରହିବ । ଏଭଳି ଏକ ସ୍ମରଣୀୟ ଇନିଂସ ଖେଳିଥିଲେ ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ୍‌ ହର୍ଷେଲ ଗିବ୍‌ସ । ୨୦୦୭ ଆଇସିସି ବିଶ୍ବକପର ୭ମ ମ୍ୟାଚ୍‌ରେ ଏଭଳି କରିସ୍ମା କରି ଦେଖାଇଥିଲେ ଗିବ୍‌ସ । ନେଦରଲାଣ୍ଡର ସ୍ପିନର ଡାନ୍‌ ଭାନ୍‌ ଭୁଙ୍ଗେଙ୍କ ଓଭରରେ ୬ଟି ବଲ୍‌ରେ ୬ଟି ଛକା ମାରି ସମସ୍ତଙ୍କୁ ଚକିତ କରିଦେଇଥିଲେ ହର୍ଷେଲ ଗିବ୍‌ସ ।

 ଅନଭିଜ୍ଞ ନେଦରଲ୍ୟାଣ୍ଡସ୍‌ ବିରୁଦ୍ଧରେ ଶକ୍ତିଶାଳୀ ଦକ୍ଷିଣ ଆଫ୍ରିକା ଆଧିପତ୍ୟ ବିସ୍ତାର କରିଥିଲା । ବର୍ଷା ବାଧାପ୍ରାପ୍ତ ଯୋଗୁଁ ଉକ୍ତ ଦିନିକିଆ ମ୍ୟାଚ୍‌କୁ ୪୦ ଓଭର ବିଶିଷ୍ଟ କରାଯାଇଥିଲା । ମ୍ୟାଚ୍‌ର ପ୍ରଥମ ଓଭରରେ ହିଁ ଦଳ ଓପନର ଏବି ଡିଭିଲିୟର୍ସଙ୍କ ଓ୍ବିକେଟ୍‌ ହରାଇଥିଲା । ଏହା ପରେ ଗ୍ରେମ୍‌ ସ୍ମିଥ୍ ଏବଂ ହର୍ଷେଲ ଗିବ୍‌ସ ପାଳିକୁ ଆଗକୁ ନେଇଥିଲେ । ୨୯ ତମ ଓଭର ଶେଷ ସୁଦ୍ଧା ଦକ୍ଷିଣ ଆଫ୍ରିକା ମଜଭୁତ ସ୍ଥିତିରେ ଥିଲା । ଦଳ ୧୭୮ ରନ୍‌ରେ ୨ଟି ଓ୍ବିକେଟ୍‌ ହରାଇଥିଲା । ୩୦ ତମ ଓଭରରେ ବୋଲିଂ କରିବାକୁ ଆସିଥିବା ଲେଗ୍‌ ସ୍ପିନର ଡାନ୍‌ ଭାନ୍‌ ଭୁଙ୍ଗେଙ୍କୁ ପ୍ରଥମରୁ ଆକ୍ରମଣ କରିଥିଲେ ଗିବ୍‌ସ । ଭୁଙ୍ଗେଙ୍କ ଓଭରରେ ୬ଟି ବଲରେ ୬ଟି ଛକା ମାରି ଚମାକାଇଦେଇଥିଲେ ।

ଦିନିକିଆ କ୍ରିକେଟ୍ ଇତିହାସରେ ଗୋଟିଏ ଓଭରରେ ୬ଟି ଛକା ମାରି ନୂଆ ରେକର୍ଡ ସୃଷ୍ଟି କରିଥିଲେ ହର୍ଷେଲ ଗିବ୍‌ସ । କେବଳ ସେତିକି ନୁହେଁ କୌଣସି ବିଶ୍ବକପରେ ୬ଟି ବଲରେ ୬ଟି ଛକା ମାରିବାର ରେକର୍ଡ ଗିବ୍‌ସଙ୍କ ନାଁରେ ରହିଛି । ତାଙ୍କ ପୂର୍ବରୁ ସାର୍‌ ଗାରଫିଲଡ୍‌ ସୋବରସ୍‌ ଏବଂ ଭାରତର କ୍ରିକେଟ୍‌ କିମ୍ବଦନ୍ତୀ ରବି ଶାସ୍ତ୍ରୀ ପ୍ରଥମ ଶ୍ରେଣୀ କ୍ରିକେଟ୍‌ରେ ଏହି ରେକର୍ଡ ହାସଲ କରିଥିଲେ ।

ଗିବ୍‌ସଙ୍କ ବ୍ୟତିତ ଯୁବରାଜ ସିଂହଙ୍କ ନାଁରେ ମଧ୍ୟ ୬ଟି ବଲରେ ୬ଟି ଛକା ମାରିବାର ରେକର୍ଡ ରହିଛି । ୨୦୦୭ ଟି-ଟ୍ବେଣ୍ଟି ବିଶ୍ବକପରେ ଇଂଲଣ୍ଡର ଷ୍ଟୁଆର୍ଟ ବ୍ରଡ୍‌ଙ୍କ ଓଭରରେ ୬ଟି ଛକା ମାରିଥିଲେ । ଏହା ସହିତ ଟି-ଟ୍ବେଣ୍ଟିରେ ଦୃତ ଅର୍ଦ୍ଧଶତକ ହାସଲ କରିବାର ରେକର୍ଡ ମଧ୍ୟ ଯୁବରାଜ ସିଂହଙ୍କ ନାଁରେ ରହିଛି । ଯୁବି ସେହି ମ୍ୟାଚ୍‌ରେ ଏକାଧିକ ରେକର୍ଡ ହାସଲ କରିଥିଲେ । ମାତ୍ର ୧୨ଟି ବଲ୍‌ ଖେଳି ଅର୍ଦ୍ଧଶତକ ହାସଲ କରିବା ସହିତ ୬ଟି ବଲରେ ୬ଟି ଛକା ମାରିବାର ବିରଳ ରେକର୍ଡର ଅଧିକାରୀ ହୋଇଥିଲେ ।   

   Related Posts