previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ଉପରତଳ ସଂକ୍ରମଣ : ୨୪ ଘଣ୍ଟାରେ ବାହାରିଲେ ୧୬୧୬୭ କରୋନା ପଜିଟିଭ୍
  • ||
  • ବିହାରରେ ବିଜେପିଠୁ ଅଲଗା ହେବ ଜେଡିୟୁ ! ଗୋଟିଏ-ଦୁଇ ଦିନରେ ହୋଇପାରେ ଘୋଷଣା
  • ||
  • ଝାରସୁଗୁଡା ଉପକାରାଗାରରେ ଅଘଟଣ, ଗଳାକାଟି କଏଦୀଙ୍କ ଆତ୍ମହତ୍ୟା ଉଦ୍ୟମ
  • ||
  • ଜଙ୍ଗଲର ରାଜାକୁ ପାଳିବା ପାଇଁ ଟଙ୍କା ନାହିଁ : ଚିଡିଆଖାନାର ସିଂହକୁ ବିକ୍ରି କରିଦେବ ପାକିସ୍ତାନ
  • ||

ଚର୍ଚ୍ଚାରେ ଦକ୍ଷିଣଭାରତୀୟ ଅଭିନେତା ବିଜୟ ଥାଲାପଥିଙ୍କ ଉପହାର, ୪ଶହ ସୁଟିଂ କ୍ରିୟୁଙ୍କୁ ଦେଇଛନ୍ତି ସୁନାମୁଦି

17/08/2019 at 4:45 PM

ଅପକମିଙ୍ଗ ଫିଲ୍ମ ‘ବିଗିଲ’କୁ ନେଇ ଦକ୍ଷିଣଭାରତୀୟ ସୁପରଷ୍ଟାର ବିଜୟ ଥାଲାପଥି ଏବେ ଖୁବ୍ ଚର୍ଚ୍ଚାରେ। ନିକଟରେ ଫିଲ୍ମର ସୁଟିଂ ଶେଷ ହୋଇଛି। ସଫଳତାର ସହ ସୁଟିଂ ଶେଷ ହେବା ପରେ ପୁରା କାଷ୍ଟକୁ ବିଜୟ ଫିଲ୍ମର ନାମ ଲେଖା ଥିବା ଗୋଟିଏ ଲେଖାଏଁ ସୁନାମୁଦି ଉପହାରରେ ଦେଇଛନ୍ତି। ଉପହାର ପାଇଁ ସୁଟିଂ ଟିମ୍ ର ସମସ୍ତ ସଦସ୍ୟ ବି ବେଶ ଖୁସ୍। ଏଥିପାଇଁ ସେମାନେ ସୋସାଲ ମିଡିଆରେ ବିଜୟଙ୍କୁ ଧନ୍ୟବାଦ ବି ଦେଇଛନ୍ତି।

ଫିଲ୍ମର କ୍ରିଏଟିଭ ପ୍ରଡ୍ୟୁସର ଅର୍ଚ୍ଚନା କଲପଥୀ ଏକ ଟ୍ୱିଟ୍ ରେ ଉଲ୍ଲେଖ କରିଛନ୍ତି ଯେ ‘ବିଗିଲ’ ପାଇଁ ୪ଶହ ଜଣିଆ ଟିମ୍ କାମ କରୁଛନ୍ତି। ଫିଲ୍ମର ସୁଟିଂ ଯେପରି ଶୀଘ୍ର ଶେଷ ହେବ ଓ ପର୍ଦାକୁ ଆସିବ ସେମାନେ ଦିନରାତି ଏକ କରିଦେଇଛନ୍ତି। ତେବେ ଲୋକଙ୍କ ଏହି ଯୋଗଦାନକୁ ଥାଲାପଥି ଆହୁରି ବି ଖାସ କରିଦେଇଛନ୍ତି। ତାଙ୍କର ସ୍ନେହ ସମସ୍ତଙ୍କ ଦିନ ବନେଇଦେଇଛି।

ବିଜୟଙ୍କ ଏହି ଫିଲ୍ମଟି ଆଗାମୀ ଦିପାବଳୀ ଅବସରରେ ମୁକ୍ତିଲାଭ କରିବ। ଏଥିରେ ବିଜୟଙ୍କ ବିପକ୍ଷରେ ନୟନତାରା ଅଭିନୟ କରୁଥିବା ବେଳେ ବଲିଉଡ୍ ଅଭିନେତା ଜ୍ୟାକି ଶ୍ରଫ ଓ ଶାହାରୁଖ ଖାନ ମଧ୍ୟ ପର୍ଦ୍ଦାରେ ଦେଖାଯିବେ। ଫିଲ୍ମରେ ଶାହରୁଖଙ୍କ ଅଭିନ ଖୁବ୍ ସ୍ୱଳ୍ପ। ତେବେ ସେ ଫିଲ୍ମର ମୁଖ୍ୟ ଖଳ ଚରିତ୍ରରେ ଅଭିନୟ କରୁଛନ୍ତି। ଏଥିରେ ବିଜୟ ଉଭୟ ପିତା ଓ ପୁତ୍ର ଭୂମିକାରେ ଦେଖିବାକୁ ମିଳିବେ।

   Related Posts