ପୁରୀ ୦୬।୦୬ : ଆଜି ପବିତ୍ର ସାବିତ୍ରୀ ଅମାବାସ୍ୟା। ସହରଠାରୁ ପୁରପଲ୍ଲୀ, ଘରଠାରୁ ଦେବାଦେବୀ ମନ୍ଦିର ପ୍ରତ୍ୟେକ ସ୍ଥାନରେ ମହାନ୍ ଓଡ଼ିଆ ସଂସ୍କୃତିର ପରିଚୟ ସାବିତ୍ରୀ ବ୍ରତକୁ ନିଷ୍ଠା ଓ ପବିତ୍ରତାର ସହ ପାଳନ କରିଛନ୍ତି ଓଡ଼ିଆ ଘରର ସାଧବ ବୋହୂ।
ତେବେ ଏହି ଅବସରରେ ଶ୍ରୀମନ୍ଦିରରେ ମଧ୍ୟ ବ୍ରତଧାରିଣୀଙ୍କ ପ୍ରବଳ ଭିଡ ଜମିଛି। ମହାପ୍ରଭୁଙ୍କ ପାଖରେ ସ୍ୱାମୀଙ୍କ ଦୀର୍ଘାୟୁ ଜୀବନ କାମନା ସହ ପରିବାର ଓ ସମାଜର ମଙ୍ଗଳ କାମନା କରିଛନ୍ତି ବ୍ରତଧାରଣୀମାନେ। ସେହିପରି ଗୁରୁବାର ଶ୍ରୀମନ୍ଦିରରେ ଠାକୁରଙ୍କ ସାଗର ବିଜେ ନୀତି ସହ ଭିତର ଚନ୍ଦନଯାତ୍ରା ଅନୁଷ୍ଠିତ ହେଉଥିବା ବେଳେ ବ୍ରତଧାରିଣୀ ମାନେ ସାବିତ୍ରୀ ବ୍ରତ ପାଳନ କଲେ ପୁଣ୍ୟଫଳ ମିଳିଥାଏ ।
