ଦେବଗଡ୧୯।୬: ବୁଧବାର ଅପରାହ୍ଣରେ ଦେବଗଡରେ ଭୂମିକମ୍ପ ଅନୁଭୂତ ହୋଇଛି। ଅପରାହ୍ଣ ପ୍ରାୟ ୫ଟା ୪୭ ମିନିଟରେ ଅନୁଭୂତ ଏହି କମ୍ପନ ପ୍ରାୟ ୫ ସେକେଣ୍ଡ ଧରି ଲାଗି ରହିଥିଲା। ଘରଦ୍ୱାର ଥରି ଉଠିବା ଯୋଗୁ ଲୋକେ ଭୟରେ ଘରୁ ବାହାରକୁ ପଳାଇ ଆସିଥିଲେ। ତେବେ ଏଥିରେ ଦେବଗଡ ସହରରେ ସେଭଳି କିଛି କ୍ଷୟକ୍ଷତି ହୋଇଥିବା ନେଇ ସୂଚନା ମିଳି ନାହିଁ । ଦେବଗଡ ଭଳି ଝାରସୁଗୁଡାରେ ମଧ୍ୟ ଭୂମିକମ୍ପ ଅନୁଭୂତ ହୋଇଥିବା ଜଣାପଡିଛି।
ଝାରସୁଗୁଡାରେ ମଧ୍ୟ ଠିକ ସେହି ସମୟରେ କମ୍ପନ ଅନୁଭୂତ ହୋଇଥିଲା। ଝରକା କବାଟ ଥରିବା ଯୋଗୁ ଲୋକେ ଭୂମିକମ୍ପ ହେଉଥିବା ଜାଣିପାରି ଘରୁ ପଦାକୁ ଚାଲି ଆସିଥିଲେ। ଦେବଗଡ ଓ ଝାରସୁଗୁଡାର ଭୌଗଳିକ ଅବସ୍ଥିତି ଯୋଗୁ କମ୍ପନ ଏକ ସମୟରେ ହୋଇଥିବା ଆଶଙ୍କା କରାଯାଉଛି। ତେବେ ରିକ୍ଟର ସ୍କେଲରେ କମ୍ପନର ତୀବ୍ରତା କେତେ ଥିଲା ତାହା ସ୍ପଷ୍ଟ ହୋଇ ପାରିନି। ତେବେ ଭୂମିକମ୍ପକୁ ନେଇ ଉଦ୍ୟୋଗ ସହର ଝାରସୁଗୁଡାରେ ଲୋକେ ଆତଙ୍କିତ ହୋଇପଡିଛନ୍ତି।