ଆଠଗଡ ୧୧।୦୯ : ଆଠଗଡ଼ ଖୁଣ୍ଟୁଣୀ ଥାନା ଧୁରୁଷିଆ ଗାଁରେ ଅଘଟଣ । ଗଣେଷ ପୂଜା ଭସାଣୀ ବେଳେ ଦୁଇ ଗୋଷ୍ଠୀଙ୍କ ମଧ୍ୟରେ ଗଣ୍ଡଗୋଳ । ଏପିରିକି ଏହି ବିବାଦରେ ୫ ଜଣ ଆହତ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି । ସମସ୍ତ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ଗଣେଶ ଭସାଣୀ ବେଳେ କୌଣସି କଥାକୁ ନେଇ ଧୁରୁଷିଆ ଗାଁର ଦୁଇ ଗୋଷ୍ଠୀ ମୁହାଁମୁହିଁ ହୋଇଥିଲେ । ବିବାଦ ଏପରି ବଢିଥିଲା କି ଉଭୟଙ୍କ ମଧ୍ୟରେ ପାଟିତୁଣ୍ଡ ସହ ଛୁରାମାଡ ହୋଇଥିବାର ସୂଚନା ମିଳିଛି । ଯେଉଁଥିରେ ୫ ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରୁ ଦୁଇ ଜଣଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିବା ବେଳେ ବାକି ୩ ଜଣଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଛି । ହେଲେ ସେଠାରେ ଜଣଙ୍କର ମୃତ୍ୟୁ ହୋଇଯାଇଛି ବୋଲି ସୂଚନା ମିଳିଛି । ମୃତକଙ୍କ ନାମ ବଣ୍ଟି ସାମଲ ବୋଲି ଜଣାପଡିଛି । ସେପଟେ ଖୁଣ୍ଟୁଣି ପୋଲିସ ଗାଁରେ ପହଞ୍ଚି ତଦନ୍ତ ଆରମ୍ଭ କରିଛି ।
