scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସୁନ୍ଦରୀ ପାଇଁ ଅଶାନ୍ତ ସାତକୋଶିଆ : ବାଘୁଣୀକୁ ସ୍ଥାନାନ୍ତର ଦାବିରେ ଟାଇଁସି ଅଞ୍ଚଳରେ ଉତ୍ତେଜନା, ସୁନ୍ଦରୀକୁ ଟ୍ରାଙ୍କୁଲାଇଜ୍ ପାଇଁ ପହଞ୍ଚିଲା ବିଶେଷଜ୍ଞ ଟିମ୍

22/10/2018 at 9:34 AM

ଅନୁଗୋଳ ୨୨|୧୦: ସୁନ୍ଦରୀକୁ ନେଇ ଅଶାନ୍ତ ହୋଇପଡିଛି ସାତକୋଶିଆ ଅଞ୍ଚଳ । ଏବେବି ସ୍ଥାନୀୟ ଅଞ୍ଚଳରେ ଉତ୍ତେଜନା ଲାଗି ରହିଛି । ସୁରକ୍ଷା ଦୃଷ୍ଟିରୁ ଅନୁଗୋଳ ଟାଇଁସି ଗାଁରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି । ଗତକାଲି ବାଘୁଣୀ ସୁନ୍ଦରୀ ପାଇଁ ଘଟିଥିଲା ଲଙ୍କାକାଣ୍ଡ । ଅନୁଗୋଳ ଟାଇଁସିରେ ବାଘ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଅଭିଯୋଗ କରି ଲୋକ ରାସ୍ତାକୁ  ଓହ୍ଲାଇଥିଲେ । ପୋଲିସ ଏବଂ ଉତ୍ତ୍ୟକ୍ତ ଲୋକେ ମୁହାଁମୁହିଁ ହୋଇଥିଲେ । ସ୍ଥିତି ନିୟନ୍ତ୍ରଣ କରିବା ଲାଗି ପୋଲିସ ଲାଠି ପ୍ରୟୋଗ କରିଥିଲା, ଲୁହବୁହା ବାଷ୍ପ ବି ପ୍ରୟୋଗ କରିଥିଲା । ଆଉ ଲୋକେ ବି ପୋଲିସ ଉପରକୁ ଢେଲାପଥର ମାଡ଼ କରିଥିଲେ । ଜଣେ ପୋଲିସ କର୍ମଚାରୀଙ୍କ ବନ୍ଧୁକ ଭାଙ୍ଗି ଦେବା ସହିତ ତାଙ୍କୁ ଲୋକେ ଆକ୍ରମଣ କରିଥିଲେ । ସେପଟେ ପୋଲିସର ଲାଠି ମାଡରେ ବହୁ ସଂଖ୍ୟାରେ ଲୋକ ଆହତ ହୋଇଥିଲେ ।

ଏହାକୁ ନେଇ ଆଜି ବି ଚାପା ଉତ୍ତେଜନା ରହିଛି । ସୁନ୍ଦରୀ ବାଘୁଣୀକୁ ଅନ୍ୟତ୍ର ସ୍ଥାନାନ୍ତର ପାଇଁ ଲୋକେ ଦାବି କରିଛନ୍ତି । ଏପଟେ ବାଘକୁ ଟ୍ରାଙ୍କୁଲାଇଜ୍ କରି ଧରିବା ପାଇଁ ବନବିଭାଗର ବିଶେଷଜ୍ଞ ଦଳ ପହଞ୍ଚିଛନ୍ତି । ତେବେ ସେମାନେ ସୁରକ୍ଷା ଲୋଡିଛନ୍ତି । ଏପଟେ ସହଯୋଗ କରିବା ଲାଗି ଲୋକଙ୍କୁ ଅନୁରୋଧ କରିଛି ପୋଲିସ । ଟାଇଁସି ଗାଁର ୩ କିଲୋମିଟର ଭିତରେ ବାଘୁଣୀ ଥିବା ସନ୍ଦେହ କରାଯାଉଛି । ଏହାକୁ ନେଇ ଲୋକେ ଭୟରେ ଅଛନ୍ତି । ବାଘ ଆକ୍ରମଣରେ ପ୍ରାଣ ହରାଇଥିବା ତ୍ରିନାଥ ବେହେରାଙ୍କ ମୃତଦେହ ରାସ୍ତାରେ ରଖି କାଲି ଲୋକେ ବିକ୍ଷୋଭ ପ୍ରଦର୍ଶନ କରୁଥିଲେ ଏହାକୁ ଉଦ୍ଧାର କରି ପୋଲିସ ପୋଷ୍ଟମର୍ଟମ ପାଇଁ ପଠାଇଥିଲା । ତେବେ ପୋଲିସ ଏଯାଁଏ ମୃତଦେହକୁ ହସ୍ତାନ୍ତର କରିନାହିଁ ।

   Related Posts