ଖୋର୍ଦ୍ଧା ୨୩|୧: ଖୋର୍ଦ୍ଧା ବେଗୁନିଆ ଥାନାରେ ଲୋକଙ୍କ ଲଙ୍କାକାଣ୍ଡ । ସ୍ଥାନୀୟ ବିଧାୟକଙ୍କ ଗିରଫଦାରି ଦାବିରେ ଥାନାରେ ପଶି ବ୍ୟାପକ ଭଙ୍ଗାରୁଜା କରିଛନ୍ତି ।ଏଥି ସହ ଖୋର୍ଦ୍ଧା-ବଲାଙ୍ଗିର ୫୭ନମ୍ବର ଜାତୀୟ ରାଜପଥକୁ ମଧ୍ୟ ବହୁ ସମୟ ଧରି ଅବରୋଧ କରିଥିଲେ ଉତ୍ୟକ୍ତ ଲୋକେ । ବିଧାୟକଙ୍କ ଦାଦାଗିରି ଅଭିଯୋଗ ପରେ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଉନଥିବାରୁ ଏଭଳି ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା । …..
{"id":77259}![](https://www.prameyanews7.com/wp-content/uploads/2019/01/vlcsnap-4195-02-05-04h59m13s469.jpg)
ବେଗୁନିଆ ବିଧାୟକଙ୍କ ଦାଦାଗିରି ଆଉ ପୋଲିସ ନିସ୍କ୍ରିୟତା ବିରୋଧରେ ତାତିଲେ ଲୋକେ । ଥାନାରେ ପସି ବ୍ୟାପକ ଭଙ୍ଗାରୁଜା କଲେ । ଦୀର୍ଘ ସମୟ ଧରି ଖୋର୍ଦ୍ଧା-ବଲାଙ୍ଗିର ୫୭ନମ୍ବର ଜାତୀୟ ରାଜପଥକୁ ଅବରୋଧ କଲେ । ସ୍ଥାନୀୟ ଅଂଚଳର ଜଣେ ପୂର୍ବତନ ସରପଞ୍ଚ ନବକିଶୋର ସ୍ବାଇଁଙ୍କୁ କିଛି ଦିନ ତଳେ ସ୍ଥାନୀୟ ବିଧାୟକ ପ୍ରଶାନ୍ତ କୁମାର ଜଗଦେବ କୌଣସି କାରଣକୁ ନେଇ ଧମକଚମକ ଦେବା ସହ ଦୁର୍ବ୍ୟବହାର କରିଥିବା ବେଗୁନିଆ ଥାନାରେ ଅଭିଯୋଗ ହୋଇଥିଲା।
{"id":77264}![](https://www.prameyanews7.com/wp-content/uploads/2019/01/vlcsnap-9528-08-31-14h15m33s024.jpg)
ତେବେ ପୋଲିସ ବିଧାୟକଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନନେବାରୁ ପୂର୍ବତନ ସରପଞ୍ଚଙ୍କ ସମର୍ଥକଙ୍କ ଭିତରେ ଉତ୍ତେଜନା ପ୍ରକାଶ ପାଇଥିଲା । ସେମାନେ ଆଜି ଥାନା ଘେରାଉ କରିବାକୁ ଯାଇଥିବା ବେଳେ ପୋଲିସ ଠାରୁ କୌଣସି ସନ୍ତୋଷ ଜନକ ଉତ୍ତର ନପାଇ ସିଧା ଥାନାରେ ପଶି ବ୍ୟାପକ ଭଙ୍ଗାରୁଜା କରିଥିଲେ ।
{"id":77260}![](https://www.prameyanews7.com/wp-content/uploads/2019/01/vlcsnap-4238-01-28-12h00m42s835.jpg)
ନବକିଶୋର ସ୍ବାଇଁ ସ୍ଥାନୀୟ ଅଂଚଳରେ ୩୦ବର୍ଷ ଧରି ସରପଞ୍ଚ ରହିଆସିଥିଲେ । ଏବଂ ସେ ଜଣେ ବରିଷ୍ଠ ନାଗରିକ ହୋଇଥିବାରୁ ତାଙ୍କ ପ୍ରତି ବିଧାୟକଙ୍କ ଏଭଳି ବ୍ୟବହାରକୁ ବରଦାସ୍ତ କରିପାରୁନଥିଲେ ସ୍ଥାନୀୟ ଲୋକେ । ତା’ ଉପରେ ପୁଣି ପୋଲିସ ପ୍ରଶାସନର ନିସ୍କ୍ରିୟତା ଲୋକଙ୍କ ଅସନ୍ତୋଷକୁ ଆହୁରି ବଢ଼ାଇଥିଲା ।
{"id":77263}![](https://www.prameyanews7.com/wp-content/uploads/2019/01/vlcsnap-9535-01-13-12h49m16s913.jpg)
ଥାନାରେ ଭଙ୍ଗାରୁଜା ପରେ ସେମାନେ ଦୀର୍ଘ ସମୟ ଧରି ଖୋର୍ଦ୍ଧା-ବଲାଙ୍ଗିର ୫୭ନମ୍ବର ଜାତୀୟ ରାଜପଥକୁ ଅବରୋଧ କରି ରଖିଥିଲେ । ଫଳରେ ରାସ୍ତାର ଉଭୟ ପାଖରେ ଶହ ଶହ ଗାଡ଼ି ମଟର ଅଟକି ରହିଥିଲା । ପୋଲିସ ବିଭାଗର ବରିଷ୍ଠ ଅଧିକାରୀ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ଶାନ୍ତ ପଡ଼ିଥିଲା ପରିସ୍ଥିତି ।
{"id":77261}![](https://www.prameyanews7.com/wp-content/uploads/2019/01/vlcsnap-4956-12-07-18h10m06s114.jpg)
ବେଗୁନିଆ ବିଧାୟକ ପ୍ରଶାନ୍ତ ଜଗଦେବଙ୍କ ବିରୋଧରେ ବାରମ୍ବାର ଏଭଳି ଅଭିଯୋଗ ଆସୁଥିଲେ ମଧ୍ୟ ପଲିଟିକାଲ ପ୍ରେସରରେ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବାରୁ ସ୍ଥାନୀୟ ଅଂଚଳରେ ଅସନ୍ତୋଷ ବୃଦ୍ଧି ପାଉଛି ।
{"id":77262}![](https://www.prameyanews7.com/wp-content/uploads/2019/01/vlcsnap-9117-01-17-05h48m05s034.jpg)