scan steel
web-baneer-728x90
krs-728-90-banner english (2)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଟୁଟ୍ଟିକୋରିନରେ ଥମୁନି ଉତ୍ତେଜନା ; ୧୪୪ ଧାରା ଜାରି

24/05/2018 at 6:59 AM

ଟୁଟ୍ଟିକୋରିନରେ ଥମୁନି ଉତ୍ତେଜନା । ଅଦାଲତ ସଂପ୍ରସାରଣ କାମ ବନ୍ଦ ନିର୍ଦ୍ଦେଶ ଦେବା ପରେ ବି ବେଦାନ୍ତ ଷ୍ଟେରଲାଇଟ୍ କପର ସ୍ମେଲଟର ପ୍ଲାଣ୍ଟ ବିରୋଧରେ ଆନ୍ଦୋଳନ ଥମିବାର ସଂକେତ ବି ନାହିଁ । ଅଧିକ ସତର୍କତା ପଦକ୍ଷେପ ନେଇଛି ପୋଲିସ ପ୍ରଶାସନ । ଟୁଟ୍ଟିକୋରିନ୍‌ ରେ ଇଣ୍ଟରନେଟ ସେବାକୁ ସାମୟିକ ବନ୍ଦ କରିଦିଆଯାଇଛି ।ତିରୁନେଲଭେଲି ଏବଂ କନ୍ୟାକୁମାରୀରେ ବି ଇଣ୍ଟରନେଟ ସେବା ସସ୍‌ପେଣ୍ଡ । ଉତ୍ତେଜନା ଥିବା ଅଞ୍ଚଳରେ ୧୪୪ ଧାରା ଜାରି କରାଯାଇଛି । ଗଣ୍ଡଗୋଳକାରୀଙ୍କୁ ଧରିବାକୁ ଘରକୁ ଘର ପଶି ଖାନତଲାସ କରୁଛି ପୋଲିସ । ବର୍ଥତମାନ ସୁଦ୍ଧା ପୋଲିସ ଗୁଳିରେ ମ-ତକଙ୍କ ସଂଖ୍ୟା ୧୩ ରେ ପହଞ୍ଚିଛି । ଗତ ୨୨ ତାରିଖ ଗୁଳିକାଣ୍ଡରେ ଆହତଙ୍କ ମଧ୍ୟରୁ ୨୦ ଜଣ ତେବେ ବି ଚିକିତ୍ସାଧିନ ଅଛନ୍ତି ।ଗତକାଲି ଉତ୍ତ୍ୟକ୍ତ ଆନ୍ଦୋଳନକାରୀ ୨ ଟି ପୋଲିସ ଜିପ୍ ଜାଲିବା ସହ ଟୁଟ୍ଟକୋରିନ ଜେନେରାଲ ହସପିଟାଲ ସମ୍ମୁଖରେ ଥିବା ୨ ଟି ବସ୍ ମଧ୍ୟ ପୋଡି ଦେଇଛନ୍ତି । ମୃତକଙ୍କ ଶବ ନେବାକୁ ସଂପର୍କୀୟ ମାନେ ମନା କରିଦେଇଛନ୍ତି । ତେବେ ସେପଟେ ଏହି ମାମଲାରେ ହସ୍ତକ୍ଷେପ କରିଥିବା କୋର୍ଟ ପରବର୍ତ୍ତୀ ଶୁଣାଣୀ ପର୍ଯ୍ୟନ୍ତ ଶବ ସତ୍କାର ନକରାଯିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି । ଏହି ପ୍ରସଙ୍ଗରେ ରାଜନୈତୀକ ପ୍ରତିକ୍ରିୟା ବି ଜୋର ଧରିଛି । ଡିଏମକେ ୨୫ ତାରିଖ ତାମିଲନାଡୁ ବନ୍ଦ ଡାକରା ଦେଇଛି । ମୁଖ୍ୟମନ୍ତ୍ରୀଙ୍କ ଇସ୍ତାଫା ଦାବି କରିଛନ୍ତି ବିରୋଧି ।

Leave a Reply

   Related Posts