ବାଲିପାଟଣା ୩୦/୧୧: ପରୀକ୍ଷାର୍ଥୀଙ୍କୁ ସଂଘବଦ୍ଧ ଆକ୍ରମଣ ଘଟଣାରେ ବାଲିଅନ୍ତା ଥାନା ପୋଲିସର ଆକ୍ସନ । ବିଶ୍ବରଞ୍ଜନଙ୍କୁ ମାରି ଲହୁ ଲୁହାଣ କରିଥିବା ୬ ପରୀକ୍ଷାର୍ଥୀଙ୍କୁ ହେପାଜତକୁ ନେଇଛି ପୋଲିସ । ସାଇଟ୍ମରାକୁ ନେଇ ହୋଇଥିବା ଆକ୍ରମଣ ଘଟଣାରେ ପୋଲିସ ପିଲାଙ୍କୁ ପଚରାଉଚରା କରୁଛି ।
ସୂଚନା ଅନୁଯାୟୀ, ମଙ୍ଗଳବାର ଜୟଦେବ ଉଚ୍ଚ ବିଦ୍ୟାଳୟର ଛାତ୍ର ବିଶ୍ବ ରଞ୍ଜନ ବେହେରା ମାଟ୍ରିକ୍ ପରୀକ୍ଷା ଦେଇ ଫେରୁଥିବାବେଳେ ସାଇଟମରାକୁ କେନ୍ଦ୍ର କରି ଭିଙ୍ଗାରପୁର ବକ୍ରେଶ୍ବର ଉଚ୍ଚ ବିଦ୍ୟାଳୟର ପରୀକ୍ଷାର୍ଥୀମାନେ ମରଣାନ୍ତକ ଆକ୍ରମଣ କରିଥିଲେ । ଏଥିରେ ବିଶ୍ବ ରଞ୍ଜନ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ତାଙ୍କ ଅବସ୍ଥା ଏବେ ସଂକଟାପନ୍ନ ରହିଛି । ତେଣୁ ଆକ୍ରମଣକାରୀ ଛାତ୍ରଙ୍କୁ ଗିରଫ କରିବା ଦାବିରେ ଆଭିଭାବକ ଓ ଛାତ୍ରଛାତ୍ରୀମାନେ ପତିପାବନ ହାଇସ୍କୁଲ ସମ୍ମୁଖରେ ଧାରଣା ଦେଇଥିଲେ । ବାଲିଅନ୍ତା ଥାନା ପୋଲିସ ପରୀକ୍ଷାକେନ୍ଦ୍ରରେ ପହଞ୍ଚି ଛାତ୍ରଛାତ୍ରୀଙ୍କୁ ବୁଝାସୁଝା କରିବା ସହିତ ୬ ଅଭିଯୁକ୍ତ ଛାତ୍ରଙ୍କୁ ହେପାଜତକୁ ନେଇ ପଚରାଉଚରା କରୁଛି ।
