AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ପରଭେଜ୍ ମୁଶାରଫ୍, ଚିକିତ୍ସାଧୀନ ଅବସ୍ଥାରେ ଦୁବାଇରେ ଦେହାନ୍ତ
  • ||
  • ବ୍ରହ୍ମପୁର : ଅବକାରୀ ଗୁଇନ୍ଦା ବିଭାଗକୁ ସଫଳତା, ୨୪୦ କିଲୋ ଗଞ୍ଜେଇ ଜବତ
  • ||

CAA ବିରୋଧ ଓ ସମର୍ଥନକୁ ନେଇ ଦିଲ୍ଲୀରେ ଉତ୍ତେଜନା, ଜାଫରାବାଦରେ ଟେକାପଥର ମାଡ

23/02/2020 at 4:39 PM

ନୂଆଦିଲ୍ଲୀ ୨୩।୨: ନାଗରିକ(ସଂଶୋଧିତ) ଆଇନ (ସିଏଏ) ବିରୋଧରେ ଶାହିନ ବାଗ ପ୍ରଦର୍ଶନ ରବିବାର ଭିନ୍ନ ମୋଡ ନେଇଛି। ଆଇନକୁ ବିରୋଧ କରି ଶାହିନବାଗରେ ଦଳେ ଲୋକ ଗତ ୭୦ ଦିନରୁ ଊର୍ଦ୍ଧ୍ୱକାଳ ହେଲା ରାସ୍ତା ଅବରୋଧ କରି ଆନ୍ଦୋଳନ ଚଳାଇଥିବା ବେଳେ ରବିବାର ଜାଫରା ବାଦରେ ନୂଆ ଆନ୍ଦୋଳନ ଆରମ୍ଭ ହୋଇଥିଲା। ତେବେ ଏଥିରେ ଉତ୍ତେଜିତ ଲୋକେ ଜାଫରାବାଦର ଅଧ କିଲୋମିଟର ଦୂର ମୌଜପୁର ଚୌକରେ ରାସ୍ତା ଅବରୋଧ କରିଛନ୍ତି। ଏହି ଅବରୋଧକାରୀମାନେ ବିଜେପି ସମର୍ଥକ ହୋଇଥିବା ବେଳେ ସିଏଏ ସମର୍ଥନରେ ସ୍ଲୋଗାନ ଦେବା ବେଲେ  ବିରୋଧୀ ସେମାନଙ୍କ ଉପରକୁ ଟେକାପଥର ମାଡ କରିଛନ୍ତି। ଫଳରେ ଘଟଣା ସ୍ଥଳରେ ଉତ୍ତେଜନା ସୃଷ୍ଟି ହୋଇଛି।

ରବିବାର ଜାଫରାବାଦରେ ଲୋକେ ନୂଆ ଆନ୍ଦୋଳନ ଆରମ୍ଭ କରିବାର ରାସ୍ତାରେ ଯାତାୟାତ ପ୍ରଭାବିତ ହୋଇଥିଲା। ଏହାର ଜବାବରେ ସ୍ଥାନୀୟ ବିଜେପି ନେତା କପିଲ ମିଶ୍ର ତାଙ୍କ ସମର୍ଥକଙ୍କ ସହ ସିଏଏ ସମର୍ଥନରେ ସ୍ଲୋଗାନ ଦେଇ ଅଧକିଲୋମିଟର ଦୂର ମୌଜପୁର ଛକରେ ବିକ୍ଷୋଭ ଆରମ୍ଭ କରିଥିଲେ। ତେବେ ସମର୍ଥନରେ ଚାଲିଥିବା ବିକ୍ଷୋଭ ଉପରକୁ ଗଳିରୁ ବାହାରି କିଛି ଲୋକ ଟେକାପଥର ମାଡ କରିଥିଲେ। ଏଥିରେ ବିକ୍ଷୋଭକାରୀ ସେମାନଙ୍କ ଉପରେ ପଡୁଥିବା ଢେଲା ଉଠାଇ ଆକ୍ରମଣକାରୀଙ୍କ ଉପରକୁ ମାଡ କରିବା ସ୍ଥିତିକୁ ଅସମ୍ଭାଳ କରିଦେଇଥିଲା।

ପ୍ରାୟ ଅଧଘଣ୍ଟା ଧରି ଏପରି ଟେକାପଥର ମାଡ ଚାଲିଥିବା ବେଳେ ପୋଲିସ ପହଞ୍ଚି ପରିସ୍ଥିତିକୁ ଆୟତ୍ତ କରିଛି। ତେବେ ଘଟଣା ସ୍ଥଳରେ ଏବେ ମଧ୍ୟ ଉତ୍ତେଜନା ଲାଗି ରହିଥିବା ଜଣାପଡିଛି। ପରିସ୍ଥିତିକୁ ଦୃଷ୍ଟିରେ ରଖି ଇଷ୍ଟ ଡିଷ୍ଟ୍ରିକ୍ଟ ଡିସିପିଙ୍କ ସମେତ ଅନ୍ୟ ଅଞ୍ଚଳର ଡିସିପି ମାନେ ଘଟଣା ସ୍ଥଳରେ ପହଞ୍ଚିଥିବା ବେଳେ ଅର୍ଦ୍ଧ ସାମରିକ ବଳଙ୍କୁ ମଧ୍ୟ ଡକାଯାଇଛି। ଜାଫରାବାଦ ଓ ସଲଗ୍ନ ଅଞ୍ଚଳକୁ ସୁରକ୍ଷା ବଳ ଘେରାଉ କରି ରଖିଛନ୍ତି।

ଶନିବାର ରାତି ପ୍ରାୟ ୩ଟା ବେଳେ ମୁସ୍ଲିମ ମହିଳାମାନେ ଜାଫରାବାଦ ମେଟ୍ରୋକୁ ସଲଗ୍ନ କରୁଥିବା ମୁଖ୍ୟ ରାସ୍ତା ଅବରୋଧ କରି ଆନ୍ଦୋଳନକୁ ଓହ୍ଲାଇଥିଲେ। ଫଳରେ ସକାଳେ ମୌଜପୁର ଓ ଯମୁନା ବିହାର ଯାଉଥିବା ରାସ୍ତା ଅବରୋଧ ହୋଇଯାଇଥିଲା। ମେଟ୍ରୋ ଷ୍ଟେସନ ରାସ୍ତା ଅବରୋଧ ହୋଇଥିବାରୁ ଷ୍ଟେସନ ରବିବାର ବନ୍ଦ ହୋଇଯାଇଛି। ଦିଲ୍ଲୀରେ ସ୍ଥାନେ ସ୍ଥାନେ ଆରମ୍ଭ ହୋଇଥିବା ସିଏଏ ବିରୋଧୀ ଆନ୍ଦୋଳନକୁ ଦେଖି ବିଜେପି ପକ୍ଷରୁ ସିଏଏ ସମର୍ଥନ ଆନ୍ଦୋଳନ ଆରମ୍ଭ ହୋଇଥିବା ବେଳେ ଜାଫରାବାଦକୁ ସଂଯୁକ୍ତ କରୁଥିବା ମୌଜପୁର ରାସ୍ତା ଟ୍ରାଫିକ ଛକରେ ଅବରୋଧ ହୋଇଯାଇଛି।

   Related Posts