ସମ୍ୱଲପୁର ୨୬/୧୨: ସୋମବାର ‘ପ୍ରମେୟ’ ସମ୍ବଲପୁର ସଂସ୍କରଣ ତାର ୧୦ ବର୍ଷ ପୂର୍ତ୍ତି ତଥା ୧୧ତମ ଜନ୍ମଦିବସ ପାଳନ କରିଛି। ପ୍ରମେୟ ୧୧ ବର୍ଷରେ ପ୍ରବେଶ କରିବା ପରେ ଏନେଇ ସୋମାବାର ଆଞ୍ଚଳିକ କାର୍ଯ୍ୟାଳୟରେ କେକ୍‌ କାଟିବା ସହ ୨୦୨୩ ପାଇଁ କ୍ୟାଲେଣ୍ଡର ଉନ୍ମୋଚନ ହୋଇଛି। ଏଥିରେ ସମ୍ବଲପୁର ମହାନଗର ନିଗମର କମିଶନର ପ୍ରଦୀପ ସାହୁ ମୁଖ୍ୟ ଅତିଥିଭାବେ ଯୋଗ ଦେଇଥିଲେ।

ପରେ ସେଠାରେ ପ୍ରଦୀପଙ୍କ ସହିତ ମିଶି ସମସ୍ତେ କେକ୍‌ କାଟିଥିଲେ। କମିଶନର ସେହି ସମୟରେ ନୂଆ କ୍ୟାଲେଣ୍ଡର ଉନ୍ମୋଚନ କରିଥିଲେ। ଏହି ଅବସରେ ସଂସ୍କରଣ ମୁଖ୍ୟ ଶ୍ବେତକୁମାର ପ୍ରଧାନ, ଡେସ୍କ ଇନଚାର୍ଚ୍ଚ ପଞ୍ଚାନନ କରାଲି, ସମ୍ବଲପୁର ଜିଲ୍ଲା ପ୍ରତିନିଧି ଜ୍ଞାନବ୍ରତ ଭୋଇଙ୍କ ସହିତ ସମସ୍ତ କର୍ମଚାରୀ ଉପସ୍ଥିତ ଥିଲେ।