ଭୁବନେଶ୍ୱର ୨୪/୦୨: ରାଜ୍ୟର ଅଧିକାଂଶ ସ୍ଥାନର ଦିନ ତାପମାତ୍ରା ଶୁକ୍ରବାର ଖସିଛି । ମାତ୍ର ଦୁଇଟି ସହର ୩୫ଡିଗ୍ରୀ ଛୁଇଁଛି । ଅନ୍ୟ ସହରର ତାପମାତ୍ରା ୩୫ଡିଗ୍ରୀରୁ କମ୍ ରହିଛି । ଗୁରୁବାର ୧୮ଟି ସହରର ତାପମାତ୍ରା ୩୫ ଡିଗ୍ରୀ ବା ଏହାଠାରୁ ଅଧିକ ଥିଲା । ଶନିବାର ରାତିରେ ଉପକୂଳ ଓଡ଼ିଶାର ବିଭିନ୍ନ ସ୍ଥାନରେ ହାଲୁକା ବର୍ଷା ହୋଇପାରେ ବୋଲି ଆଞ୍ଚଳିକ ପାଣିପାଗ ବିଭାଗ ପୂର୍ବାନୁମାନ କରିଛି ।
ଶୁକ୍ରବାର ପାରଳାଖେମୁଣ୍ଡିର ଦିନ ତାପମାତ୍ରା ସର୍ବାଧିକ ୩୫.୬ଡିଗ୍ରୀ ରହିଛି । ବୌଦ୍ଧର ୩୫, ଟିଟିଲାଗଡ଼ର ୩୪.୫, ରାୟଗଡ଼ାରେ ୩୪.୪, ଅନୁଗୁଳରେ ୩୪.୧, ମାଲକାନଗିରି, ଭବାନୀପାଟଣା ଓ ନୂଆପଡ଼ାରେ ୩୪, ଫୁଲବାଣୀ ଓ ଝାରସୁଗୁଡ଼ାରେ ୩୩.୪ ଡିଗ୍ରୀ ତାପମାତ୍ରା ରେକର୍ଡ ହୋଇଛି । ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ରର ବୈଜ୍ଞାନିକ ଡ. ଉମାଶଙ୍କର ଦାସ କହିଛନ୍ତି, ଗୁରୁବାର ରାତିରେ ଉତ୍ତର ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ହୋଇଛି ।
ଶନିବାର ରାତିରେ ଉପକୂଳ ଓଡ଼ିଶାରେ ହାଲୁକା ବର୍ଷା ସମ୍ଭାବନା ଅଛି । ଆସନ୍ତା ୬ଦିନ ଯାଏ ରାଜ୍ୟରେ ଦିନ ତାପମାତ୍ରା ଅପେକ୍ଷାକୃତ କମ୍ ରହିବ ବୋଲି ସେ ପୂର୍ବାନୁମାନ କରିଛନ୍ତି । ଗୁରୁବାର ଅଧିକାଂଶ ସହରରେ ରାତି ତାପମାତ୍ରା ୨୦ ଡିଗ୍ରୀ ଉପରେ ଥିଲା । ସମ୍ବଲପୁରର ରାତି ତାପମାତ୍ରା ସ୍ୱାଭାବିକ ତୁଳନାରେ ସର୍ବାଧିକ ୪.୮ଡିଗ୍ରୀ ଅଧିକ ରେକର୍ଡ ହୋଇଛି । କୋରାପୁଟରେ ସର୍ବନିମ୍ନ ୧୪.୬ ଡିଗ୍ରୀ ରେକର୍ଡ ହୋଇଛି।
you can also read...
wp:embed {"url":"https://www.prameyanews7.com/gajodharan-besha-today-on-puri/","type":"wp-embed","providerNameSlug":"prameya-news-7"}