ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

କାଲି ନବୀନ ନିବାସରେ କେ. ଚନ୍ଦ୍ରଶେଖର ରାଓ ଓ ନବୀନଙ୍କ ହେବ ଭେଟଘାଟ : ଜାଣନ୍ତୁ କଣ ହେବ ଆଲୋଚନା

22/12/2018 at 7:34 PM

ଭୁବନେଶ୍ବର୨୨|୧୨: କାଲି ନବୀନ ନିବାସରେ ତେଲାଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ଓ ନବୀନଙ୍କ ହେବ ଭେଟଘାଟ । ନବୀନଙ୍କ ଆତିଥ୍ୟେୟତା ଗ୍ରହଣ କରି ନବୀନ ନିବାସରେ ରାତ୍ରୀଯାପନ କରିବେ ତେଲେଙ୍ଗାନା ମୁଖ୍ୟମନ୍ତ୍ରୀ  କେସିଆର । ଏହି ଦୁଇ ନେତାଙ୍କ ଭିତରେ କଣ ହେବ ଆଲୋଚନା ତାକୁ ନେଇ ରାଜ୍ୟ ରାଜନୀତିରେ ଜୋରଦାର ଚର୍ଚ୍ଚା । କୁହାଯାଉଛି ୨୦୧୯ ରାଜନୀତି ଦୃଶ୍ୟପଟ ଉପରେ ଏହି ଦୁଇ ନେତା ଆଲୋଚନା କରିବେ । ବିଶେଷକରି ଜାତୀୟ ସ୍ତରରେ ବିଜେପି ଓ କଂଗ୍ରେସକୁ ବାଦ୍ ଦେଇ ତୃତୀୟ ମେଣ୍ଟ ଗଠନରେ ଆଞ୍ଚଳିକ ଦଳଙ୍କ ଭୂମିକା ଉପରେ ଆଲୋଚନା ହେବ ବୋଲି ଆକଳନ କରାଯାଉଛି ।

କେ. ଚନ୍ଦ୍ରଶେଖର ରାଓ ଓ ନବୀନଙ୍କ ଭିତରେ ହେବ ଜାତୀୟ ରାଜନୈତିକ ଦୃଶ୍ୟପଟ ଉପରେ ମାନସ ମନ୍ଥନ । ନବୀନ ନିବାସରେ ଡିନର ଟେବୁଲ ଉପରେ ବସି ଜାତୀୟ ରାଜନୀତିରେ ଏହି ଦୁଇଦଳର ଭୂମିକା କଣ ହେବ ତାକୁ ନେଇ ଦୁଇ ନେତା କରିବେ ଆଲୋଚନା । ଯେହେତୁ ଉଭୟ ନବୀନ ଓ କେସିଆର କଂଗ୍ରେସ ଓ ବିଜେପି ଠାରୁ ସମଦୂରତା ରକ୍ଷାକରି ରାଜନୀତି କରୁଥିବା ଦାବି କରୁଛନ୍ତି ସେଥିପାଇଁ ୨୦୧୯ ନିର୍ବାଚନ ପରେ କଂଗ୍ରେସ କିମ୍ବା ବିଜେପି କ୍ଷମତାକୁ ଆସିଲେ ସେମାନଙ୍କ ସହ କିଭଳି ମୂଲଚାଲ ହେବ ସେନେଇ ଦୁଇ ନେତା ବ୍ଲୁପ୍ରିଣ୍ଟ ପ୍ରସ୍ତୁତ କରିପାରନ୍ତି

ଚର୍ଚ୍ଚା ହେଉଛି ଏହି ଦୁଇ ନେତା ୨୦୧୯ ନିର୍ବାଚନ ପରେ ଜାତୀୟ ରାଜନୀତିରେ ବଡ ଭୂମିକା ନେବା ଯୋଜନାରେ ଅଛନ୍ତି । ବିଧାନସଭା ଓ ସଂସଦରେ ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣ ପ୍ରସଙ୍ଗରେ ସବୁଦଳ ନେତାଙ୍କୁ ବିଜେଡି ଭେଟିବା ଏହି ଗେମ୍ ପ୍ଲାନର ଏକ ଅଂଶ ବୋଲି ଧରାଯାଉଛି । ବିଜେଡି କିନ୍ତୁ ଏବେଠୁ ଏପ୍ରସଙ୍ଗରେ କାର୍ଡ ଖୋଲିବାକୁ ଚାହୁଁନି । 

  

ବିଜେଡି ଭିତରେ ଆଲୋଚନା ଚାଲିଛି ଦଳ ଏଣିକି ଜାତୀୟ ରାଜନୀତିରେ ଚୁପ୍ ନରହି ବିଭିନ୍ନ ପ୍ରସଙ୍ଗରେ ମୁହଁ ଖୋଲିବ । ୨୦୧୯ ପରେ ପରିବର୍ତ୍ତିତ ମୁଦ୍ରାରେ ଦେଖିବାକୁ ମିଳବ ବିଜେଡିକୁ । ଏମିତିକି ବିଜେପି ଓ କଂଗ୍ରେସ ଠାରୁ ସମଦୂରତା ରଖୁଥିବା ଦଳଙ୍କ ସହ ଭଲ ସଂପର୍କ ରକ୍ଷାକରି ଏକ ପ୍ରେସର ଗ୍ରୁପ ଭଳି କାମ କରିବ ବିଜେଡି । କଂଗ୍ରେସ ଓ ବିଜେପି କିନ୍ତୁ ବିଜେଡିର ଏଭଳି ଭୂମିକାକୁ ଗୁରୁତ୍ବ ଦେଇନାହାଁନ୍ତି । ନବୀନ ମଝିରେ ମଝିରେ ଏଭଳି କିଛି ଆଞ୍ଚଳିକ ଦଳର ନେତାଙ୍କ ସହ ଭେଟଘାଟ କରି ଚର୍ଚାରେ ରହନ୍ତି ସିନା କୌଣସି ଚର୍ଚା ଦାନା ଧରେନି ।

କେସିଆର ନବୀନଙ୍କୁ ଭେଟିବା ପରେ ସିଧା ଯିବେ ମମତା ବାନାର୍ଜିଙ୍କୁ ଭେଟିବାକୁ । ଏହାପରେ ଅଖିଳେଶ ଯାଦବ ଓ ମାୟାବତୀଙ୍କୁ ମଧ୍ୟ ଭେଟିବେ । କେସିଆର ଏଭଳି ନେତାଙ୍କୁ ଭେଟିବା ପଛରେ ମୂଳଲକ୍ଷ୍ୟ କଂଗ୍ରେସ ଓ ବିଜେପି ସହ ଗଠବନ୍ଧନ କରିବାରେ ଅନିଛୁକ ଥିବା ଏହିସବୁ ଆଞ୍ଚଳିକ ଦଳଙ୍କୁ ଏକ କରିବା ।

   Related Posts