scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ତେଲଙ୍ଗାନାର ୧୧୯ଟି ବିଧାନସଭା ଆସନରେ ମତଦାନ, ୨,୨୯୦ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର

30/11/2023 at 8:43 AM

ହାଇଦ୍ରାବାଦ ୩୦/୧୧: ଆଜି ତେଲଙ୍ଗାନାର ୧୧୯ଟି ବିଧାନସଭା ଆସନରେ ମତଦାନ । ରାଜ୍ୟରେ ହୋଇଥିବା ୩୫୬୫୫ଟି ମତଦାନ କେନ୍ଦ୍ରରେ ସକାଳ ୭ଟାରୁ ଭେଟ ଗ୍ରହଣ ଆରମ୍ଭ ହୋଇଛି।‌ ସନ୍ଧ୍ୟା ୫ଟା ଯାଏ ଚାଲିବ । ଉଗ୍ରବାଦୀ କାର୍ଯ୍ୟକଳାପ ପ୍ରଭାବିତ ୧୩ଟି ଆସନରେ ଅପରାହ୍ନ ୪ଟା ସୁଦ୍ଧା ମତଦାନ ଶେଷ ହେବ । ନିର୍ବାଚନକୁ ଶାନ୍ତିଶୃଙ୍ଖଳାର ସହ ଅନୁଷ୍ଠିତ କରିବା ଲାଗି ରାଜ୍ୟରେ ବ୍ୟାପକ ସୁରକ୍ଷା ବ୍ୟବସ୍ଥା ହୋଇଛି ।

୧୧୯ଟି ବିଧାନସଭା ଆସନ ଲାଗି ୨,୨୯୦ ଜଣ ପ୍ରାର୍ଥୀ ମଇଦାନରେ ରହିଛନ୍ତି । ସେମାନଙ୍କ ମଧ୍ୟରେ ୨୨୧ ଜଣ ମହିଳା ଏବଂ ଜଣେ କିନ୍ନର । ୯୦୦ ସ୍ୱାଧୀନ ପ୍ରାର୍ଥୀ ମଧ୍ୟ ନିର୍ବାଚନୀ ମଇଦାନକୁ ଓହ୍ଲାଇଛନ୍ତି । ୩ କୋଟି ୨୬ ଲକ୍ଷରୁ ଉଦ୍ଧ୍ୱର୍ ଭୋଟର ସେମାନଙ୍କ ଭାଗ୍ୟ ନିର୍ଦ୍ଧାରଣ କରିବେ । ପ୍ରମୁଖ ପ୍ରାର୍ଥୀଙ୍କ ମଧ୍ୟରେ ବିଆରଏସ୍‌ ସୁପ୍ରିମୋ ତଥା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ(କେସିଆର୍‌), ତାଙ୍କ ପୁଅ କେଟିଆର ରହିଛନ୍ତି ।

ସେହିପରି ବିଜେପିର ଲୋକସଭା ସାଂସଦ ବାନ୍ଦି ସଞ୍ଜୟ କୁମାର, ଡି. ଅରବିନ୍ଦ, ସୋୟମ ବାପୁରାଓ, କଂଗ୍ରେସର ଏ. ରେବନ୍ତ ରେଡ୍ଡି, ଉତ୍ତମ କୁମାର ରେଡ୍ଡି, ଏଆଇଏମ୍‌ଆଇଏମ୍‌ ନେତା ଅସଦୁଦ୍ଦିନ ଓୱେସୀଙ୍କ ପରି ହେଭିୱେଟ୍‌ ନେତା ମଧ୍ୟ ପ୍ରାର୍ଥୀ ହୋଇଛନ୍ତି । କେସିଆର ଦୁଇଟି ଆସନ ଗଜୱେଲ ଏବଂ କମାରେଡ୍ଡିରୁ ନିର୍ବାଚନ ଲଢୁଛନ୍ତି ।

କମାରେଡ୍ଡିରେ ତାଙ୍କ ବିରୋଧରେ ପ୍ରାର୍ଥୀ ହୋଇଛନ୍ତି ତେଲଙ୍ଗାନା କଂଗ୍ରେସ ଅଧ୍ୟକ୍ଷ ଏ. ରେବନ୍ତ ରେଡ୍ଡି । ୨୦୧୪ରେ ତେଲଙ୍ଗାନା ପ୍ରଦେଶ ଗଠନ ହେବା ପରଠାରୁ ସେଠାରେ କେସିଆର୍‌ଙ୍କ ଭାରତ ରାଷ୍ଟ୍ର ସମିତି(ବିଆରଏସ୍‌) ଦଳ ସରକାରରେ ରହିଛି । ଗତ ନିର୍ବାଚନରେ ଦଳ ୮୮ଟି ଆସନ ପାଇଥିଲା । ଏଥରକ ତୃତୀୟ ଥର ଲାଗି କ୍ଷମତା ଦଖଲ କରିବାକୁ ବିଆରଏସ୍‌ ରଣନୀତି କରିଛି । ସେପଟେ ରାଜ୍ୟରେ ଶାସକ ବିରୋଧୀ ହାୱାକୁ ଅସ୍ତ୍ର କରିଛନ୍ତି ବିରୋଧୀ ।

ବେରୋଜଗାରୀ ପ୍ରସଙ୍ଗକୁ ନେଇ ଉଭୟ ବିଜେପି ଏବଂ କଂଗ୍ରେସ ନିର୍ବାଚନୀ ପ୍ରଚାରବେଳେ କେସିଆରଙ୍କୁ ଘେରିଥିଲେ । କଂଗ୍ରେସ ପକ୍ଷରୁ ଜନତାଙ୍କୁ ୬ଟି ଗ୍ୟାରେଣ୍ଟି ଦିଆଯାଇଥିବାବେଳେ ବିଜେପି ଦୁର୍ନୀତି ପ୍ରସଙ୍ଗରେ କେସିଆର ସରକାରଙ୍କୁ ଟାର୍ଗେଟ୍‌ କରିଥିଲା । ରାଜ୍ୟରେ ବିଜେପି ସରକାରକୁ ଆସିଲେ ପ୍ରଥମ ମୁଖ୍ୟମନ୍ତ୍ରୀ ପଛୁଆବର୍ଗର ଜଣେ ନେତା ହେବେ ବୋଲି ଦଳ ପ୍ରତିଶ୍ରୁତି ଦେଇଛି । ବିଜେପି, କଂଗ୍ରେସ ସହିତ ସିପିଆଇ ଏବଂ ଏଆଇଏମ୍‌ଆଇଏମ୍‌ ମଧ୍ୟ ତେଲଙ୍ଗାନା ନିର୍ବାଚନରେ ପ୍ରାର୍ଥୀ ଦେଇଛନ୍ତି । ଡିସେମ୍ବର ୩ରେ ମଧ୍ୟପ୍ରଦେଶ, ଛତିଶଗଡ, ମିଜୋରାମ, ରାଜସ୍ଥାନ ବିଧାନସଭା ସହିତ ତେଲଙ୍ଗାନା ବିଧାନସଭା ନିର୍ବାଚନର ଫଳାଫଳ ପ୍ରକାଶ ପାଇବ ।

   Related Posts