କର୍ଣ୍ମାଟକ ଏଫେକ୍ଟ । ବିହାର ରାଜ୍ୟପାଳଙ୍କୁ ଭେଟି ସରକାହ ଗଠନ ସୁଯୋଗ ଦେବାକୁ ଦାବି କଲେ ଆରଜେଡି ନେତା ତେଜସ୍ୱୀ ଯାଦବ । ବିହାର ବିଧାନସଭାରେ ୮୦ ବିଧାୟକ ଥିବା ରାଷ୍ଟ୍ରିୟ ଜନତା ଦଳ ଏକକ ସଂଖ୍ୟା ଗରିଷ୍ଠ ଦଳ । ତେଣୁ କର୍ଣ୍ମାଟକ ଭଳି ପ୍ରଥମେ ତାଙ୍କୁ ସରକାର ଗଠନ ପାଇଁ ଆମନ୍ତ୍ରଣ କରିବାକୁ ରାଜ୍ୟପାଳ ସତ୍ୟପାଲ୍ ମଲିକଙ୍କ ନିକଟରେ ଦାବି କରିଛନ୍ତି ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ । ରାଜଭବନରେ ରାଜ୍ୟପାଳଙ୍କ ନିକଟରେ ଏହି ଦାବିପତ୍ର ରଖିବା ବେଳେ ତେଜସ୍ୱୀ କହିଛନ୍ତି, ତାଙ୍କ ଦଳ ସହ କ୍ଷମତାସୀନ ଜେଡିୟୁର କିଛି ବିଧାୟକ ଯୋଗଯୋଗରେ ଅଛନ୍ତି । କଂଗ୍ରେସ ଓ ଅନ୍ୟ କିଛି ସହଯୋଗୀ ଦଳଙ୍କ ବିଧାୟକଙ୍କୁ ମିଶାଇ ୧୧୧ ବିଧାୟକ ତାଙ୍କ ସହ ଥିବା ତେଜସ୍ୱୀ ଦାବିକରିଛନ୍ତି । ବିହାର ବିଧାନସଭାରେ ବହୁମତ ଲାଗି ଆଉ ୧ ସଦସ୍ୟଙ୍କ ସମର୍ଥନ ଦରକାର ପଡୁଥିବା ବେଳେ, ସରକାର ଗଠନର ସୁଯୋଗ ମିଳିଲେ ସେ ଗୃହରେ ସଂଖ୍ୟା ଗରିଷ୍ଠତା ପ୍ରମାଣ କରିଦେବେ ବୋଲି କହିଛନ୍ତି ତେଜସ୍ୱୀ । ତେଜସ୍ୱୀଙ୍କ ଏହି ଦାବି ବିହାରରେ ହଲଚଲ ସୃଷ୍ଟି କରିଛି । ତେବେ ଜେଡିୟୁ ନେତା ତଥା ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ପ୍ରତିକ୍ରିୟା ଜଣାପଡିନାହିଁ |