suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଶାଶୂକୁ ଠେଙ୍ଗାରେ ପିଟିପିଟି ହତ୍ୟା କଲା ଜ୍ବାଇଁ !

16/02/2020 at 2:30 PM

କଟକ ୧୬।୦୨:   ପାରିବାରିକ କଳହର କରୁଣ ପରିଣତି । ଶାଶୂକୁ ଠେଙ୍ଗାରେ ପିଟିପିଟି ହତ୍ୟା କଲା ଜ୍ବାଇଁ । କଟକ ଓଏମପି ଛକ ନିକଟରେ ଥିବା ଗୋର୍ଖା କଲୋନୀରେ ଘଟିଛି ଏହି ଅଭାବନୀୟ ଘଟଣା । ମୃତକ ହେଲେ ସାଲେଗା ହେମ୍ବ୍ରମ୍ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।ଘର ଭିତରୁ ଶାଶୂଙ୍କ ରକ୍ତାକ୍ତ ମୃତଦେହ ଉଦ୍ଧାର ହୋଇଛି । ହତ୍ୟାକାଣ୍ଡ ପରେ ଘଟଣାସ୍ଥଳରୁ ଅଭିଯୁକ୍ତ ଜ୍ବାଇଁ ଫେରାର୍ ହୋଇଯାଇଛି । ପରିବାର ଲୋକେ ଏ ନେଇ ରେଳବାଇ ଥାନାରେ ଏତଲା ଦେଇଛନ୍ତି ।

ପରିବାର ଲୋକଙ୍କ ଅଭିଯୋଗ ଅନୁସାରେ ଆଜି ସକାଳେ ଜ୍ୱାଇଁ ସଂଜୟ ସୋରେନ୍ ତାଙ୍କ ଶାଶୁ ରହୁଥିବା ଘରକୁ ଆସି ଗାଳି ଗୁଲଜ କରିଥିଲେ । ସଂଜୟ ଏପରି ଗାଳିଗୁଲଜ କରିବାରୁ ତାଙ୍କ ସ୍ତ୍ରୀ ସୀତା ସୋରେନ୍ ବାରଣ କରିଥିଲେ । ସଂଜୟ ଏଥିରେ ରାଗିଯାଇ ନିଜ ସ୍ତ୍ରୀଙ୍କୁ ମାଡ ମାରିଥିଲେ । ଏହି ସମୟରେ ତାଙ୍କ ଶାଶୂ ସାଲେଗା ଜ୍ୱାଇଁଙ୍କୁ ଅଟକାଇବାକୁ ଚେଷ୍ଟା କରିଥିଲେ ।  ଏଥିରେ ରାଗି ଯାଇ ଏକ କାଠ ଫାଳିଆରେ ସଂଜୟ ତାଙ୍କ ସ୍ତ୍ରୀଙ୍କ ମୁଣ୍ଡକୁ ଆଘାତ ଦେବା ସହ ଶାଶୂଙ୍କ ମୁଣ୍ଡକୁ ମଧ୍ୟ ଆଘାତ ଦେଇଥିଲେ । ଘଟଣାସ୍ଥଳରେ ହିଁ ଶାଶୂଙ୍କ ମୃତ୍ୟୁ ହୋଇଯାଇଥିଲା । ସଂଜୟଙ୍କ ସ୍ତ୍ରୀ ମଧ୍ୟ ଗୁରୁତର ଆହତ ହୋଇଛନ୍ତି । ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଜାରି ରଖିଛି ।

   Related Posts