ପିସିବିକୁ BCCI ଦେଲା ବଡ ଝଟକା, ଏସିଆ କପ୍ ପାଇଁ ପାକିସ୍ତାନ ଯିବ ନାହିଁ ଟିମ୍ ଇଣ୍ଡିଆ !

Published By : Prameya-News7 Bureau | February 04, 2023 IST

ନୂଆଦିଲ୍ଲୀ: ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ ଏବଂ ପାକିସ୍ତାନ କ୍ରିକେଟ୍  ବୋର୍ଡ ମଧ୍ୟରେ ଚାଲିଥିବା ବାଦ ବିବାଦ ଏବେ ଆହୁରି ବଢିପାରେ। ବିସିସିଆଇ ସଂପାଦକ ଜୟ ଶାହ ସୂଚନା ଦେଇଛନ୍ତି ଯେ, ଏସିଆ କପ୍ ୨୦୨୩ ପାଇଁ ଭାରତୀୟ ଦଳ ପାକିସ୍ତାନ ଗସ୍ତ କରିବ ନାହିଁ। ତେଣୁ ଏସିଆ କପ୍ ପାଇଁ ନିରପେକ୍ଷ ସ୍ଥାନ ସ୍ଥିର କରାଯାଉ। ବିସିସିଆଇର ଏହି ନିଷ୍ପତ୍ତିରେ ପାକିସ୍ତାକୁ ବଡ ଝଟକା ଲାଗିଛି। ଏହା ପୂର୍ବରୁ ରମିଜ ରାଜା ବିସିସିଆଇର ନିଷ୍ପତ୍ତିକୁ ନେଇ ଅନେକ ଟିପ୍ପଣୀ କରିବା ସହ ଧମକ ବି ଦେଇଥିଲେ।

ବିସିସିଆଇ ସଂପାଦକ ଜୟ ଶାହ ଏସିଆ କ୍ରିକେଟ୍ ପରିଷଦ(ଏସିସି)ର ବୈଠକ ପାଇଁ ବାହାରିନ ଯାଇଛନ୍ତି। ଦୈନିକ ଜାଗରଣରେ ପ୍ରକାଶିତ ଖବର ଅନୁଯାୟୀ, ଜୟ ଶାହ ଏସିଆ କପ୍‌ ଆୟୋଜନକୁ ନେଇ ନିଜ ନିଷ୍ପତ୍ତିରେ ଅଟଳ ଅଛନ୍ତି ଯେ ଭାରତୀୟ ଦଳ ଏସିଆ କପ୍ ପାଇଁ ପାକିସ୍ତାନ ଯିବ ନାହିଁ। ତେଣୁ ଏସିଆ କପ୍ ୨୦୨୩ ପାଇଁ ଏକ ନିରପେକ୍ଷ ସ୍ଥାନ ସ୍ଥିର କରାଯାଉ। ତେବେ ଏହାକୁ ନେଇ ଏ ପର୍ଯ୍ୟନ୍ତ କୌଣସି ଆନୁଷ୍ଠାନିକ ଖବର ସାମ୍ନାକୁ ଆସିନାହିଁ। ବିସିସିଆଇ ଏ ସଂପର୍କରେ କୌଣସି ପ୍ରକାରର ବୟାନ ବି ଦେଇ ନାହିଁ।

ସୂଚନା ଅନୁଯାୟୀ, ପିସିବି ଅଧ୍ୟକ୍ଷ ନଜମ ସେଠୀ  ଜରୁରୀକାଳୀନ ବୈଠକ ଦାବି କରିଥିଲେ। ଏସିଆ କ୍ରିକେଟ୍ କାଉନସିଲ ତାଙ୍କର ଏହି ଦାବିକୁ ମାନି ନେଇଥିଲା। ଏଥିପାଇଁ ଶାହ ବାହାରିନରେ ପହଞ୍ଚିଛନ୍ତି। ବୈଠକରେ ଏସିଆ କପ୍‌ ଆୟୋଜନ ନେଇ ନିଷ୍ପତ୍ତି ନିଆଯିବାର ଅଛି। ଏହାକୁ ନେଇ ରମିଜ ରାଜା କହିଥିଲେ ଯେ, ଯଦି ଭାରତୀୟ ଦଳ ଏସିଆ କପ୍ ଖେଳିବାକୁ ପାକିସ୍ତାନ ଆସିବ ନାହିଁ ତେବେ ପାକିସ୍ତାନ କ୍ରିକେଟ୍ ଦଳ ମଧ୍ୟ ଦିନିକିଆ ବିଶ୍ଵ କପ୍ ପାଇଁ ଭାରତ ଯିବ ନାହିଁ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.