ମୁମ୍ବାଇ: ଅନ୍ତିମ ଓ୍ବାନଡେ’ରେ ଭାରତୀୟ ଦଳ ଅଷ୍ଟ୍ରେଲିଆ ଠାରୁ ୨୧ ରନରେ ପରାସ୍ତ ହୋଇଛି । ଚିଦାମ୍ବରମ ଷ୍ଟାଡିୟମରେ ଖେଳାଯାଇଥିବା ନିର୍ଣ୍ଣାୟକ ଦିନିକିଆରେ ଟିମ୍ ଇଣ୍ଡିଆ ୨୭୦ ରନର ଲକ୍ଷ୍ୟକୁ ପିଛା କରି ୪୯ ଓଭର ଗୋଟିଏ ବଲରେ ୨୪୮ ରନ କରି ଅଲଆଉଟ ହୋଇଯାଇଥିଲା । ଏହି ପରାଜୟ ସହିତ ଟିମ୍ ଇଣ୍ଡିଆକୁ ଡବଲ ଝଟକା ଲାଗିଛି । ଦିନିକିଆରେ ଦ୍ବିତୀୟ ସ୍ଥାନକୁ ଟିମ୍ ଇଣ୍ଡିଆ ଖସିଆସିଥିବା ବେଳେ ୪ବର୍ଷ ପରେ ଘରୋଇ ମାଟିରେ ଓ୍ବାନଡେ’ ସିରିଜ୍ ହାରିଛି ।

ଭାରତୀୟ ଦଳ ୨୦୧୯ରେ ଅଷ୍ଟ୍ରେଲିଆ ବିରୋଧରେ ୫ଟି ମ୍ୟାଚ୍ ବିଶିଷ୍ଟ ଶୃଙ୍ଖଳାରେ ପରାସ୍ତ ହୋଇଥିଲା ଭାରତ । ଏବେ ପୁଣି ଥରେ ସେହି ଅଷ୍ଟ୍ରେଲିଆ ଠାରୁ ୩ଟି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ୧-୨ରେ ପରାଜୟ ହୋଇଛି । ଫଳରେ ୪ବର୍ଷ ପରେ ଘରୋଇ ମାଟିରେ ଟିମ୍ ଇଣ୍ଡିଆର ଖରାପ ପ୍ରଦର୍ଶନ ପାଇଁ ସିରିଜ୍ ବିଜୟର ଧାରା ଭାଙ୍ଗିଛି ।

ଟିମ୍ ଇଣ୍ଡିଆ ହାରିବାର ଅନେକ କାରଣ ରହିଛି । ପ୍ରଥମ କରି ସିରିଜରେ ଟପ୍ ଅର୍ଡର ବ୍ୟାଟରଙ୍କର ଫ୍ଲପ୍ ଶୋ’ ମୁଖ୍ୟ କାରଣ । ଦ୍ବିତୀୟ ମ୍ୟାଚରେ ମିଚେଲ ଷ୍ଟାକଙ୍କ ସାମ୍ନାରେ ମିଡିଲ ଏବଂ ଲୋ’ ଅର୍ଡର ବ୍ୟାଟର ହାତ ଟେକି ଦେଇଥିଲେ । ପ୍ରଥମ ମ୍ୟାଚରେ ମଧ୍ୟ ସ୍ଥିତି ଦେଖିବାକୁ ମିଳିଥିଲା, ହେଲେ କେ ଏଲ ରାହୁଲ ଓ ରବିନ୍ଦ୍ର ଜାଡେଜାଙ୍କ ପାଇଁ ଦଳ ବିଜୟ ସ୍ବାଦ ଚାଖିଥିଲା । ସେହିପରି ତୃତୀୟ ଦିନିକିଆରେ ପ୍ରଥମରୁ ଟିମ୍ ଇଣ୍ଡିଆ ଭଲ ପ୍ରଦର୍ଶନ କରିଥିଲେ ମଧ୍ୟରେ ଲଗାତାର ଓ୍ବିକେଟ୍ ପଡ଼ିବାକୁ ଧରାଶାୟୀ ହୋଇଥିଲା ଦଳ । ଶ୍ରେୟସଙ୍କ ଅନୁପସ୍ଥିତିରେ ସୂର୍ଯ୍ୟକୁମାର ଯାଦବଙ୍କ ଫ୍ଲପ୍ ଶୋ’ ସିରିଜ୍ ହାରିବାର ଅନ୍ୟ ଏକ କାରଣ ବୋଲି କୁହାଯାଉଛି ।