ଟାଙ୍ଗୀ ୦୫।୦୩: କଟକ ଟାଙ୍ଗୀ ଥାନା କହ୍ନେଇପୁର ପଞ୍ଚାୟତ ଗୁଆଳିଡ଼ିହ ଗାଁରେ ନିଶାସକ୍ତ ଯୁବକଙ୍କ ଉନ୍ମତ୍ତ କାଣ୍ଡ। ନିଜର ବାପା ଓ ଖୁଡ଼ିଙ୍କ ସମେତ ୪ଜଣଙ୍କୁ କଟୁରୀରେ ହାଣିଲା ଦୁର୍ବୃତ୍ତ। ସୁରେଶ ମହାନ୍ତି ନାମଙ୍କ ଯୁବକ ନିଜ ଖୁଡ଼ିର ଡାହାଣ ହାତକୁ ହାଣି ଛିଣ୍ଡାଇ ଦେଇଛି।

ଖବର ଅନୁଯାୟୀ, ଗାଁର ଶରତ ମହାନ୍ତିଙ୍କ ପୁଅ ସୁରେଶ କୌଣସି କାମଧନ୍ଦା କରେ ନାହିଁ। ଅଧିକାଂଶ ସମୟ ନିଶା ଖାଇ ନିଶାରେ ବୁଡ଼ିରହି ଅନେକ ସମୟରେ ବିଶୃଙ୍ଖଳା ସୃଷ୍ଟି କରେ। ତେବେ ଶନିବାର ତାଙ୍କର ଖୁଡି ସମେତ ବାପା ଓ ଆଉ ଦୁଇଜଣ ପଡୋଶୀଙ୍କୁ ହାଣି କ୍ଷତାକ୍ତ କରିଛି। ଆହତ ମାନଙ୍କୁ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ କଟକ ବଡ଼ ଡ଼ାକ୍ତରଖାନାରେ ଭର୍ତ୍ତି କରାଯାଇଛି। ଏଭଳି କାଣ୍ଡ ଭିଆଇବା ପରେ ଘଟଣାସ୍ଥଳରୁ ଫେରାର ହୋଇଯାଇଛି। ପୋଲିସ ଉକ୍ତ ଯୁବକକୁ ଧରିବାକୁ ତନାଘନା ଚଳାଇଛି।