scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ନୋବୋଲ ଶାନ୍ତି ପୁରସ୍କାର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାଁ କରାଗଲା ନୋମିନେଟ୍

25/09/2018 at 3:23 PM

ଚେନ୍ନାଇ ୨୫|୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନୋବେଲ ଶାନ୍ତି ପୁରସ୍କାର ପ୍ରଦାନ ଲାଗି ନୋମିନେଟ୍ କରାଯାଇଛି । ତାମିଲନାଡୁ ବିଜେପି ଅଧ୍ୟକ୍ଷା ତମିଲିସାଇ ସୌନ୍ଦରାଜନ୍ ଏହି ନୋମିନେସନ କରିଛନ୍ତି । ତାଙ୍କ ସ୍ବାମୀ ପ୍ରଫେସର ପି. ସୋନ୍ଦରାଜନ୍ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାମ ନୋମିନେଟ୍ କରିଛନ୍ତି । ପି. ସୌନ୍ଦରାଜନ୍ ତାମିଲନାଡୁର ଏକ ଘରୋଇ ବିଶ୍ବବିଦ୍ୟାଳୟରେ ନେଫ୍ରୋଲୋଜି ପ୍ରଫେସର ଅଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆୟୁଷ୍ମାନ ଭାରତ ଭଳି ବିଶ୍ବର ସର୍ବବୃହତ୍ତ ସ୍ବାସ୍ଥ୍ୟ ଯୋଜନା ଆରମ୍ଭ କରିଥିବାରୁ ତାଙ୍କୁ ନୋବୋଲ ଶାନ୍ତି ପୁରସ୍କାର ମିଳିବା ଉଚିତ୍ ବୋଲି ଶ୍ରୀମତୀ ସୌନ୍ଦରାଜନ୍ କହିଛନ୍ତି । ଆୟୁଷ୍ମାନ ଭାରତ ଯୋଜନା ସମଗ୍ର ଦେଶର ଗରୀବଙ୍କ ପାଇଁ ଏକ ବରଦାନ । ଗରୀବଙ୍କୁ ଚିକିତ୍ସା ସୁବିଧା ପ୍ରଦାନ କ୍ଷେତ୍ରରେ ଏହି ଯୋଜନା ଏକ ବୈପ୍ଲବିକ ପରିବର୍ତ୍ତନ ଆଣିବ । ତେଣୁ ଦେଶର ସମସ୍ତ ସାଂସଦ ଓ ଅଧ୍ୟାପକ ୨୦୧୯ ନୋବେଲ ଶାନ୍ତି ପୁରସ୍କାର ପାଇଁ ନରେନ୍ଦ୍ର ମୋଦିଙ୍କ ନାଁ ନୋମିନେଟ୍ କରିବା ଲାଗି ସୌନ୍ଦରାଜନ୍ ଆହ୍ବାନ ଦେଇଛନ୍ତି ।
ସୂଚନାଯୋଗ୍ୟ ଯେ, ପ୍ରତ୍ୟେକ ବର୍ଷ ସେପ୍ଟମ୍ବର ମାସରୁ ନୋବେଲ ଶାନ୍ତି ପୁରସ୍କାର ପାଇଁ ମନୋନୟନ ପ୍ରକ୍ରିୟା ସମଗ୍ର ପୃଥିବୀରେ ଆରମ୍ଭ ହୋଇଥାଏ । ଯେ କୌଣସି ବ୍ୟକ୍ତିଙ୍କୁ ଯେ କେହି ମନୋନୀତ କରିପାରିବେ । ଏହି ପ୍ରକ୍ରିୟା ଆସନ୍ତା ଜାନୁଆରୀ ୩୧ତାରିଖ ପର୍ଯ୍ୟନ୍ତ ଚାଲିବ ।

   Related Posts