ତମନ୍ନାଙ୍କ ବିଳାଶପୂର୍ଣ୍ଣ ଲାଇଫ୍ ଷ୍ଟାଇଲ୍, ଗୋଟିଏ ଫିଲ୍ମ ପାଇଁ ନିଅନ୍ତି ଏତିକି କୋଟି ଟଙ୍କା
21/12/2022 at 8:51 AM
ମୁମ୍ଵାଇ ୨୧।୧୨: ସୁନ୍ଦରୀ ଅଭିନେତ୍ରୀ ତମନ୍ନା ଭାଟିଆ। କେବଳ ତାମିଲ ସିନେମାରେ ନୁହେଁ ତେଲୁଗୁ, କନ୍ନଡ ଏବଂ ହିନ୍ଦୀ ସିନେମାରେ ମଧ୍ୟ ଅନେକ ଫିଲ୍ମ କରିଛନ୍ତି। ଏହି ଅଭିନେତ୍ରୀ ଖୁବ୍ କମ୍ ବୟସରେ ନିଜ କ୍ୟାରିଅର୍ ଆରମ୍ଭ କରିଥିଲେ । ତାଙ୍କ କ୍ୟାରିୟରରେ ଅନେକ ଉତ୍ଥାନ-ପତନ ଘଟିଥିଲା। କିନ୍ତୁ ଏହା ସତ୍ତ୍ଵେ ସେ ନିଜର ସ୍ଥିତି ହାସଲ କରିଥିଲେ । ଆଜି ସେ ଦକ୍ଷିଣର ପ୍ରମୁଖ ଅଭିନେତ୍ରୀ ସହ ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତ୍ରୀମାନଙ୍କ ମଧ୍ୟରୁ ଜଣେ। ମିଡିଆ ରିପୋର୍ଟ ଅନୁଯାୟୀ, ସେ ଏକ ଫିଲ୍ମ ପାଇଁ ୧.୫ ରୁ ୨ କୋଟି ଟଙ୍କା ଆଦାୟ କରନ୍ତି। ତମନ୍ନା ହେଉଛି କୋଟି କୋଟିର ମାଲିକ ।
ତମନ୍ନା ୨୧ଡିସେମ୍ବର ୧୯୮୯ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ। ତାଙ୍କ ପିତାଙ୍କ ନାମ ସାନ୍ତୋଷ ଭାଟିଆ ଏବଂ ମାତାଙ୍କ ନାମ ରଜନୀ ଭାଟିଆ। ଅଭିନେତ୍ରୀଙ୍କ ପିତା ଜଣେ ପ୍ରସିଦ୍ଧ ହୀରା ବ୍ୟବସାୟୀ । ତମନ୍ନାଙ୍କ ପ୍ରାଥମିକ ଶିକ୍ଷା ଜୁହୁର ମାନକ ଜି କପୁର୍ ଏଜୁକେସନାଲ୍ ଟ୍ରଷ୍ଟ ସ୍କୁଲରେ କରାଯାଇଥିଲା । ମାତ୍ର ୧୩ ବର୍ଷ ବୟସରେ, ଅଭିନେତ୍ରୀ ତମନ୍ନା ବିଦ୍ୟାଳୟର ଆନୁଆଲ ଫକ୍ସନରେ ଅଭିନୟ କରିବା ପରେ ତାଙ୍କର ପ୍ରଥମ ବ୍ରେକ୍ ମିଳିଥିଲା। ଏହା ପରେ ତମନ୍ନା ଏକ ବର୍ଷ ପାଇଁ ମୁମ୍ବାଇର ପ୍ରୀତି ଥିଏଟରର ଏକ ପାର୍ଟ ଥିଲେ।
ତମନ୍ନାଙ୍କ ମୋଟ ସମ୍ପତ୍ତି ପ୍ରାୟ ୧୧୦ କୋଟି । ସେ ଫିଲ୍ମ, ବ୍ରାଣ୍ଡ ଏଣ୍ଡୋର୍ସମେଣ୍ଟ ଏବଂ ଷ୍ଟେଜ୍ ସୋ ରୁ ବହୁତ ରୋଜଗାର କରନ୍ତି । ସେ ଏକ ଫିଲ୍ମ ପାଇଁ ପ୍ରାୟ ୨ କୋଟି ଟଙ୍କା ଆଦାୟ କରନ୍ତି । ଏହା ବ୍ୟତୀତ ଅଭିନେତ୍ରୀ ଏକ ଆଇଟମ୍ ଗୀତ ପାଇଁ ୭୦ ଲକ୍ଷ ଟଙ୍କା ଆଦାୟ କରନ୍ତି ।ତାଙ୍କ ବ୍ରାଣ୍ଡ ଏଣ୍ଡୋର୍ସମେଣ୍ଟରେ ସେଲକନ୍ ମୋବାଇଲ୍, ଫାଣ୍ଟା, ଚନ୍ଦ୍ରିକା ଆୟୁର୍ବେଦିକ ସାବୁନ୍ ଭଳି ବ୍ରାଣ୍ଡରେ ସାମିଲ । ଆଇପିଏଲ୍ ୨୦୧୮ର ଉଦଘାଟନୀ ସମାରୋହରେ, ସେ ୧୦ ମିନିଟର ଫରଫାମାନ୍ସ ପାଇଁ ୫୦ ଲକ୍ଷ ଟଙ୍କା ଆଦାୟ କରିଥିଲେ ।
ନିଜ ଅଳଙ୍କାର ଡିଜାଇନର ତମନ୍ନା ଏକ ଅନ୍ଲାଇନ୍ ଗହଣା ଦୋକାନ ହ୍ଵାଇଟ-ଏନ-ଗୋଲ୍ଡ ଲଞ୍ଚ କରିଛନ୍ତି । ମୁମ୍ବାଇର ଭର୍ସୋଭା ଅଞ୍ଚଳରେ ତାଙ୍କର ଏକ ଆପାର୍ଟମେଣ୍ଟ ଅଛି। ଯାହା ସେ ୧୬.୬୦ କୋଟି ଟଙ୍କାରେ ବହୁ ପୂର୍ବରୁ କିଣିଥିଲେ । ଅଭିନେତ୍ରୀଙ୍କ ପାଖରେ ଦାମୀ କାର କଲେକସନ୍ ମଧ୍ୟ ଅଛି। ୧୫ ବର୍ଷ ବୟସରେ, ସେ ୨୦୦୫ରେ ହିନ୍ଦୀ ଚଳଚ୍ଚିତ୍ର ‘ଚାନ୍ଦ ସା ରୋଶନ ଚେହରା’ ସହିତ ନିଜର ଫିଚର ଫିଲ୍ମ ଡେବ୍ୟୁ କରିଥିଲେ। ଯାହା ପରେ ସେ ଅନେକ ହିଟ୍ ଫିଲ୍ମରେ ଅଭିନୟ କରିଛନ୍ତି।
