କାବୁଲ୦୯/୦୮: ଆଫଗାନିସ୍ତାନରେ ତାଲିବାନଙ୍କ କବ୍ଜା ପରେ ମହିଳାଙ୍କ ସ୍ୱାଧୀନତା କ୍ଷୁର୍ଣ୍ଣ ହେବାରେ ଲାଗିଛି । ପୂର୍ବରୁ ଯେଉଁ ଆଶଙ୍କା ପ୍ରକାଶ ଥିଲା ତାହା ସତ ହେବାରେ ଲାଗିଛି । ମହିଳାଙ୍କ ଉପରେ ଜୁଲମ କରିବା ଆରମ୍ଭ କରିଦେଇଛି ତାଲିବାନ । ଏହାର ସଦ୍ୟ ଉଦାହରଣ ହେଉଛି ଜଣେ ମହିଳା ଟାଇଟ୍ ପୋଷାକ ପିନ୍ଧିଥିବାରୁ ନିର୍ମମ ଭାବେ ହତ୍ୟାକରିଛନ୍ତି ତାଲିବାନୀ ଆତଙ୍କୀ ।
ସ୍ଥାନୀୟ ଗଣମାଧ୍ୟନମ ରିପୋର୍ଟ ମୁତାବକ, ତାଲିବାନ ଅଧିନରେ ଥିବା ବଲ୍ଖର ସମର କ୍ୱାନ୍ଦ ଗାଁରେ ଜଣେ ମହିଳା ଟାଇଟ୍ ପୋଷାକ ପିନ୍ଧିଥିଲେ । ହେଲେ ସେ ସଂପୂର୍ଣ୍ଣ ଏକୁଟିଆ ଥିଲେ ଅର୍ଥାତ ସାଙ୍ଗରେ କୌଣସି ପୁରୁଷ ବନ୍ଧୁ ନଥିଲେ । ତେବେ ଏଥିରେ ଉତ୍କ୍ଷୀପ୍ତ ହୋଇ ମହିଳାଙ୍କୁ ଦେଖି ଗୁଳି କରି ହତ୍ୟା କରିଛି ତାଲିବାନ । ପୋଲିସର ସୂଚନା ଅନୁସାରେ, ୨୧ବର୍ଷୀୟା ମହିଳା ନାଜାନିନ୍ ଘରୁ ବାହାରି ମଜାର- ଏ- ସରିଫ ଯିବା ପାଇଁ ଗାଡ଼ିରେ ବସିବାକୁ ଯାଉଥିବା ବେଳେ ତାଲିବାନୀ ଆତଙ୍କବାଦୀମାନେ ତାଙ୍କୁ ଗୁଳି କରିଥିଲେ ।
ତେବେ ଆକ୍ରମଣ ସମୟରେ ବୁର୍ଖା ପିନ୍ଧିଥିଲେ ବୋଲି ପୋଲିସ କହିଥିବା ବେଳେ ତାଲିବାନୀ ନିୟନ୍ତ୍ରଣରେ ଥିବା ଆଫଗାନ ନାଗରିକ କହିଛନ୍ତି ଏମିତି ପୋଷାକ ପିନ୍ଧି ବାହାରିବାଙ୍କୁ ମହିଳାଙ୍କୁ ବାରଣ କରାଯାଇଛି । ଆମେରିକା ସୈନ୍ୟ ପ୍ରତ୍ୟାହାର କରିବା ନେଇ ଘୋଷଣା କରିବା ପରେ ଆଫଗାନିସ୍ତାନରେ ତାଲିବାନ ଆତଙ୍କବାଦୀଙ୍କ ପ୍ରାଦୁର୍ଭାବ ବଢ଼ିବାରେ ଲାଗିଛି। ଦେଶରେ ଗୋଟିଏ ପରେ ଗୋଟିଏ ଅଞ୍ଚଳ ତାଲିବାନୀ ଆତଙ୍କବାଦୀମାନେ ଅକ୍ତିଆର କରିବାରେ ଲାଗିଛି।
