previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଧର୍ମଗଡ : ଲଗାଣ ବର୍ଷାରେ ବେହାଲ କଳାହାଣ୍ଡି ଜିଲ୍ଲା, ନଦୀ କୂଳିଆ ଅଞ୍ଚଳରେ ବନ୍ୟା ପରିସ୍ଥିତି
  • ||
  • ମୋହନା : ଲଗାଣ ବର୍ଷାରେ ବୃଦ୍ଧି ପାଇଲା ହରଭଙ୍ଗୀ ନଦୀର ଜଳସ୍ତର, ୪ ଗାଁକୁ ଯୋଗାଯୋଗ ବିଚ୍ଛିନ୍ନ
  • ||
  • ସାନଖେମୁଣ୍ଡି : କୂଅରେ ପଡିଲା ଜଙ୍ଗଲୀ ବାରହା, ଉଦ୍ଧାର କାର୍ଯ୍ୟ ଜାରି
  • ||
  • ପୁରୀ : ପୁରୀ ସମୁଦ୍ରରେ ସ୍ନାନ ବେଳେ ଅଘଟଣ : ଭାସିଯାଇ ଯୁବତୀଙ୍କ ମୃତ୍ୟୁ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଜଣେ ଶିଶୁ ସମେତ ୩ ଆହତ
  • ||
  • ସମ୍ବଲପୁର : ବ୍ରେକ୍ ଫେଲ୍ ହେଲା ଚଳନ୍ତା ବସ୍‌, ଭାରସାମ୍ୟ ହରାଇ ରାସ୍ତାରେ ଓଲଟିଲା
  • ||
  • କାମାକ୍ଷାନଗର : ନଦୀ ପାର ହେବା ସମୟରେ ଭାସିଗଲେ ବୃଦ୍ଧା, ମୃତଦେହ ଉଦ୍ଧାର କଲେ ପରିବାର ଲୋକ
  • ||
  • ବିହାରରେ ବଦଳିବ ରାଜନୈତିକ ସମୀକରଣ : କଂଗ୍ରେସ-ଆରଜେଡି ସମର୍ଥନରେ ସରକାର ଗଢିବେ ନୀତିଶ !
  • ||
  • ଜୟପୁର : ନଦୀ ପାର ହେବା ସମୟରେ ଭାସିଗଲେ ବୃଦ୍ଧା, ମୃତଦେହ ଉଦ୍ଧାର କଲେ ପରିବାର ଲୋକ
  • ||
  • କଣ୍ଟାବାଞ୍ଜି : ଗାଁ ନିକଟ ମହୁଲ ଗଛରେ ଝୁଲୁଛି ଯୁବକଙ୍କ ମୃତଦେହ, ଆତ୍ମହତ୍ୟା ନା’ ହତ୍ୟା ଅସ୍ପଷ୍ଟ
  • ||

ଦୁଃଖ ଯେତେବେଳେ ଆସେ ସାଂଗ ସାଥୀ ନେଇ ଆସେ: କୁଶିଆପାଳ ଗାଁର ବାବାଜୀ ନାୟକଙ୍କ କାହାଣୀ ଶୁଣିଲେ ଆପଣଙ୍କ ଲୋମ ବି ଟାଙ୍କୁରୀ ଉଠିବ

10/08/2019 at 6:32 PM

କେନ୍ଦ୍ରାପଡା(ମାତୃଦତ୍ତ ମହାନ୍ତି)୧୦|୮: ପରିଣତ ବୟସରେ ବି ଅସହାୟ ପରିବାରର ବୋଝକୁ ନିଜ କାନ୍ଧରେ ବୋହି ଚାଲିଛନ୍ତି କେନ୍ଦ୍ରାପଡ଼ା କୁଶିଆ ପାଳ ଗାଁର ବାବାଜୀ ଚରଣ ନାୟକ । ମୂଲ ଲାଗି ୬ ପ୍ରାଣୀ କୁଟୁମ୍ବଙ୍କ ପେଟକୁ ଦାନା ଦି’ମୁଠା ଯୋଗାଡ଼ କରିବା ବି କଷ୍ଟକର ହୋଇପଡ଼ୁଛି । ଏମିତିରେ ପ୍ରଶାସନର ସହାୟତା ତ ଦୂରର କଥା ତାଙ୍କ ନାଁରେ ଆସିଥିବା ଇନ୍ଦିରା ଆବାସକୁ ମଧ୍ୟ ଆଉ କେହି ହଡ଼ପ କରିନେଇଛି । ତେବେ ଚାଲନ୍ତୁ ଦେଖିବା ବାବାଜୀଙ୍କ ଅସହାୟତାର କରୁଣ କାହାଣୀ ।

ଏ ଦୁନିଆରେ ବଞ୍ଚିବାକୁ ହେଲେ କେତେ ଦୁଃଖ, କେତେ ଝଡ଼ ସହିବାକୁ ପଡ଼େ ତାହା ବୋଧହୁଲ ମାଟି ପିଣ୍ଢାରେ ବସିଥିବା ଏଇ ମଳିମୁଣ୍ଡିଆ ବ୍ୟକ୍ତି ଜଣକ ଠାରୁ ଆଉ କେହି ଅଧିକ ଜାଣିନଥିବେ । ନାଁ ବାବାଜୀ ଚରଣ ନାୟକ । ଗାଁ – କେନ୍ଦ୍ରାପଡ଼ା ଡେରାବିଶ ବ୍ଲକ କୁଶିଆପାଳ । ଏ ପରିଣତ ବୟସରେ ବି ମୂଲ ଲାଗିଲେ ୬ପ୍ରାଣି କୁଟୁମ୍ବଙ୍କ ପେଟକୁ ଦାନା ମୁଠେ ଯୋଗାଡ଼ କରନ୍ତି ।

ଆପଣଙ୍କ ମନରେ ପ୍ରଶ୍ନ ଆସୁଥିବ ଏ ବୟସରେ ବାବାଜୀଙ୍କ ହାତରେ ହାତ ମିଶାଇବାକୁ କ’ଣ ପରିବାରରେ ଆଉ କେହି ନାହାନ୍ତି ?  ଏ ପ୍ରଶ୍ନର ଉତ୍ତର ଜାଣିଲେ ଆପଣଙ୍କ ଆଖି ଛଳ ଛଳ ହୋଇଯିବ । ଛାତି ଭିତରଟା କୋରି ହୋଇଯିବ । ବାବାଜୀଙ୍କ ବଡ଼ ପୁଅ ରମାକାନ୍ତ ଜନ୍ମରୁ ଅନ୍ଧ । ଯୁବାବସ୍ଥାରେ ପହଞ୍ଚିଥିଲେ ମଧ୍ୟ ତାଙ୍କ ପାଇଁ ଏ ଜୀବନଟା ପୂରା ଅନ୍ଧାର ।

ସାନପୁଅ ଚନ୍ଦ୍ରକାନ୍ତ କୌଣସି କମ୍ପାନୀରେ କାମ କରି ବାପାଙ୍କୁ ସହାୟ ହେଉଥିଲେ । ହେଲେ ଦଇବ ତାକୁ ବି ସହିଲାନି । ନିକଟରେ ବ୍ରେନ୍ ଟ୍ୟୁମର ଅପରେସନ୍ ପରେ ସେ ମଧ୍ୟ ଦୃଷ୍ଟିଶକ୍ତି ହରାଇ ବସିଛନ୍ତି । ପୁଅର ଚିକିତ୍ସାରେ ପ୍ରାୟ 3 ଲକ୍ଷ ଟଙ୍କା ଖର୍ଚ୍ଚ କରି ବାବାଜୀ ଏବେ ସମ୍ପୂର୍ଣ୍ଣ ନିଃସ୍ବ । ପୁଅର ଅଧିକ ଚିକିତ୍ସା ପାଇଁ ଆହୁରି ୩ଲକ୍ଷ ଟଙ୍କା ଦରକାର ବୋଲି ଡାକ୍ତର କହୁଛନ୍ତି ।

ହେଲେ ନିଜର ଭିଟାମାଟିକୁ ପର ହାତକୁ ଟେକିଦେଲେ ବି ଏତେ ଟଙ୍କା ଯୋଗାଡ଼ କରିବା ବାବଜୀଙ୍କ ପକ୍ଷେ ସମ୍ଭବ ନୁହେଁ । ଏତିକିରେ ତା’ର ଦୁଃଖ ସରିନି । ଧାର ଉଦ୍ଧାର କରି ଝିଅଟିକୁ ବାହା ଦେଇଥିଲେ । ହେଲେ ଝିଅ କୋଳକୁ ଆସିଥିବା ଶିଶୁଟି ପୋଲିଓ ଆକ୍ରାନ୍ତ ହେବାରୁ ଶାଶୂଘର ଲୋକ ଘରୁ ବାହାର କରିଦେଲେ । ଏବେ ଝିଅ ଓ ତା’ର ପିଲାଟିର ଦାୟିତ୍ବ ମଧ୍ୟ ଏହି ବୁଢ଼ା ବାପାର କାନ୍ଧରେ ।

ଗରିବ ଗୁରୁବାଙ୍କ ପାଇଁ ସରକାରଙ୍କ ମାଳ ମାଳ ଯୋଜନାରୁ କାଣିଚାଏ ହେଲେ ବି ବାବାଜୀଙ୍କ ଭଳି ଦୁଃଖୀ ମଣିଷ ପାଖରେ ନ ପହଞ୍ଚିବା ସବୁଠାରୁ ବିଡ଼ମ୍ବନାର ବିଷୟ । ସହାୟତାର ଦୂରର କଥା ବାବାଜୀଙ୍କ ନାଁରେ ଆସିଥିବା ଇନ୍ଦିରା ଆବାସ ଖଣ୍ଡକ ବି ଆଉ କେହି ହଡ଼ପ କରିନେଇଛନ୍ତି ।

ଏକଥା ଜାଣିବା ପରେ ନ୍ୟୁଜ୍‌ ସେଭେନ ପ୍ରତିନିଧି ସ୍ଥାନୀୟ ବିଡିଓଙ୍କୁ ଭେଟି ଘଟଣା ସମ୍ପର୍କରେ ଜାଣିବାକୁ ଚାହିଁଥିଲେ । ତେବେ ଅଭିଯୋଗକୁ ସ୍ବୀକାର କରିବା ସହ ଘଟଣାର ତଦନ୍ତ ନିର୍ଦେଶ ଦେଇଥିବା ସଫେଇ ଦେଇଥିଲେ ।

ଯେଉଁଠି ଏତେ ଦିନ ଯାଏଁ ଏହି ଗରିବ ଅସହାୟ ପରିବାର ଉପରେ କେନ୍ଦ୍ରାପଡ଼ା ପ୍ରଶାସନର ଶୁଭଦୃଷ୍ଟି ପଡ଼ିନି, ସେଠି ନିକଟ ଭବିଷ୍ୟତରେ ଯେ ସରକାରୀ ସହାୟତା ତାଙ୍କ ପାଖରେ ପହଞ୍ଚିବ ସେ ଭରସା ଦେବ କିଏ ?  ଏମିତିରେ ଯଦି କୌଣସି ସହୃଦୟ ବ୍ୟକ୍ତି ବାବାଜୀଙ୍କୁ ସହାୟତାର ହାତ ବଢ଼ାନ୍ତେ ତାହେଲେ ବୟସର ଏହି ଅପରାହ୍ଣରେ ତାଙ୍କର ଦୁଃଖ କିଛି ମାତ୍ରାରେ ଲାଘବ ହୋଇପାରନ୍ତା ବୋଲି ଆମର ବିଶ୍ବାସ ।

   Related Posts