ନୂଆଦିଲ୍ଲୀ: ଟି-୨୦ ବିଶ୍ଵକପ୍ ୨୦୨୪ର ଗ୍ରୁପ ପର୍ଯ୍ୟାୟ ମ୍ୟାଚ୍ ଜୁନ ୧୭ ତାରିଖରେ ସରିବା ପରେ ଆଜିଠୁ ଆରମ୍ଭ ହେବାକୁ ଯାଉଛି ସୁପର-୮ ମୁକାବିଲା। ସୁପର-୮ର ପ୍ରଥମ ମ୍ୟାଚ୍ ଆମେରିକା ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ। ଜୁନ ୨୦ ତାରିଖ ଅର୍ଥାତ ଆସନ୍ତାକାଲି ମୁହାଁମୁହିଁ ହେବେ ଭାରତ ଓ ଆଫଗାନିସ୍ତାନ ମଧ୍ୟରେ ମ୍ୟାଚ୍ ଖେଳାଯିବ। ସୁପର-୮ରେ ୮ଟି ଦଳକୁ ଦୁଇଟି ଗ୍ରୁପରେ ବିଭକ୍ତ କରାଯାଇଛି। ଗ୍ରୁପ ୧ରେ ଭାରତ, ଅଷ୍ଟ୍ରେଲିଆ, ବାଂଲାଦେଶ ଓ ଆଫଗାନିସ୍ତାନ ରହିଛି। ଗ୍ରୁପ-୨ରେ ଇଂଲଣ୍ଡ, ଓ୍ଵେଷ୍ଟଇଣ୍ଡିଜ, ଆମେରିକା ଓ ଦକ୍ଷିଣ ଆଫ୍ରିକା ରହିଛି। 

Also read: କ୍ୟାପଟେନ୍‌ ପଦ ଛାଡିଲେ କେନ୍‌ ଓ୍ୱିଲିୟମସନ୍‌, ସେଣ୍ଟ୍ରାଲ କଣ୍ଟ୍ରାକ୍ଟକୁ କରିଦେଲେ ନା...

ଆଜି ଆମେରିକା ଓ ଦକ୍ଷିଣ ଆଫ୍ରିକା ମଧ୍ୟରେ ସୁପର-୮ର ପ୍ରଥମ ମ୍ୟାଚ୍ ଖେଳାଯିବ। ଆମେରିକା ୨ ବିଜୟ ଓ ଗୋଟିଏ ମୁକାବିଲା ରଦ୍ଦ ହେବା ସ୍ଥିତିରେ ସୁପର-୮ ପାଇଁ ଯୋଗ୍ୟତା ଅର୍ଜନ କରିଥିବା ବେଳେ ଦକ୍ଷିଣ ଆଫ୍ରିକା ଗ୍ରୁପ-ଡିରେ ନିଜର ସମସ୍ତ ମ୍ୟାଚ୍ ଜିତିଥିଲା। ଏହା ଦେଖିଲେ ଲାଗୁଛି ମ୍ୟାଚ୍ ଏକତରଫା ରହିପାରେ। ମାତ୍ର ଆମେରିକା ପାଖରେ ଏମିତି ପ୍ରତିଭାବାନ ଖେଳାଳି ଅଛନ୍ତି ଯେଉଁମାନେ ମ୍ୟାଚ୍‌ର ଗତିପଥ ବଦଳାଇବାକୁ ସକ୍ଷମ। ଏଥିରେ ଆରୋନ ଜୋନ୍ସ, ସୌରଭ ନେତ୍ରଭଲକର ଓ ଅଧିନାୟକ ମୋନାଙ୍କ ପଟେଲ୍‌ଙ୍କ ପରି ଖେଳାଳି ସାମିଲ। ଦକ୍ଷିଣ ଆଫ୍ରିକା ଚମତ୍କାର ଫର୍ମରେ ରହିଛି। ତେଣୁ ଦକ୍ଷିଣ ଆଫ୍ରିକା ଟିମକୁ ମାତ୍ ଦେବା ଆମେରିକା ପକ୍ଷ ବହୁତ କଷ୍ଟକର। ମ୍ୟାଚ୍‌ ସ୍ଥାନୀୟ ସମୟ ପୂର୍ବାହ୍ନ ସାଢେ ୧୦ଟା ଥିବା ବେଳେ ଭାରତୀୟ ସମୟ ଆଜି ରାତି ୮ଟାରେ ଖେଳାଯିବ।

 ଏମିତି ରହିପାରେ ଦୁଇ ଦଳର ଚୂଡ଼ାନ୍ତ ଏକାଦଶ

ଦକ୍ଷିଣ ଆଫ୍ରିକା: କ୍ଵିଣ୍ଟନ ଡିକକ୍, ରିଜା ହେଣ୍ଡ୍ରିକ୍ସ, ଆଡନ ମାରକ୍ରମ(ଅଧିନାୟକ), ଟ୍ରିଷ୍ଟନ ଟବ୍ସ, ହେନରିଚ କ୍ଲାସେନ, ଡେଭିଡ୍ ମିଲର, କେଶବ ମହାରାଜ, କାଗିସୋ ରାବଡ଼ା, ଅନରିଚ୍ ନୋର୍ତ୍ତଜେ, ଓଟନେଲ ବର୍ତ୍ତମାନ, ତବରିଜ ସମ୍ସି।

ଆମେରିକା: ମୋନାକ ପୋଟେଲ୍(ଅଧିନାୟକ), ଷ୍ଟିଭେନ ଟେଲର, ଆଣ୍ଡ୍ରିଏସ ଗୌସ, ଆରୋନ ଜୋନ୍ସ, ନୀତିଶ କୁମାର, କୋରି ଆଣ୍ଡରସନ, ହରମୀତ ସିଂ, ସାଡଲି ଭାନ ସ୍କଲଓ୍ଵିକ, ଯଶଦୀପ ସିଂ, ସୌରଭ ନେତ୍ରାଭଲକର, ଅଲ୍ଲୀ ଖାଁ।