ନୂଆଦିଲ୍ଲୀ ୫।୩: କୋର୍ଟ ମ୍ୟାରେଜ କରିବା ପରେ ସ୍ୱରା ଭାସ୍କର ଓ ଫହଦ ଅହମ୍ମଦ ଆଗାମୀ ସପ୍ତାହରେ ଭବ୍ୟ ବିବାହ କରିବାକୁ ଯାଉଛନ୍ତି। ରିପୋର୍ଟ ଅନୁସାରେ ମାର୍ଚ୍ଚ ୧୧ରୁ ୧୬ ତାରିଖ ମଧ୍ୟରେ ଦମ୍ପତ୍ତିଙ୍କ ପ୍ରି ୱେଡିଂ ଫଙ୍କସନରେ ହଳଦୀ, ମେହେନ୍ଦୀ ଓ ସଙ୍ଗୀତ ଆଦି କାର୍ଯ୍ୟକ୍ରମ ଆୟୋଜନ କରାଯିବ ଓ ଏହି ଯୋଡି ପୁଣି ଥରେ ପାରମ୍ପରିକ ବିବାହ ବନ୍ଧନରେ ଆବଦ୍ଧ ହେବେ। ରେଜିଷ୍ଟ୍ରେସନ ମ୍ୟାରେଜ ପରେ ସ୍ୱରା ଛତିଶଗଡରେ ତାଙ୍କର ଅପକମିଂ ଫିଲ୍ମ ‘ମିସେସ୍ ଫଲାନୀ’ର ସୁଟିଂ କରୁଥିଲେ। ସୁଟିଂ ସମାପ୍ତ ହେବାମାତ୍ରେ ବିବାହର ଶେଷ ମୁହୂର୍ତ୍ତ ପ୍ରସ୍ତୁତିରେ ସାମିଲ ହେବା ପାଇଁ ଦିଲ୍ଲୀ ପହଞ୍ଚି ଯାଇଛନ୍ତି।

{"id":754271,"width":839,"height":492,"sizeSlug":"full","linkDestination":"none"}

ରିପୋର୍ଟ ଅନୁସାରେ ସ୍ୱରା ଡେଷ୍ଟିନେସନ ୱେଡିଂ ବଦଳେ ଦିଲ୍ଲୀରେ ତାଙ୍କ ଅଜା ଓ ଆଈଙ୍କ ଘରେ ଭାବନାତ୍ମକ ବିବାହର ଅପସନ ଚୟନ କରିଛନ୍ତି। ଏଥିଲାଗି ଏବେ ପ୍ରସ୍ତୁତି ଆରମ୍ଭ ହୋଇସାରିଥିବା ବେଳେ ବିବାହର ସମସ୍ତା ପ୍ରଥା ରିତିରିବାଜ ଅନୁସାରେ ଅନୁଷ୍ଠିତ ହେବ। ହୋଲି ଓ ବିବାହ ପ୍ରସ୍ତୁତି ଏକ ସଙ୍ଗରେ ପଡୁଥିବାରୁ ଅଭିନେତ୍ରୀ ବେଶ୍ ଧୁମଧାମରେ ବିବାହ କରିବେ ବୋଲି ଏବେ କୁହାଯାଉଛି। ରିପୋର୍ଟ ଅନୁସାରେ ସ୍ୱରା ଭାସ୍କରଙ୍କ ପକ୍ଷରୁ ତାଙ୍କ ସାଙ୍ଗ ସାଥୀଙ୍କୁ ଏବେ ନିମନ୍ତ୍ରଣ ପତ୍ର ମଧ୍ୟ ପଠାଇଲେଣି।

{"id":754273,"width":840,"height":472,"sizeSlug":"full","linkDestination":"none"}

 ନିମନ୍ତ୍ରଣ ପତ୍ରରେ ଆମ ସହିତ ଯୋଗ ଦେଇ ଆମେ ପାଳନ କରୁଥିବା ଉତ୍ସବରେ ସାମିଲ ହୁଅନ୍ତୁ ବୋଲି କୁହାଯାଇଛି। ଦମ୍ପତ୍ତି ସେମାନଙ୍କର ହଲଦି, ମେହେନ୍ଦି ଓ ସଙ୍ଗୀତ ଆଦି କାର୍ଯ୍ୟକ୍ରମ ଲାଗି ଏବେ ବେସ୍ ଉତ୍ସାହିତ ଅଛନ୍ତି। ସେମାନେ ଏବେ ନିଜର ବନ୍ଧୁବାନ୍ଧବ ଓ ପରିବାର ଲୋକଙ୍କ ସହ ଉତ୍ସବ ପାଳନ କରିବା ଲାଗି ପ୍ରସ୍ତୁତି କରୁଛନ୍ତି। ଏହା ପୂର୍ବରୁ ଅଭିନେତ୍ରୀ ତାଙ୍କ ବେଡ ରୁମର ଫଟୋ ସୋସିଆଲ ମିଡିଆରେ ସେୟାର କରିଥିଲେ ଓ ଲେଖିଥିଲେ ‘ଫିଲ୍ମି ସୁହାଗରାତ’।