ଚା'ରେ ନିଶା ଦ୍ରବ୍ୟ ମିଶାଇ ସ୍ଵାଧୀଙ୍କୁ ଦୁଷ୍କର୍ମ : ଘଟଣାର ୩ ମାସ ପରେ ହେଲା ଅଭିଯୋଗ
Published By : Prameya-News7 Bureau | October 27, 2018 IST
![](https://api-news7.prameyanews7.com/prameya/document/media/2/2018/10/7f1e.jpg)
ଭୋପାଲ ୨୭/୧୦ : ମଧ୍ୟ ପ୍ରଦେଶର ଭୋପାଲ ମିଶରୋଦ ଅଂଚଳରେ ଘଟିଛି ଏକ ଅଭାବନୀୟ ଘଟଣା | ଭାଗବତ କଥା ପ୍ରବଚନ ଦେଉଥିବା ଜଣେ ୪୦ ବର୍ଷ ବୟସ୍କା ସ୍ଵାଧୀଙ୍କୁ ଚା'ରେ ନିଶା ଦ୍ରବ୍ୟ ମିଶାଇ ଦୁଷ୍କର୍ମ ହୋଇଥିବା ଅଭିଯୋଗ ହୋଇଛି | ଦୁଷ୍କର୍ମ ପରେ ପୋଲିସରେ ଅଭିଯୋଗ କଲେ ଜୀବନରେ ମାରିଦେବାକୁ ଅଭିଯୁକ୍ତ ଧମକ ଦେଉଥିବାରୁ ଭୟରେ ସ୍ଵାଧୀ ପୋଲିସ ନିକଟକୁ ଯାଇନଥିଲେ | ତେବେ ନିଜ ଗୁରୁଙ୍କ ସାହସ ପାଇ ଘଟଣାର ୩ ମାସ ପରେ ସେ ମିରଠ ପୋଲିସ ନିକଟରେ ଅଭିଯୋଗ କରିଛନ୍ତି | ପୋଲିସ ଅଭିଯୁକ୍ତକୁ ଖୋଜୁଛି |
ସୂଚନାଯୋଗ୍ୟ ଯେ, ଭୋପାଲର ହିଶୋଙ୍ଗାବାଦ ରୋଡ଼ ନିକଟରେ ଥିବା ଏକ କଲୋନୀରେ ପୀଡିତା ସ୍ଵାଧୀଙ୍କ ଆଶ୍ରମ ରହିଛି | ଏହି ଆଶ୍ରମରେ ସ୍ଵାଧୀ ନିଜ ଶିଷ୍ୟମାନଙ୍କ ସହ ରହିଥାନ୍ତି | ଦୁଇ ବର୍ଷ ତଳେ ସ୍ଥାନୀୟ ଅଂଚଳରେ ସେ ଭାଗବତ କଥା ପ୍ରବଚନ ଦେଉଥିବାବେଳେ ମଣ୍ଡିଦୀପ ଇନ୍ଦିରାନଗର କଲୋନୀର ଠାକୁର ସିଂଙ୍କ ପୁଅ ଜୟପାଲ ସିଂ ରାଜପୁତଙ୍କ ସହ ତାଙ୍କର ପରିଚୟ ହୋଇଥିଲା | ସ୍ଵାଧୀଙ୍କୁ ଜୟପାଲ ଦିଦି ବୋଲି ସମ୍ବୋଧନ କରୁଥିଲା | ଧୀରେ ଧୀରେ ଜ୍ୟପାଳ ସ୍ଵାଧୀଙ୍କ ଆଶ୍ରମକୁ ଯାଆସ କରିବା ଆରମ୍ଭ କରିଥିଲା | ସ୍ଵାଧୀଙ୍କୁ ପ୍ରବଚନ ସ୍ଥଳକୁ ନିଆ ଅଣା କରିବାରେ ମଧ୍ୟ ସାହାଯ୍ୟ କରୁଥିଲା | ଗତ ଜୁଲାଇ ମାସ ୨୨ ତାରିଖରେ ଦିନେ ଦ୍ବିପ୍ରହର ବେଳକୁ ଜୟପାଲ ସ୍ଵାଧୀଙ୍କ ଆଶ୍ରମରେ ପହଁଚିଲା | ଅତି ସ୍ୱାଭାବିକ ଆଚରଣ କରିବା ସହ ଚା' ପିଇବାକୁ ଇଛା ହେଉଛି ବୋଲି ସ୍ଵାଧୀଙ୍କୁ କହିଥିଲା | ଫଳରେ ସ୍ଵାଧୀ ନିଜ ହାତରେ ଦୁଇ କପ ଚା' ତିଆରି କରି ଆଣିଥିଲେ | ଗୋଟିଏ କପ ଜୟପାଲକୁ ଦେବା ସହ ନିଜେ ଆଉ ଗୋଟିଏ କପ ପିଇଥିଲେ | ଚାହା ପିଉଥିବାବେଳେ ଜ୍ୟପାଳ ବିସ୍କୁଟ ମାଗିଥିଲେ | ଫଳରେ ନିଜେ ପିଉଥିବା ଚାହା କପକୁ ସ୍ଵାଧୀ ଜୟପାଲ ବସିଥିବା ସ୍ଥାନରେ ଛାଡ଼ିଦେଇ ବିସ୍କୁଟ ଆଣିବାକୁ ଭିତରକୁ ଯାଇଥିଲେ | ଏହି ମୌକାର ଅପେକ୍ଷାରେ ଥିଲା ଜୟପାଲ | ସ୍ଵାଧୀଙ୍କ ଚା'ରେ କିଛି ନିଶା ଦ୍ରବ୍ୟ ମିଶାଇ ଦେଇଥିଲା | ସ୍ୱଧିଆ ଚା' ପିଇବା ପରେ ପରେ ବେହୋସ ହୋଇଯାଇଥିଲେ | ଜୟପାଲ ସ୍ଵାଧୀଙ୍କୁ ଦୁଷ୍କର୍ମ କରି ସେଠାରୁ ଫେରାର ହୋଇଯାଇଥିଲା | ସ୍ଵାଧୀଙ୍କୁ ହୋସ ଆସିବା ପରେ ସେ ଜୟପାଲକୁ ଫୋନ କରିଥିଲେ | ଜୟପାଲ ସେତେବେଳେ ଧମକାଇବା ଆରମ୍ଭ କରିଥିଲା | ଘଟଣା ସମ୍ପର୍କରେ ପୋଲିସକୁ ଖବର ଦେଲେ ଜୀବନରେ ମାରିଦେବା ବୋଲି ଧମକାଇଥିଲା | ସ୍ଵାଧୀ ଶିଷ୍ୟମାନଙ୍କ ସହ ରହୁଥିବାରୁ କଣ କରିବେ ନକରିବେ ଜାଣିପାରିନଥିଲେ | ତଥାପି ସେ ପୋଲିସରେ ଅଭିଯୋଗ କରିବେ ବୋଲି ମନ ସ୍ଥିର କରିଥିଲେ | ଏହା ଜାଣିବା ପରେ ଜୟପାଲ ଅଗଷ୍ଟ ୩ ତାରିଖରେ ସ୍ଵାଧୀଙ୍କ ଆଶ୍ରମରେ ପହଂଚି ନିଜ ଲାଇସେନ୍ସ ଥିବା ପିସ୍ତଲ ଦେଖାଇ ଡ଼ରାଇଥିଲା | ପୋଲିସ ପାଖକୁ ଗଲେ ପିସ୍ତଲରେ ଥିବା ସବୁ ଗୁଳି ମୁଣ୍ଡରେ ମାରିଦେବା ବୋଲି କହିଥିଲା | ଏଥିରେ ସ୍ଵାଧୀ ଭୟଭୀତ ହୋଇ ମିରଠରେ ରହୁଥିବା ନିଜ ଗୁରୁଙ୍କ ପାଖକୁ ଚାଲିଯାଇଥିଲେ | ଗୁରୁଙ୍କ ସାହସ ଏବଂ ପରାମର୍ଶକ୍ରମେ ସ୍ଵାଧୀ ଏବେ ମିରଠ ପୋଲିସ ଥାନାରେ ଦୁଷ୍କର୍ମ ଅଭିଯୋଗ କରିଛନ୍ତି |