ବଲାଙ୍ଗିର ୨୮|୫: ଏବେ ବି ରହସ୍ୟ ଘେରରେ ବଲାଙ୍ଗିର ଚିମିନିଭାଟି ପଡ଼ା ଶିଶୁ ମୃତ୍ୟୁ ଘଟଣା । ସତରେ କଣ ଗୁଣି ଗାରେଡ଼ି ପାଇଁ ନିଷ୍ପାପ ଶିଶୁଟିକୁ ମାରିଦିଆଗଲା ? ନା ପାଣିରେ ବୁଡ଼ି ସେ ପ୍ରାଣ ହରାଇଛି । ପୋଲିସ ସତ ଖୋଳତାଡ଼ କରୁଥିବା ବେଳେ ମୃତ ଶିଶୁର ପରିବାର ଲୋକେ ଏସପିଙ୍କ ଦ୍ବାରସ୍ଥ ହୋଇଛନ୍ତି ।
{"id":116951}ପାଣିରେ ବୁଡି ପ୍ରାଣ ହରାଇଲା ନା ଗୁଣିଗାରେଡି ପାଇଁ ମାରିଦିଆଗଲା ? କେମିତି ହେଲା ନିଖୋଜ ଶିଶୁର ମୃତ୍ୟୁ ? ସକାଳୁ ଖେଳିବାକୁ ଗଲା । ହେଲେ ଆଉ ଘରକୁ ଫେରିଲା ନାହିଁ । ବଲାଙ୍ଗିର ଚିମିନିଭାଟି ପଡ଼ାର ନିଖୋଜ ଶିଶୁ କେମିତି ପ୍ରାଣ ହରାଇଲା ? ଗୁଣିଗାରେଡ଼ି କରି ଶିଶୁଟିକୁ ମାରିଦିଆଯାଇଥିବା ନେଇ ଅଭିଯୋଗ କରିଛନ୍ତି ପରିବାର ଲୋକେ । ତେଣେ ପୋଷ୍ଟ ମର୍ଟମ ରିପୋର୍ଟ କହୁଛି କଣ ନା ପାଣିରେ ବୁଡ଼ି ଶିଶୁଟିର ମୃତ୍ୟୁ ହୋଇଛି । ହେଲେ ପୋଷ୍ଟ ମର୍ଟମ ରିପୋର୍ଟକୁ ମାନିବାକୁ ନାରାଜ ପରିବାର ଲୋକେ । ଆଜି ମୃତ ଶିଶୁର ପରିବାର ଲୋକେ ଏସପିଙ୍କ ଦ୍ବାରସ୍ଥ ହେବା ସହ ଅଧିକ ତଦନ୍ତ ପାଇଁ ଗୁହାରି କରିଛନ୍ତି ।
{"id":116952}ମୃତ ଶିଶୁର ଶରୀରରୁ ବିଭିନ୍ନ ନମୁନା ଅଧିକ ତଦନ୍ତ ପାଇଁ ଲେବୋରଟୋରିକୁ ପଠାଇଛି ପୋଲିସ । ସେପଟେ ଗୁଣିଗାରେଡି ପାଇଁ ହତ୍ୟା କରାଯାଇଥିବା ଅଭିଯୋଗ ହୋଇଥିବାରୁ ସେଦିଗରେ ଚିମନିଭାଟି ପଡା ଲକ୍ଷ୍ମୀ ନଗରବାସୀଙ୍କୁ ଅଧିକ ପଚରାଉଚୁରା କରୁଛି ପୋଲିସ । ତେବେ ଶିଶୁର ମୃତ ଦେହ ପଡିଥିବା ଜାଗାରେ ବଳିପାଇଁ ବ୍ୟବହାର କରାଯାଉଥିବା ସାମଗ୍ରୀ ମିଳିନାହିଁ । ତେଣୁ ପାଣିରେ ବୁଡ଼ି ଶିଶୁଟିର ମୃତ୍ୟୁ ହୋଇଥିବା ଅନୁମାନ କରୁଛି ପୋଲିସ।