ଭୁବନେଶ୍ୱର ୦୮।୦୬ : କ୍ୟାପିଟାଲ ଥାନା ଜିଇଡି ବସ୍ତି ସୁଶାନ୍ତ ନାୟକ ହତ୍ୟା ଘଟଣା । ହତ୍ୟାକାଣ୍ଡରେ ସଂପୃକ୍ତ ତିନି ଅଭିଯୁକ୍ତଙ୍କୁ ଗିରଫ କଲା ପୋଲିସ । ସମସ୍ତ ଅଭିଯୁକ୍ତଙ୍କୁ ଦାରିଙ୍ଗିବାଡିରୁ ଗିରଫ କରିଛି କ୍ୟାପିଟାଲ ଥାନା ପୋଲିସ ।

ଖବର ଅନୁଯାୟୀ, ୨୦୨୩ ମସିହା ଜୁନ୍‌ ୧ରେ କ୍ୟାପିଟାଲ ଥାନା ଜିଇଡି ବସ୍ତିରେ ହତ୍ୟାକାଣ୍ଡ ଘଟିଥିଲା । ବସ୍ତିରେ ସୁଶାନ୍ତ ନାୟକଙ୍କୁ  ହତ୍ୟା କରିଥିଲେ ଦୁର୍ବୃତ୍ତ । ହତ୍ୟା ପରଠୁ ସମସ୍ତ ଅଭିଯୁକ୍ତ ଫେରାର ଥିଲେ । କିନ୍ତୁ କିଛି ପୂର୍ବେ ଏହି ଘଟଣାର ମୁଖ୍ୟ ଅଭିଯୁକ୍ତ ଭୁବନେଶ୍ୱର କୋର୍ଟରେ ଆତ୍ମସମର୍ପଣ କରିଥିଲେ । ବାକି ତିନି ଅଭିଯୁକ୍ତ ଫେରାର ଥିଲେ । ଆଉ ଏବେ ସେହି ତିନି ଜଣ ଅଭିଯୁକ୍ତଙ୍କୁ ଦାରିଙ୍ଗିବାଡିରୁ ଗିରଫ କରିଛି କ୍ୟାପିଟାଲ ଥାନା ପୋଲିସ । ଭୁବନେଶ୍ୱର ଡିସିପି ପ୍ରତୀକ ସିଂ ସୂଚନା ଦେଇଛନ୍ତି ।

ତେବେ ଏହି ଘଟଣାରେ ଆଉ କିଏ କିଏ ସାମିଲ ଅଛନ୍ତି । ସେନେଇ ଖୋଳତାଡ କରୁଛି କ୍ୟାପିଟାଲ ଥାନା ପୋଲିସ । ହତ୍ୟାକାଣ୍ଡ ଘଟଣାରେ ବିଭିନ୍ନ ଦିଗକୁ ନେଇ ଛାନ୍‌ଭିନ୍‌ ଜାରି ରଖିଛି କମିଶନରେଟ୍‌ ପୋଲିସ ।

You Can Read :