ମୁମ୍ବାଇ ୨୦।୦୩ : ଆସୁନି ସୂର୍ଯ୍ୟଙ୍କ ଚମକ । ଲଗାତର ଭାବେ ଫେଲ୍ ମାରୁଛି ମିଷ୍ଟର ୩୬୦ଙ୍କ ବ୍ୟାଟ । ଏକଦା ଟି-୨୦ ଗର୍ଜୁଥିବା ସୂର୍ଯ୍ୟଙ୍କ ବ୍ୟାଟ୍, ଏବେ ଦିନିକିଆରେ ଶାନ୍ତ ପଡିଛି । ଅଷ୍ଟ୍ରେଲିଆ ବିପକ୍ଷ ଶେଷ ଦୁଇଟି ଦିନିକିଆରେ ବିନା ଖାତା ଖୋଲି ପ୍ୟାଭିଲୟନ୍ ଫେରୁଛନ୍ତି । ସମାନ ବୋଲର ଏବଂ ସମାନ ଷ୍ଟାଇଲ୍ରେ ଆଉଟ୍ ହେଉଛନ୍ତି ।

୩୨ ବର୍ଷୀୟ Suryakumar Yadav ଙ୍କୁ ଦିନିକିଆ କ୍ରିକେଟ୍ରେ କମ୍ ସୁଯୋଗ ମିଳୁଛି । ତଥାପି ସେ ସେହି ସୁଯୋଗର ଫାଇଦା ଉଠାଇପାରୁନାହାନ୍ତି । ସୂର୍ଯ୍ୟକୁମାର ଯାଦବ ଏବେ ୨୦ଟି ପାଳିରେ ୨୫.୪୭ ପ୍ରତିଶତରେ ୪୩୩ ରନ୍ କରିଛନ୍ତି । ଏହି ସମୟରେ ତାଙ୍କ ବ୍ୟାଟରୁ ଦୁଇଟି ଅର୍ଦ୍ଧଶତକ ବାହାରିଛି । ତେବେ ଶେଷ ୧୪ଟି ପାଳିରେ ସୂର୍ଯ୍ୟକୁମାର ଯାଦବ ଗୋଟିଏ ବି ଅର୍ଦ୍ଧଶତକ ମାରିନାହାନ୍ତି । ଏହି ସମୟରେ ମଧ୍ୟରେ ସେ କେବଳ ପାଞ୍ଚ ଥର ବ୍ୟକ୍ତିଗତ ଭାବେ ଦୁଇ ଅଙ୍କର ସ୍କୋର କରିପାରିଛନ୍ତି । ଏହା ତାଙ୍କ ଦିନିକିଆ କ୍ରିକେଟ୍‌ର ସବୁଠାରୁ ଖରାପ ସମୟ ବୋଲି କୁହାଯାଉଛି ।

Suryakumar Yadav ୧୮ ଜୁଲାଇ ୨୦୨୧ରେ ଶ୍ରୀଲଙ୍କ ବିପକ୍ଷରେ ଦିନିକିଆ କ୍ରିକେଟ୍‌ରେ ଡେବ୍ୟୁ କରିଥିଲେ । ପ୍ରଥମ ମ୍ୟାଚ୍‌ରେ ସୂର୍ଯ୍ୟକୁମାର ଯାଦବ ମାତ୍ର ୩୧ ରନ୍‌ ହିଁ କରିଥିଲେ । ଏହାପରେ ଶ୍ରୀଲଙ୍କା ବିପକ୍ଷ ୨ୟ ଦିନିକିଆରେ ଏକ ଅର୍ଦ୍ଧଶତକ କରିଥିଲେ । ସେତେବେଳେ ଏମିତି ଲାଗୁଥିବା କି ଟିମ୍‌ ଇଣ୍ଡିଆର ମିଡିଲ୍‌ ଅର୍ଡର ଏକ ମଜ୍‌ବୁତ୍‌ ଖେଳାଳି ଭାବେ ବାହାରିବେ । କିନ୍ତୁ୯ ଫେବୃଆରୀ ୨୦୨୨ରେ ଓ୍ୱେଷ୍ଟଇଣ୍ଡିଜ୍‌ ବିରୋଧରେ ୬୪ ରନ୍‌ ପାରି ଖେଳିବା ପରଠାରୁ ହିଁ ଫର୍ମ ହରାଇଛନ୍ତି ସୂର୍ଯ୍ୟକୁମାର ଯାଦବ ।

ଶ୍ରେୟସ ଆୟରଙ୍କ ଅନୁପସ୍ଥିତିରେ ସୂର୍ଯ୍ୟକୁମାରଙ୍କ ପାଖରେ ଭଲ ସୁଯୋଗ ଥିଲା ଟିମ୍‌ରେ ନିଜ ସ୍ଥାନ ପକ୍କା କରିବାକୁ । କିନ୍ତୁ ସୂର୍ଯ୍ୟକୁମାର ଯାଦବ ଯେଉଁଭଳି ବ୍ୟାଟିଂ ଶୈଳୀରେ ଖେଳୁଛନ୍ତି । ତାହା ଆଗାମୀ ଦିନରେ ତାଙ୍କୁ ଭାରି ପଡିପାରେ । ଏପିରିକି ଆଗାମୀ ଦିନିକିଆ ବିଶ୍ୱକପ୍‌ରେ ଟିମ୍ ସଦସ୍ୟ ହେବା ବହୁ କଷ୍ଟକର ହୋଇପଡିବ ।