ନୂଆଦିଲ୍ଲୀ: ଅନ୍ତର୍ଜାତୀୟ କ୍ରିକେଟ୍ ପରିଷଦ(ଆଇସିସି) ଦ୍ଵାରା ବୁଧବାର ଜାରି ସଦ୍ୟତମ ଟି-୨୦ ମାନ୍ୟତାରେ ସୂର୍ଯ୍ୟକୁମାର ଯାଦବ ବଡ ଲମ୍ଫ ମାରିଛନ୍ତି। ସେ ପ୍ରଥମ ଥର ଶୀର୍ଷ ୫ରେ ପ୍ରବେଶ କରିଛନ୍ତି। ନିକଟରେ ଟି-୨୦ ଅନ୍ତର୍ଜାତୀୟରେ ଶତକ ହାସଲ କରିଥିବା ସୂର୍ଯ୍ୟଙ୍କୁ ଏହି ପ୍ରଦର୍ଶନର ଫାଇଦା ମିଳିଛି। ଇଂଲଣ୍ଡ ବିଫକ୍ଷ ତୃତୀୟ ଟି-୨୦ରେ ୧୧୭ ରନର ଇନିଂସ ପରେ ୭୩୨ ରେଟିଂ ପଏଣ୍ଟ ସହିତ ନିଜ କ୍ୟାରିୟରର ଶ୍ରେଷ୍ଠ ରାଙ୍କିଙ୍ଗରେ ପହଞ୍ଚିଛନ୍ତି ସୂର୍ଯ୍ୟକୁମାର ଯାଦବ।
୩୧ ବର୍ଷୀୟ ସୂର୍ଯ୍ୟକୁମାର ବୁଧବାର ଜାରି ସଦ୍ୟତମ ଟି-୨୦ ମାନ୍ୟତାରେ ୪୪ଟି ସ୍ଥାନ ଉପରକୁ ଉଠିଛନ୍ତି। ଗତ ବର୍ଷ ଅନ୍ତର୍ଜାତୀୟ କ୍ରିକେଟରେ ପଦାର୍ପଣ କରିଥିବା ସୂର୍ଯ୍ୟକୁମାର ଯାଦବ ନିକଟରେ ଟି-୨୦ରେ ଚମତ୍କାର ପ୍ରଦର୍ଶନ କରିଛନ୍ତି। ସେ ଗତ ୧୬ ମାସରେ ଚାରୋଟି ଟି-୨୦ ଅର୍ଦ୍ଧଶତକ ହାସଲ କରିଛନ୍ତି।
wp:html/wp:htmlA huge climb for Suryakumar Yadav in T20I cricket, as Dimuth Karunaratne reaches a career-high ranking on the Test scene!
— ICC (@ICC) July 13, 2022
More on the latest @MRFWorldwide rankings 📈
ସୂର୍ଯ୍ୟକୁମାର ଯାଦବଙ୍କ ବ୍ୟତୀତ ଅନୁଭବୀ ଦ୍ରୁତ ବୋଲର ଭୁବନେଶ୍ଵର କୁମାର ମଧ୍ୟ ବୋଲିଂ ମାନ୍ୟତାରେ ଶୀର୍ଷ ୧୦ରେ ପ୍ରବେଶ କରିଛନ୍ତି। ଇଂଲଣ୍ଡ ବିପକ୍ଷରେ ପ୍ଲେୟାର ଅଫ ଦ ସିରିଜ୍ ପୁରସ୍କାର ପାଇଥିବା ଭୁବନେଶ୍ଵର ଦ୍ଵିତୀୟ ଟି-୨୦ରେ ୧୫ ରନ ଦେଇ ତିନୋଟି ଓ୍ଵିକେଟ୍ ହାସଲ କରିଥିଲେ। ହର୍ଷଲ ପଟେଲ୍ ମଧ୍ୟ ୧୦ଟି ସ୍ଥାନ ଉନ୍ନତି ଘଟାଇ ୨୩ତମରେ ପହଞ୍ଚିଛନ୍ତି।