oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଓଡିଶା ଗ୍ରାମ୍ୟବ୍ୟାଙ୍କର ମ୍ୟାନେଜର ମୃତ, ଗୁରୁତର ଡାକ୍ତରଖାନାରେ ଭର୍ତ୍ତି
  • ||
  • ଭଦ୍ରକ ଜିଲ୍ଲାପାଳ କାର୍ଯ୍ୟାଳୟରୁ ସୂଚନା, ଧାମନଗର ଉପନିର୍ବାଚନ ପାଇଁ ଲାଗୁ ହେଲା ଆଦର୍ଶ ଆଚରଣ ବିଧି
  • ||
  • ଅଗ୍ନିଶ୍ଵର ମନ୍ଦିର ଉପରେ ଚଢ଼ିଗଲେ ପୂଜକ, ସିଂହଦ୍ୱାର ଥାନାରେ ଅଟକ ରଖିଲା ପୋଲିସ୍‌
  • ||
  • ଅରୁଣାଚଳ ପ୍ରଦେଶ: ତଓ୍ୱାଙ୍ଗରେ ସେନା ହେଲିକପ୍ଟର କ୍ରାସ୍, ପାଇଲଟଙ୍କ ମୃତ୍ୟୁ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୮ କୋଭିଡ୍ ପଜିଟିଭ୍
  • ||
  • ବୌଦ୍ଧ : ଲୁଗା ଶୁଖାଇବା ହେଲା କାଳ, ବିଦ୍ୟୁତ ଆଘାତରେ ଚାଲିଗଲା ତିନିଜଣଙ୍କ ଜୀବନ
  • ||
  • ଲଘୁଚାପ ପ୍ରଭାବରେ ଭିଜୁଛି ସାରା ରାଜ୍ୟ, ଭଦ୍ରକରେ ରେକର୍ଡ ସଂଖ୍ୟକ ବର୍ଷା
  • ||
  • ବାରାମୁଲ୍ଲାରେ ଶୋପିଆନ୍‌ରେ ଏନକାଉଣ୍ଟର: ୩ ଆତଙ୍କବାଦୀ ନିପାତ, ମୁଲୁରେ କମ୍ୱିଂ ଜାରି
  • ||

ସୁରଙ୍କ ପାଇଁ କୋଭିଡ୍ ଗାଇଡଲାଇନ୍ସ ନାହିଁ ? ଆନ୍ଦୋଳନ ନାମରେ ଅନେକ ଲୋକଙ୍କ ପାଇଁ ସଂକ୍ରମଣର ଆଶଙ୍କା ସୃଷ୍ଟି କଲେ ବିଧାୟକ

24/08/2020 at 7:41 PM

ଭୁବନେଶ୍ୱର, ୨୪|୦୮: ଏବେ ପ୍ରଚାରର ଯୁଗ । ଯିଏ ଯେତେ ଚିଲେଇଲେ ସିଏ ସେତେ ମାଇଲେଜ୍ ନେଲା । ଏମିତି ଢଙ୍ଗ ହେଉଛି ଆମ ରାଜନେତାଙ୍କର । କୋଭିଡ୍-୧୯ ଭାଇରସ ବା କରୋନା ପାଇଁ ଏହି ନେତା ବହୁତ ଚିତ୍କାର କରୁଛନ୍ତି । କିନ୍ତୁ ନିଜ ବେଳକୁ ନିୟମ ଫୁସ୍ । ମାନେ ସେ ନିଜେ କୋଭିଡ୍ ଗାଇଡଲାଇନ ବା ନିୟମକାନୁନ ମାନନ୍ତି ନାହିଁ । ଆନ୍ଦୋଳନ ନାଁରେ ନିଜେ ଅନେକ ଲୋକଙ୍କ ପାଇଁ ଅଡୁଆ ସୃଷ୍ଟି କରୁଥିଲେ ବି ସେଥିପ୍ରତି ଦୃଷ୍ଟି ନାହିଁ । ଅଡୁଆ କହିଲେ କମ୍ ହେବ ବିପଦ କହିଲେ ଯଥାର୍ଥ ହେବ । ଆମେ ଏହା କହୁଛୁ ଜଟଣୀ ବିଧାୟକ ସୁର ରାଉତରାୟଙ୍କ ଏକ କାରନାମାକୁ ନେଇ । ସୁର ବାବୁ ସୋମବାର ଦିନ ଏକ ଘରୋଇ ଡାକ୍ତରଖାନା ଆଗରେ କିଛି ଅନୁଗତ ଓ ସମର୍ଥକଙ୍କୁ ନେଇ ଧାରଣାରେ ବସିଥିଲେ । ଡାକ୍ତରଖାନାରେ ଜଣେ ରୋଗୀଙ୍କ ମୃତ୍ୟୁକୁ ନେଇ ଧାରଣା ଦେଇଥିଲେ । କିନ୍ତୁ ରୋଗୀଙ୍କ ପାଇଁ ଚିତ୍କାର କରିବା ବେଳେ ସେ ଯେ ଅନେକ ରୋଗୀ ଏବଂ ରୋଗୀଙ୍କ ସମ୍ପର୍କୀୟଙ୍କ ପାଇଁ ଯେ ବିପଦର ଆଶଙ୍କା ସୃଷ୍ଟି କରୁଛନ୍ତି, ତାହା ଭୁଲି ଯାଇଥିଲେ କିମ୍ବା ଜାଣିଶୁଣି ବେପାରୁଆ ଢଙ୍ଗରେ ନିୟମକୁ ଫୁ କରିଦେଇଥିଲେ ।

ଘଟଣାଟି ହେଲା, ଜଣେ ରୋଗୀଙ୍କ ମୃତ୍ୟୁକୁ ନେଇ ଡାକ୍ତରଖାନା ଆଗରେ ବିଧାୟକ ସୁର ରାଉତରାୟ  ଓ ତାଙ୍କ ସମର୍ଥକମାନେ ଧାରଣା ଦେଇଥିଲେ । ଧାରଣାସ୍ଥଳରେ ବସିବା ବେଳେ ଜନ ପ୍ରତିନିଧି ଭୁଲି ଯାଇଥିଲେ ଜନତାଙ୍କ ସୁରକ୍ଷା କଥା । ନିଜେ ତ ମାସ୍କ ପିନ୍ଧି ନଥିଲେ,ଧାରଣାସ୍ଥଳରେ ଉପସ୍ଥିତ କିଛି ସମର୍ଥକଙ୍କ ମୁହଁରେ ବି ମାସ୍କ ନଥିଲା । ସାମାଜିକ ଦୂରତା ବା ସୋସିଆଲ ଡିଷ୍ଟାନ୍ସିଂ ମଧ୍ୟ ବିଲକୁଲ ନଥିଲା । କୋଭିଡ୍ ଗାଇଡଲାଇନ୍ସ ମାନିବାକୁ ସରକାର ଓ ପ୍ରଶାସନର କଡା ତାଗିଦା । ମାସ୍କ ନଥିଲେ ହଜାରେ ଜରିମାନା । ଅଥଚ ଜଣେ ଦାୟିତ୍ୱସମ୍ପନ୍ନ ଜନ ପ୍ରତିନିଧି, ଜଣେ ବରିଷ୍ଠ ରାଜନେତା ଓ ଜଣେ ପୂର୍ବତନ ମନ୍ତ୍ରୀ ହୋଇ ମଧ୍ୟ ସୁରବାବୁ କିପରି ଜନତାଙ୍କ ସୁରକ୍ଷା ଓ ନିରାପତ୍ତା ଭୁଲିଗଲେ ? କୋଭିଡ୍ ନିୟମକୁ କିପରି ପାସୋରି ଗଲେ ? ଲୋକଙ୍କ ପାଇଁ ଆନ୍ଦୋଳନକୁ ଡେଇଁ ପଡୁଥିବାର ବାହାଦୁରି ନେଉଥିବା ସୁର ବାବୁ ସେହି ଲୋକଙ୍କ ସମୁହ ସୁରକ୍ଷା କଥା କିପରି ଚିନ୍ତା କଲେନି ? ଆମେ ସୁରବାବୁଙ୍କ ଆନ୍ଦୋଳନକୁ ଭୁଲ କହୁନୁ କିମ୍ବା ସମାଲୋଚନା କରୁନୁ । ଆମେ ସମୁହଙ୍କ ପ୍ରତି ତାଙ୍କ ଦାୟିତ୍ୱକୁ ପ୍ରଶ୍ନ କରୁଛୁ । ଆନ୍ଦୋଳନ କରିବା ଲୋକଙ୍କ ସ୍ୱାର୍ଥ ପାଇଁ ଲଢିବା ଠିକ୍ କଥା । କିନ୍ତୁ ଏହା ଅର୍ଥ ନୁହେଁ ଯେ ଗୋଟିଏ ଠିକ୍ ବା ଭଲ କାମ ପାଇଁ ଆମେ ନିୟମ ଭାଙ୍ଗିବା । ଜନ ସମୁହଙ୍କ ସ୍ୱାର୍ଥ ବିରୋଧରେ ଯିବା । ନିକଟରେ ସୁପ୍ରିମକୋର୍ଟ ଏକ ମାମଲାରେ ଜଣେ ଆଇନଜୀବୀଙ୍କୁ ଏହି ଢଙ୍ଗରେ ସମାଲୋଚନା କରିଛନ୍ତି । ଶହେ ଭଲ କାମ ପାଇଁ ଦଶଟି ଭୁଲକୁ ଲାଇସେନ୍ସ ଦିଆଯାଇ ନପାରେ । ସୁର ବାବୁ ଜଣଙ୍କ ପାଇଁ ଆନ୍ଦୋଳନ କରିବା ବେଳେ ଅନ୍ୟମାନଙ୍କ ସୁରକ୍ଷା ଓ ନୀତି ନିୟମ ଆଇନ କାନୁନର ସୁରକ୍ଷା କଥା ଚିନ୍ତା କରିବା ଉଚିତ୍ ଥିଲା । ଯଦି ଏପରି ସ୍ଥିତିରେ ସୁରଙ୍କ ସହ ଥିବା କେହି ଆନ୍ଦୋଳନକାରୀ କରୋନା ସଂକ୍ରମିତ ହୁଅନ୍ତି  ତେବେ ପରିସ୍ଥିତି କଣ ହେବ ତାହା ଅନୁମେୟ । କେବଳ ସେତିକି ନୁହେଁ ଅନ୍ୟ ରୋଗୀ ଏବଂ ରୋଗୀଙ୍କ ସମ୍ପର୍କୀୟ ମଧ୍ୟ ପ୍ରଭାବିତ ତଥା ସଂକ୍ରମିତ ହେବା ଆଶଙ୍କା ରହିଛି ।  ଭଗବାନ କରନ୍ତୁ ନେତାଙ୍କ ଏପରି ଅସୁରକ୍ଷିତ ଆନ୍ଦୋଳନ ଅନ୍ୟମାନଙ୍କୁ ବିପଦ ନହେଉ ।

   Related Posts