ଭୁବନେଶ୍ବର ୧୪।୪: ଝାରସୁଗୁଡା ଉପନିର୍ବାଚନ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ । ସେ କହିଛନ୍ତି, ଶନିବାର କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ ପ୍ରାର୍ଥୀପତ୍ର ଦାଖଲ କରିବେ । ପିସିସି ସଭାପତି ଦଳର ତୁଙ୍ଗ ନେତା ଉପସ୍ଥିତ ରହିବେ । କଂଗ୍ରେସ ପ୍ରାର୍ଥୀ ଦେଇଛି । କଂଗ୍ରେସ ଭଲ ଭୋଟ୍ରେ ବିଜୟୀ ହେବ । କଂଗ୍ରେସ ପକ୍ଷରୁ ପ୍ରତି ୱାର୍ଡରେ ଜଣେ ନେତାଙ୍କୁ ଦାୟିତ୍ୱ ଦିଆଯାଇଛି ।
ଉପନିର୍ବାଚନ ପାଇଁ ସ୍ୱତନ୍ତ୍ର ଭାବେ ୮୦ ଜଣ ପର୍ଯ୍ୟବେକ୍ଷକଙ୍କୁ ନିଯୁକ୍ତ କରଯାଇଛି । ପର୍ଯ୍ୟବେକ୍ଷକମାନେ ପ୍ରତି ଗାଁ ଏବଂ ପଞ୍ଚାୟତରେ ଡେରା ପକାଇ ତରୁଣ ପାଣ୍ଡେଙ୍କ ପାଇଁ କ୍ୟାମ୍ପେନ୍ କରିବେ । କଂଗ୍ରେସ ବିଧାୟକ ଜୋନ୍ ଦାୟିତ୍ବରେ ରହିବେ । ଦଳର ଉପ-ସଭାପତି ସବ୍ ଜୋନ୍ରେ ରହିବେ । ଦଳର ସାଧାରଣ ସମ୍ପାଦକ ଦୁଇଟି ଲେଖାଏଁ ୱାର୍ଡ ଦାୟିତ୍ବରେ ରହିବେ । ଦଳର ୨୦ ଜଣ ଷ୍ଟାର ପ୍ରଚାରକ ଦଳର ପ୍ରଚାର ଦାୟିତ୍ବରେ ରହିବେ । କଂଗ୍ରେସର ୧୩୦ଜଣ ବଡ଼ ନେତା ଝାରସୁଗୁଡ଼ାରେ ଡେରା ପକାଇ ନିର୍ବାଚନ ପରିଚାଳନା କରିବାକୁ ଦଳ ପକ୍ଷରୁ ନିର୍ଦ୍ଦେଶ ଦିଆଯାଇଛି ବୋଲି ସୁର ରାଉତରାୟ କହିଛନ୍ତି ।
