ଭୁବନେଶ୍ୱର ୨୭/୦୬: ସୁରଙ୍କ ଜାଗାରେ ୨୦୨୪ ନିର୍ବାଚନ ଲଢିବେ ସାନ ପୁଅ ମନ୍ମଥ ରାଉତରାୟ । ଜଟଣୀ ବିଧାୟକ ସୁର ରାଉତରାୟଙ୍କ ସାନ ପୁଅ ହେଉଛନ୍ତି ମନ୍ମଥ ରାଉତରାୟ । ଏଥିପାଇଁ ସେ ଚାକିରିରୁ ଇସ୍ତଫା ଦେଇଛନ୍ତି ।

ଏୟାର ଇଣ୍ଡିଆ କ୍ୟାପଟେନ୍ ପଦରୁ ଇସ୍ତଫା ଦେଇଛନ୍ତି ମନ୍ମଥ । ଚାକିରି ଛାଡ଼ିଥିବା ନେଇ ନିଜେ ମନ୍ମଥ ସୂଚନା ଦେଇଛନ୍ତି । ତେବେ ଚାକିରି ଛାଡ଼ିବା ପରେ ପ୍ରତିକ୍ରିୟା ରଖିଛନ୍ତି ମନ୍ମଥ । ସେ କହିଛନ୍ତି ଯେ, ୨୦୨୪ରେ ବାପା ଆଉ ନିର୍ବାଚନ ଲଢିବେନି । ସେବା କରିବା ପାଇଁ ଚାକିରି ଛାଡ଼ିଲି । ସମସ୍ତଙ୍କ ସହ ଆଲୋଚନା ପରେ ମୁଁ ନେଇଛି ନିଷ୍ପତ୍ତି ।

ସୂଚନା ଥାଉକି, ଜଟଣୀ ବିଧାୟକ ସୁର ରାଉତରାୟ ଫେବୃଆରୀ ୨୩ରେ ରାଜନୈତିକ କ୍ୟାରିଅରରୁ ଅବସର ନେଇ ଘୋଷଣା କରିଥିଲେ । ସେ କହିଥିଲେ ଯେ, ମୁଁ ଆଉ ନିର୍ବାଚନ ଲଢିବିନି । ମୋ ପୁଅ ମନ୍ମଥ ରାଉତରାୟ ଜଟଣୀରୁ ନିର୍ବାଚନ ଲଢିବ। ମୋତେ ୮୦ ହେଲାଣି । ମୋ ପୁଅ କଂଗ୍ରେସ ଟିକେଟରୁ ଲଢିବ ।

you can also read..