ନୂଆଦିଲ୍ଲୀ ୧୬।୧୨: ନୂଆଦିଲ୍ଲୀରେ ସଂଶୋଧିତ ବିଲ୍କୁ ନେଇ ନେଇ ଦେଶରେ ବିଭିନ୍ନ ସ୍ଥାନରେ ଆନ୍ଦୋଳନ ଚାଲିଛି । ତେବେ ରବିବାର ଦିନ ଦିଲ୍ଲୀ ଜାମିଆରେ ନାଗରିକତା ସଂଶୋଧନ ଆଇନକୁ ବିରୋଧ କରି ହିଂସାକାଣ୍ଡ ମାମଲାକୁ ନେଇ ସୁପ୍ରିମକୋର୍ଟରେ ଶୁଣାଣି ପାଇଁ ଆବେଦନ କରାଯାଇଛି । ଆବେଦନରେ ତୁରନ୍ତ ଶୁଣାଣି କରିବା ସହ ଏକ ଯାଞ୍ଚ କମିଟି ଗଠନ ପାଇଁ ଦାବି ହୋଇଥିଲା । କିନ୍ତୁ ସୁପ୍ରିମକୋର୍ଟ ଏହାକୁ ଆଗ୍ରାହ୍ୟ କରିଦେଇଛନ୍ତି । ତେବେ ଘଟଣାକୁ ନେଇ ଉଦବେଗ ପ୍ରକାଶ କରିଛନ୍ତି ସୁପ୍ରିମକୋର୍ଟ ମୁଖ୍ୟ ବିଚାରପତି ଜଷ୍ଟିସ୍ ବୋବ୍ଡେ । ଏଭଳି ହିଂସାକୁ ତୁରନ୍ତ ରୋକାଯିବା ଜରୁରୀ । ପ୍ରଥମେ ଘଟଣା ଉପରେ ମାମଲା ରୁଜୁ ହେଉ । ଆସନ୍ତାକାଲି ମାମଲାର ଶୁଣାଣି କରିବେ ସୁପ୍ରିମ୍କୋର୍ଟ । ହିଂସା ବନ୍ଦ କରିବାକୁ CJI ଜଷ୍ଟିସ ବୋବଡେଙ୍କ ନିର୍ଦେଶ ଦେଇଛନ୍ତି ।
ସୂଚନାଯୋଗ୍ୟ ଯେ, ଗତକାଲି ଦିଲ୍ଲୀ ଜାମିଆ ଅଞ୍ଚଳରେ ହିଂସା ଦେଖିବାକୁ ମିଳିଥିଲା । ପ୍ରଦର୍ଶନକାରୀମାନେ ୩ଟି ବସ୍ରେ ନିଆଁ ଲଗାଇଦେଇଥିଲେ । ଅଗ୍ନିଶମ ବାହିନୀ ଗାଡି ଉପରକୁ ମଧ୍ୟ ଆକ୍ରମଣ କରିଥିଲେ ।ପ୍ରଦର୍ଶନ ସମୟରେ ବସ୍ ପୋଡି ଓ ଭଙ୍ଗାରୁଜା ପରେ ସ୍ଥିତିକୁ ନିୟନ୍ତ୍ରଣ କରିବା ପାଇଁ ପୋଲିସ କିଛିଜଣଙ୍କ ଗିରଫ କରିଥିଲା ।