scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମଣିପୁର ହିଂସା ମାମଲାରେ ‘ସୁପ୍ରିମ’ ନିଷ୍ପତ୍ତି, ସିବିଆଇ କେସ୍‌କୁ ଗୌହ୍ୱାଟୀ ସ୍ଥାନାନ୍ତର

25/08/2023 at 1:18 PM

ନୂଆଦିଲ୍ଲୀ: ମଣିପୁର ହିଂସା ମାମଲାରେ ସୁପ୍ରିମକୋର୍ଟ ବଡ଼ ପଦକ୍ଷେପ ନେଇଛନ୍ତି । ସର୍ବୋଚ୍ଚ ଅଦାଲତ ସିବିଆଇ କେସ୍‌କୁ ଆସାମର  ଗୌହ୍ୱାଟୀକୁ ସ୍ଥାନାନ୍ତର କରିଛନ୍ତି । ଏହା ସହିତ ଏହି ମାମଲାରେ ସ୍ପେଶାଲ ଜଜ୍ ନିଯୁକ୍ତି ପାଇଁ ହାଇକୋର୍ଟ ମୁଖ୍ୟ ବିଚାରପତିଙ୍କୁ ନିର୍ଦ୍ଦେଶ ଦେଇଛନ୍ତି । ଏହି ମାମଲାର ଶୁଣାଣି କରି ସ୍ବତନ୍ତ୍ର ନିର୍ଦ୍ଦେଶନାମା ଜାରି କରିଛନ୍ତି । ପ୍ରଧାନ ବିଚାରପତି ଜଷ୍ଟିସ୍ ଡିଓ୍ବାଇ ଚନ୍ଦ୍ରଚୂଡ଼, ଜଷ୍ଟିସ୍ ଜେବି. ପାରଦିଓ୍ବାଲା ଏବଂ ଜଷ୍ଟିସ୍ ମନୋଜ ମିଶ୍ରାଙ୍କ ବେଞ୍ଚ ଗାଇଡ୍‌ଲାଇନ୍ ଜାରି କରିଛନ୍ତି ।

ଏହି ନିର୍ଦ୍ଦେଶନାମା ଅନୁଯାୟୀ, ଗୋହ୍ବାଟୀ ହାଇକୋର୍ଟ ଚିଫ୍ ଜଷ୍ଟିସଙ୍କୁ ଏହି ମାମଲାରେ ଜଣେ ଅଧିକ ସ୍ପେଶାଲ ଜଜ୍ ନିୟୁକ୍ତି ପାଇଁ କହିଛନ୍ତି । ଏହା ସହିତ ଅଭିଯୁକ୍ତଙ୍କୁ ଭିସି ମାଧ୍ୟମରେ ହାଜର କରିବାକୁ କହିଛନ୍ତି । ସେହିପରି ଅଭିଯୁକ୍ତ ମାନେ ବିଚାର ବିଭାଗୀୟ ହାଜତରେ ରହିବେ ।

ସେହିପରି ଗାଇଡ୍‌ଲାଇନ ମୁତାବକ, CrCP 164 ଧାରା ଆଧାରରେ ମଣିପୁର କ୍ଷେତ୍ରୀୟ ମାଜିଷ୍ଟ୍ରେଟଙ୍କ ସାମ୍ନରା ସାକ୍ଷୀମାନଙ୍କର ବୟାନ ରେକର୍ଡ ହେବ । ଅଭିଯୁକ୍ତମାନେ ମଣିପୁର ନିମ୍ନ ଅଦାଲତରେ ପରେଡ୍ କରିବେ । ମାମଲାର ଶୁଣାଣି ବେଳେ ମଣିପୁର ରାଜ୍ୟ ସରକାର ପର୍ଯ୍ୟାପ୍ତ ଇଣ୍ଟରନେଟ୍ ସୁବିଧା ଯୋଗାଇ ଦେବେ ।  ଅନ୍ୟପଟେ ଯଦି କୌଣସି ଅଭିଯୁକ୍ତ ଗୌହ୍ୱାଟୀ ଯାଇ ବୟାନ ରେକର୍ଡ କରିବାକୁ ଚାହାନ୍ତି, ତେବେ ଏଥିପାଇଁ ରାଜ୍ୟ ସରକାର ସମସ୍ତ ବ୍ୟବସ୍ଥା କରିବେ । ମଣିପୁର ମାମଲାରେ ସିଜେଆଇ କହିଛନ୍ତି, ଯଦି ଶୁଣାଣି ବେଳେ ମଣିପୁରରେ ସ୍ଥିତିରେ ସୁଧାର ଆସେ ତେବେ ନିଯୁକ୍ତ ହୋଇଥିବା ବିଚାରପତି ସେହି ରାଜ୍ୟରେ ମାମଲାର ବିଚାର କରିପାରିବେ ।

   Related Posts